មន្ត្រី គណបក្ស សង្គ្រោះជាតិ ប្រកាស ធ្វើពហិការ មិនចូលប្រជុំ សភា នៅថ្ងៃ ទី៣០ វិច្ឆិកា
RFA / វិទ្យុ អាស៊ី សេរី | ២៩ វិច្ឆិកា ២០១៥
លោក យ៉ែម បុញ្ញឫទ្ធិ ប្រធានគណៈកម្មការអប់រំយុវជន កីឡា ធម្មការ
កិច្ចការសាសនា វប្បធម៌ និងទេសចរ ទទួលញត្តិពីព្រះសង្ឃ
ទាមទារបញ្ឈប់លក់ដីអាគារវិទ្យាស្ថានពុទ្ធសាសនបណ្ឌិត្យ នៅថ្ងៃទី
ថ្ងៃទី ០៣ តុលា ២០១៤។ RFA/Brach Chev
មន្ត្រី គណបក្ស សង្គ្រោះជាតិ ប្រកាស មិនចូលប្រជុំ សភា នៅថ្ងៃ ទី៣០ ខែវិច្ឆិកា ដោយសារ ពុំមាន ជំនួបកំពូល រវាង គណបក្ស ទាំងពីរ នៅមុនថ្ងៃប្រជុំ សភា ពេញអង្គ។
អ្នកនាំពាក្យ ក្រុមតំណាងរាស្ត្រគណបក្សសង្គ្រោះជាតិ លោក យ៉ែម បុញ្ញឫទ្ធិ មានប្រសាសន៍នៅថ្ងៃទី២៩ ខែវិច្ឆិកា ថា ថ្នាក់ដឹកនាំគណបក្ស បានសម្រេចថានឹងមិនចូលប្រជុំសភាទេ ដោយសារតែគ្មានការចរចាណាមួយក្នុងវប្បធម៌សន្ទនា ដើម្បីដោះស្រាយអំពើអយុត្តិធម៌ជាច្រើនមកលើតំណាងរាស្ត្រគណបក្ស សង្គ្រោះជាតិ។ បញ្ហាទាំងនោះមានជាអាទិ៍ អំពើហិង្សាលើអ្នកតំណាងរាស្ត្រទាំងពីរ ករណីតវ៉ាដកតំណែងប្រធានទី១ នៃរដ្ឋសភា ការដកអភ័យឯកសិទ្ធិអ្នកតំណាងរាស្ត្រ គឺលោក សម រង្ស៊ី ជាដើម ដែលមិនទាន់មានដំណោះស្រាយ ហើយជាទង្វើរំលោភច្បាប់៖ «ព័ត៌មានពី លោកប្រធានអនុប្រធាន សម្រេចថាមិនចូលរួមប្រជុំសភាស្អែកនេះទេ។ នៅមានការជួបគ្នាតាមរយៈវប្បធម៌សន្ទនាសំឡេងភាគតិច និងសំឡេងភាគច្រើននៃរដ្ឋសភា ដែលនឹងជជែករកដំណោះស្រាយបញ្ហាទាំងអស់នេះ។»
អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍កាលពីថ្ងៃទី២៨ វិច្ឆិកា ថា នៅថ្ងៃទី៣០ ខែវិច្ឆិកា ពេលព្រឹកប្រជុំសភាធម្មតា ហើយចាប់ពីម៉ោង ៥ល្ងាច គណបក្សទាំងពីរដែលដឹកនាំដោយ លោក ស ខេង និងលោក កឹម សុខា អាចជួបចរចាគ្នាធម្មតាដូចលើកមុនៗ។ លោកថា ទោះគ្មានវត្តមានតំណាងរាស្ត្រគណបក្សសង្គ្រោះជាតិ ក្នុងថ្ងៃប្រជុំសភា ក៏គ្មានបញ្ហាដែរ ព្រោះតំណាងរាស្ត្រគណបក្សប្រជាជនកម្ពុជា មានចំនួនច្រើនលើសលុបដើម្បីអនុម័តសេចក្ដីព្រាងច្បាប់ស្ដីពី ហិរញ្ញវត្ថុសម្រាប់ការគ្រប់គ្រងឆ្នាំ២០១៦។
សម័យប្រជុំសភាលើកទី៥ នីតិកាលទី៥ នៅព្រឹកថ្ងៃទី៣០ ខែវិច្ឆិកា មានរបៀបវារៈពីរ គឺការពិភាក្សាសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការ គ្រប់គ្រងឆ្នាំ២០១៦ និងការពិភាក្សា និងអនុម័តសេចក្ដីព្រាងច្បាប់ស្ដីពីស្ថិតិ៕
This boycott is nice gesture by the CNRP toward the barbarous government
ReplyDeleteIt is a good decision by the CNRP which has been suffered heavily by the CPP's jungle law in recent weeks.
It nice but Hun Sen will cut all the salary because didn't show up for work. It doesn't matter what cnrp do it still stay behind HUN Sen and no body can do anything to him that why he will do anything to stay in power and lighting wouldn't strike him. what can you do???
ReplyDelete