តំណាងរាស្រ្ត គណបក្ស ប្រជាជន កម្ពុជា ទាំង ៦៨រូប
បោះឆ្នោត ទម្លាក់លោក កឹម សុខា ពីអនុប្រធាន ទី១ នៃរដ្ឋសភា
នៅព្រឹក ថ្ងៃទី៣០ ខែតុលានេះ (រូបថត ដោយ ទេព សូនី)
បក្សប្រឆាំង ចាត់ទុក ការដកលោក កឹម សុខា ផ្ទុយ នឹងរដ្ឋធម្មនុញ្ញ និងរំលោភ កិច្ចព្រមព្រៀង នយោបាយ
VOD / វីអូឌី | ៣០ តុលា ២០១៥
លោក កឹម សុខា
ត្រូវ បានរដ្ឋសភា នៅព្រឹក ថ្ងៃសុក្រនេះ
សម្រេច បោះឆ្នោត ដកចេញ ពីតំណែង ជាអនុប្រធាន ទីនៃរដ្ឋសភា ដោយសំឡេង ៦៨ លើ៦៨
សុទ្ធតែ ជាតំណាងរាស្រ្ត គណបក្ស ប្រជាជន កម្ពុជា។
រហូត មកដល់ ពេលនេះ លោក កឹម សុខា មិនទាន់ ចេញមុខ ដើម្បី អត្ថាធិប្បាយ លើបញ្ហានេះ បាននៅឡើយទេ។
សេចក្តីថ្លែងការណ៍ របស់ គណបក្ស ប្រឆាំង ចេញផ្សាយ នៅថ្ងៃ ទី៣០ ខែតុលា ឲ្យដឹង ថា, ការបោះឆ្នោត ទម្លាក់នេះ «ជាការ រំលោភ លើរដ្ឋធម្មនុញ្ញ នៃព្រះរាជាណាចក្រ កម្ពុជា
ព្រោះ រដ្ឋធម្មនុញ្ញ មិនមាន ចែង ស្តីអំពី ការអនុម័ត ញត្តិបន្ទោស ឬដកតួនាទី
ឬតំណែង របស់ ប្រធាន ឬអនុប្រាន រដ្ឋសភាទេ។
ការបោះឆ្នោត ជ្រើសតាំង ប្រធាន ឬអនុប្រធាន រដ្ឋសភា ថ្មី មកជំនួស
បាន លុះត្រាតែ ក្នុងករណី ប្រធាន ឬអនុប្រធាននោះ
សុំលាលែង ពីមុខតំណែង ឬទទួល អនិច្ចកម្ម (មាត្រា ៨៧ រដ្ឋធម្មនុញ្ញ)។»
គណបក្ស សង្រ្គោះជាតិបន្ត ថា៖ «ជាការំលោភ កិច្ចព្រមព្រៀង នយោបាយ រវាង គណបក្ស ប្រជាជន កម្ពុជា និងគណបក្ស សង្រ្គោះជាតិ ដែលជាគណបក្ស ដែលមាន អាសនៈ ក្នុងរដ្ឋសភា កាលពីថ្ងៃ ទី២២ ខែកក្កដា ឆ្នាំ២០១៤។»
គណបក្ស សង្រ្គោះជាតិបន្ត ថា៖ «ជាការំលោភ កិច្ចព្រមព្រៀង នយោបាយ រវាង គណបក្ស ប្រជាជន កម្ពុជា និងគណបក្ស សង្រ្គោះជាតិ ដែលជាគណបក្ស ដែលមាន អាសនៈ ក្នុងរដ្ឋសភា កាលពីថ្ងៃ ទី២២ ខែកក្កដា ឆ្នាំ២០១៤។»
គណបក្ស សង្រ្គោះជាតិ បាននិយាយ នៅក្នុងសេចក្តី ថ្លែងការណ៍ ថា៖ «តំណាងរាស្រ្ត
ទាំង ៥៥រូប មកពីគណបក្ស សង្រ្គោះជាតិ មិនអាច ចូលរួម ប្រជុំ រដ្ឋសភា
ដែលរំលោភ រដ្ឋធម្មនុញ្ញ ដែលជាច្បាប់ កំពូល និងរំលោភ លើកិច្ចព្រមព្រៀង នយោបាយ
រវាង គណបក្ស ទាំងពីរ ដែលមាន អាសនៈ ក្នុងរដ្ឋសភា នោះទេ។»
អ្នកនាំពាក្យរបស់រដ្ឋសភា លោក ឈាង វុន
មានប្រសាសន៍ថាការដកលោក កឹម សុខា នេះ
មិនមែនធ្វើឡើងតាមញត្តិនៃការតវ៉ារបស់បាតុករកាលពីថ្ងៃទី២៦ខែតុលានោះទេ។
នៅពេលសួរថាតើហេតុអ្វីបានជាការសម្រេចចិត្តធ្វើឡើង
ដោយប្រញាប់ប្រញាល់បែបនេះ លោក ឈាង វុន ឆ្លើយថា៖ «យើង យល់ថា, ជាការចាំបាច់, ជាការចាំបាច់ ដើម្បី ធានា វប្បធម៌សន្ទនា, ធានា កិច្ចព្រមព្រៀង ដែលយើង បានធ្វើ ជាមួយគ្នា រវាង គណបក្ស ទាំងពីរ។»
លោក បន្ថែមថា, ការដក ពីតំណែងនេះ មិនប៉ះពាល់ ដល់កិច្ចព្រមព្រៀង នយោបាយ រវាង គណបក្ស ទាំងពីរ និងប៉ះពាល់ វប្បធម៌សន្ទនា នោះទេ។ លោក បញ្ជាក់ថា, ការទម្លាក់ លោក កឹម សុខា ក៏ធ្វើឡើង គោរព ទៅតាមច្បាប់ រដ្ឋធម្មនុញ្ញ, បទបញ្ជាផ្ទៃក្នុង រដ្ឋសភា, និងលក្ខន្តិកៈ របស់ តំណាងរាស្រ្ត។
លោក បន្ថែមថា, ការដក ពីតំណែងនេះ មិនប៉ះពាល់ ដល់កិច្ចព្រមព្រៀង នយោបាយ រវាង គណបក្ស ទាំងពីរ និងប៉ះពាល់ វប្បធម៌សន្ទនា នោះទេ។ លោក បញ្ជាក់ថា, ការទម្លាក់ លោក កឹម សុខា ក៏ធ្វើឡើង គោរព ទៅតាមច្បាប់ រដ្ឋធម្មនុញ្ញ, បទបញ្ជាផ្ទៃក្នុង រដ្ឋសភា, និងលក្ខន្តិកៈ របស់ តំណាងរាស្រ្ត។
លោក ឈាង វុន
ស្នើឲ្យ គណបក្ស សង្រ្គោះជាតិ ផ្តល់បេក្ខភាព ថ្មី សម្រាប់ តំណែង
អនុប្រធាន ទី១ នៃរដ្ឋសភា កាន់តែ ឆាប់ អាចធ្វើ ទៅបាន
ដើម្បី សភា អាចពិនិត្យ និងបោះឆ្នោត នៅពេល ខាងមុខ។
តំណាងរាស្រ្ត គណបក្ស សង្រ្គោះជាតិ
មណ្ឌលបាត់ដំបង លោកស្រី មូរ សុខហួរ
បានបង្ហោះ នៅលើហ្វេសប៊ុក របស់ លោកស្រី ក្រោយពេល មានការបោះឆ្នោត ទម្លាក់លោក
កឹម សុខា ថា៖ «តំណាងរាស្រ្ត គណបក្ស សង្រ្គោះជាតិ យល់ថា, ការដកតំណែង លោក កឹម សុខា នឹងធ្វើ ឲ្យបក្សប្រឆាំង កាន់តែ មានប្រជាប្រិយភាព។»
ចំណែកតំណាងរាស្រ្តបក្សប្រឆាំងម្នាក់ទៀត លោក សុន ឆ័យ បានសរសេរនៅលើហ្វេសប៊ុកថា៖ «គណបក្សប្រជាជននឹងអស់ប្រជាប្រិយភាព ពេលដែលពួកគេបោះឆ្នោតដកលោក កឹម សុខា។»
ចំណែកតំណាងរាស្រ្តបក្សប្រឆាំងម្នាក់ទៀត លោក សុន ឆ័យ បានសរសេរនៅលើហ្វេសប៊ុកថា៖ «គណបក្សប្រជាជននឹងអស់ប្រជាប្រិយភាព ពេលដែលពួកគេបោះឆ្នោតដកលោក កឹម សុខា។»
តំណាងរាស្រ្តគណបក្សសង្រ្គោះជាតិបានលើកឡើងថាការបោះឆ្នោតទម្លាក់នេះផ្ទុយនឹងមាត្រា៨៧នៃរដ្ឋធម្មនុញ្ញកម្ពុជា។ មាត្រា៨៧ចែងថាប្រធាន រដ្ឋសភាដឹកនាំអង្គប្រជុំរបស់រដ្ឋសភាទទួលអាញ្ញត្តិច្បាប់និង សេចក្ដីសម្រេចចិត្តទាំងឡាយដែលរដ្ឋសភាបានអនុម័ត រ៉ាប់រងការអនុវត្តបទបញ្ជាផ្ទៃក្នុងរបស់រដ្ឋសភានិងចាត់ចែងការ ទាក់ទងអន្តរជាតិទាំងឡាយរបស់រដ្ឋសភា។ ក្នុងករណីដែលប្រធានរដ្ឋសភាមានធុរៈមិនអាចបំពេញមុខងារបាន ដោយហេតុមកពីមានជំងឺឬបំពេញមុខងារជាប្រមុខរដ្ឋស្ដីទីឬជា ព្រះរាជានុសិទ្ធិឬបំពេញបេសកកម្មនៅបរទេស អនុប្រធានរដ្ឋសភាមួយរូបត្រូវទទួលភារកិច្ចចាត់ចែងការងារជំនួស។ ក្នុងករណីដែលប្រធាន ឬអនុប្រធានរដ្ឋសភាលាលែងពីមុខតំណែងឬទទួលអនិច្ចកម្ម រដ្ឋសភាត្រូវបោះឆ្នោតជ្រើសតាំងប្រធានឬអនុប្រធានថ្មី។
ប្រធានរដ្ឋសភា លោក ហេង សំរិន
បានប្រកាសថាការដកតំណែងរបស់អនុប្រធានទី១នៃរដ្ឋសភាត្រូវធ្វើឡើង
ក្នុងសំឡេង៥០ភាគរយបូក១តែប៉ុណ្ណោះ បើតាមបទបញ្ជាផ្ទៃក្នុងនៃរដ្ឋសភា។
ការបោះឆ្នោតទម្លាក់នេះធ្វើឡើងតាម
ញត្តិរបស់តំណាងរាស្រ្តគណបក្សប្រជាជនកម្ពុជាពីររូប គឺលោក ប៉ែន បញ្ញា
ជាប្រធានគណៈកម្មការ នីតិកម្ម និងយុត្តិធម៌នៃរដ្ឋសភា និងលោក ជាម យៀប
ជាប្រធានគណៈកម្មការសេដ្ឋកិច្ច ហិរញ្ញវត្ថុ
ធនាគារនិងសវនកម្មនៃរដ្ឋសភា។ បើតាមញត្តិចុះថ្ងៃទី២៨ខែតុលា លោក កឹម
សុខា
“បានប្រព្រឹត្តផ្ទុយពីបទប្បញ្ញត្តិដែលមានចែងនៅក្នុងរដ្ឋធម្មនុញ្ញ
នៃព្រះរាជាណាចក្រកម្ពុជា
បទបញ្ជាផ្ទៃក្នុងនៃរដ្ឋសភានិងច្បាប់ស្តីពីលក្ខន្តិកៈតំណាងរាស្រ្ត។»
ញត្តិ បន្តថា៖ «នៅពេលចុះមូលដ្ឋានជួបប្រជាពលរដ្ឋឬសមាជិកខ្លួនឬទៅ
បរទេសក្នុងលក្ខណៈឯកជន ឯកឧត្តម កឹម សុខា
តែងតែឆ្លៀតពេលប្រើសិទ្ធិជាអនុប្រធានទី១នៃរដ្ឋសភា
រំលោភលើរដ្ឋធម្មនុញ្ញ
បទបញ្ជាផ្ទៃក្នុងនៃរដ្ឋសភានិងច្បាប់ជាធរមានផ្សេងៗទៀត។» ញត្តិ បន្ថែម ថា, លោក កឹម សុខា
បានរំលោភ លើកិច្ចព្រមព្រៀង ថ្ងៃទី២២ ខែកក្កដា
ឆ្នាំ២០១៥ និងសេចក្តី ថ្លែងការណ៍ រួម រវាង ថ្នាក់ដឹកនាំ តំណាងរាស្រ្ត នៃគណបក្ស
ទាំងពីរ ថ្ងៃទី៩ ខែតុលា ឆ្នាំ២០១៥។
តំណាងរាស្រ្តពីររូបនោះបានសរសេរនៅក្នុងញត្តិថាលោក កឹម សុខា បាន «វាយប្រហារ ជេរប្រមាថ ជាបន្តបន្ទាប់
មកលើគណបក្ស និងថ្នាក់ដឹកនាំ គណបក្ស ប្រជាជជន កម្ពុជា,
ផ្ទុយ នឹងគោលការណ៍ នៃវប្បធម៌សន្ទនា រវាង គណបក្ស ទាំងពីរ… ញុះញង់
បញ្ហាព្រំដែន, ព្រមទាំង បញ្ឆេះ នូវគំនុំ ជាតិសាសន៍ ជាមួយ ប្រទេស ជាតិខាង
បង្ក ឲ្យមាន ចលាចល ដែលធ្វើ ឲ្យប៉ះពាល់ ដល់ទំនៀមទម្លាប់
ល្អ របស់ សង្គម ដល់សណ្តាប់ធ្នាប់ សាធារណៈ និងដល់ សន្តិសុខ, ជាតិ
ធ្វើសកម្មភាព ឃោសនា ញុះញង់ បំបែកបំបាក់ បង្កអស្ថិរភាពក្នុងសង្គមជាតិ។» តំណាងរាស្រ្តទាំងពីរយល់ ថា៖ «ទង្វើ ទាំងអស់នេះ
មិនស័ក្តិសម ជាថ្នាក់ដឹកនាំ របស់ ស្ថាប័នកំពូល នៃប្រទេសឡើយ។
ហេតុនេះហើយ បានជាប្រជាពលរដ្ឋ រាប់ពាន់នាក់ ប្រមូលផ្តុំគ្នា ធ្វើបាតុកម្ម
និងដាក់ញត្តិ ទាមទារ ឲ្យដកតំណែង ជាអនុប្រធាន ទី១នៃរដ្ឋសភា
ពីឯកឧត្តម កឹម សុខា ដើម្បី រក្សានូវ សន្តិសុខ, សណ្តាប់ធ្នាប់ សង្គម,
និងរបៀប រៀបរយ សាធារណៈ ដែលជាមូលដ្ឋាន គ្រឹះ សម្រាប់ ការអភិវឌ្ឍ ប្រទេសជាតិ។»
តំណាងរាស្រ្តដែលដាក់ញត្តិនោះអះអាងថា
ប្រជាពលរដ្ឋជាង៥ពាន់នាក់នៅភ្នំពេញ ជិត២ម៉ឺននាក់នៅខេត្តកំពង់ចាម
ជាង១ម៉ឺននាក់នៅខេត្តត្បូងឃ្មុំ ជាង១ម៉ឺន៥ពាន់នាក់នៅខេត្តបន្ទាយមានជ័យ
និងជាង១ម៉ឺន៨ពាន់នាក់នៅខេត្តស្វាយរៀង បានគាំទ្រញត្តិដកលោក កឹម សុខា
ពីតំណែង។
គួរបញ្ជាក់ថាតំណែងជាអនុប្រធានទី១នៃ
រដ្ឋសភា លោក កឹម សុខា
បានទទួលតាមរយៈកិច្ចព្រមព្រៀងនយោបាយមួយរវាងគណបក្សប្រជាជន
កម្ពុជានិងគណបក្សសង្ក្រោះជាតិកាលពីថ្ងៃទី២២ខែតុលា ឆ្នាំ២០១៤។
បន្ថែមពីនេះ
គណបក្សសង្រ្គោះជាតិបានទទួលតំណែងជាប្រធានគណៈកម្មការជំនាញចំនួន៥នៃ
រដ្ឋសភា។ លោក កឹម សុខា
ត្រូវបានបោះឆ្នោតឲ្យធ្វើជាអនុប្រធានទី១នៃរដ្ឋសភានេះ
កាលពីថ្ងៃទី២៦ខែសីហា ឆ្នាំ២០១៤។
គួរបញ្ជាក់ថាបាតុកម្មទាមទារឲ្យ
ដកតំណែងរបស់លោក កឹម សុខា
កើតឡើងមួយថ្ងៃបន្ទាប់ពីការថ្លែងរបស់នាយករដ្ឋមន្រ្តី ហ៊ុន សែន
នៅប្រទេសបារាំង កាលពីល្ងាចថ្ងៃទី២៥ខែតុលា។ ពីប្រទេសបារាំង
ក្នុពិធីជួបសំណេះសំណាលជាមួយនិស្សិតខ្មែរនៅទីនោះ លោក ហ៊ុន សែន
បានថ្លែងថាបាតុកម្មប្រឆាំងលោកនៅបារាំងគឺជាសិទ្ធិប្រជាពលរដ្ឋ
ហើយលោកថាបាតុកម្មប្រឆាំងលោក កឹម សុខា
ក៏ជាសិទ្ធិរបស់ប្រជាពលរដ្ឋដូចគ្នា។
លោកបន្តថាបាតុកម្មនេះអាចនឹងឲ្យលោក កឹម សុខា ធ្លាក់ពីតំណែង។
លោកមានប្រសាសន៍ថា៖ «បើលេងកុំខឹង បើខឹងកុំលេង
បើស្អែកគេលេងនៅភ្នំពេញវិញ កុំខឹងនឹងគេ
ហើយលេងហ្នឹងប្រហែលជាអស់តំណែងអនុប្រធានសភាទៀត។»
No comments:
Post a Comment