(រូបភាពពី៖ Bangkok Post)
អ្នក លេងហ្វេសប៊ុក នៅកម្ពុជា ចាប់ផ្ដើម សន្ទនាគ្នា ជុំវិញ ការផ្លាស់ប្ដូរ ការដឹកនាំ នៅភូមា
VOD / វីអូឌី | ៩ វិច្ឆិកា ២០១៥
អ្នក លេងហ្វេសប៊ុក ភាគច្រើន បញ្ចេញមតិ លើអត្ថបទ ព័ត៌មាននានា នៅកម្ពុជា ដែលចុះផ្សាយ លទ្ធផល បោះឆ្នោត សភា ភូមា កាលពីថ្ងៃ អាទិត្យ។
ក្រុម អ្នកលេង ហ្វេសប៊ុក ភាគច្រើន សង្ឃឹម ថា, របត់ នយោបាយ នៅភូមា នឹងឆ្លុះបញ្ចាំង មកលើ ប្រទេស កម្ពុជា សម្រាប់ ការបោះឆ្នោត សភា ឆ្នាំ២០១៨។
ពួកគេ ម្នាក់ៗ មានទស្សនៈ ផ្សេងៗគ្នា, ប៉ុន្តែ មានអត្ថន័យ ប្រហាក់ប្រហែលគ្នា។ អ្នកខ្លះ អបអរសាទរ ជ័យជម្នះ របស់ គណបក្ស ដឹកនាំ ដោយលោកស្រី អ៊ុង សាន សូ ជី និងអ្នកខ្លះទៀត បញ្ចេញទស្សនៈថា ការបោះឆ្នោត នេះ អាចជាគំរូមួយសម្រាប់ការបោះឆ្នោត សភា ឆ្នាំ២០១៨ នៅកម្ពុជា។ អ្នកខ្លះទទូចឱ្យគណបក្សកាន់អំណាចនៅកម្ពុជាសិក្សាឡើងវិញចំពោះការ ចាញ់ឆ្នោតរបស់ពួកយោធាភូមា ហើយទីបំផុតមេដឹកនាំចេញពីគណបក្សកាន់អំណាចនៅភូមា បានទទួលស្គាលលទ្ធផលបោះឆ្នោត ។ ប៉ុន្តែ អ្នកខ្លះទៀត បញ្ចេញទស្សនៈថា នៅកម្ពុជាមិនអាច ដូចប្រទេសភូមាឡើយ។
ប្រជាជនភូមា ដែលចងឱ្យមានការផ្លាស់ប្ដូរ បានចេញមកសាទរតាមដងផ្លូវនានា នៅខាងមុខផ្ទះរបស់ពួកគេ អ្នកខ្លះចេញស្កាត់ទៅ ជួបជុំគ្នា ដើម្បីធ្វើពិធី អបអរសាទរ ចំពោះជ័យជម្នះនៃការផ្លាស់ប្ដូរ ជាប្រវត្តិសាស្ត្រនេះ ៕
No comments:
Post a Comment