ការរៀបចំ ពិធី បុណ្យអុំទូក កាលពីឆ្នាំ២០១៤
រដ្ឋាភិបាល សម្រេចផ្អាក ប្រារព្ធពិធី បុណ្យអុំទូក ឆ្នាំនេះ
VOD / វីអូឌី | ៣១ តុលា ២០១៥
សារាចរ ស្តីពី ការផ្អាក ការប្រារព្ធ ព្រះរាជពិធី បុណ្យអុំទូក បណ្តែតប្រទីប និងសំពះ ព្រះខែ ដែលចេញផ្សាយ នៅថ្ងៃនេះ លើកឡើង ថា, ដោយឆ្នាំនេះ ទឹកទន្លេ មានកម្រិត ទាបពេក, ហើយ កំពុងជួបប្រទះ គ្រោះរាំងស្ងួត ផងនោះ, រដ្ឋាភិបាល សម្រេចផ្អាក ប្រារព្ធ ពិធីបុណ្យ អុំទូក សម្រាប់ ឆ្នាំនេះ ដែលគ្រោង ប្រព្រឹត្តទៅ នៅថ្ងៃ ទី២៤ ដល់ថ្ងៃ ទី២៦ ខែវិច្ឆិកា។
សារាចរបន្តថា ចំណែកការរៀបចំពិធីបុណ្យអុំទូក បណ្តែតប្រទីប និងសំពះព្រះខែ និងអកអំបុកនៅតាមខេត្តនានា អាចប្រព្រឹត្តទៅជាធម្មតាតាមទំនៀមទំលាប់ប្រពៃណី និងតាមលទ្ធភាពរបស់អាជ្ញាធរដែលជាអ្នករៀបចំ។ ចំណែកការឈប់សម្រាប់មន្ត្រីរាជការ និយោជិត កម្មករ ចំនួនបីថ្ងៃនៅរក្សាដដែល។
សូមរំឮកថា កន្លងទៅ រដ្ឋាភិបាលបានផ្អាកប្រារព្វពិធីបុណ្យអុំទូកចាប់ពីឆ្នាំ ២០១១ រហូតដល់ឆ្នាំ ២០១៣។ តែឆ្នាំ ២០១៤ រដ្ឋាភិបាល រៀបចំប្រារព្ធពិធីបុណ្យអុំទូកវិញ។
No comments:
Post a Comment