ស្នងការ ខេត្ត សៀមរាប មិនទាន់ដឹង ថា, ត្រូវ ចាប់លោក សម រង្ស៊ី ឬអត់ទេ នៅថ្ងៃស្អែកនេះVOD / វីអូឌី | ១៥ វិច្ឆិកា ២០១៥
ស្នងការ
ខេត្ត សៀមរាប លើកឡើង ថា, លោក នៅមិនទាន់ ប្រាកដ ថា, ត្រូវ ចាប់ខ្លួន លោក សម
រង្ស៊ី ប្រធាន គណបក្ស សង្គ្រោះជាតិ ឬអត់ទេ នៅយប់ ថ្ងៃចន្ទ ស្អែកនេះ
ព្រោះ មិនទាន់ ទទួលបាន បញ្ជា ពីថ្នាក់លើ នៅឡើយទេ។
អ្នកនាំពាក្យគណបក្សសង្គ្រោះជាតិលោក
យ៉ែម ប៊ុញ្ញឬទ្ធ មានប្រសាសន៍ថា
បើថ្ងៃចន្ទស្អែកនេះមិនមានការប្រែប្រួលអ្វីទេ នោះលោកសម រង្ស៊ី
នឹងត្រឡប់មកដល់ព្រលានយន្តហោះខេត្តសៀមរាបនៅថ្ងៃទី១៦ ខែវិច្ឆិកា
ចន្លោះម៉ោង១០ទៅ១១យប់ស្អែកនេះ។ លោកថា មូលហេតុដែលលោកសម រង្ស៊ី
ធ្វើដំណើរតាមជើងហោះហើរខេត្តសៀមរាបនិងស្នាក់នៅទីនោះមួយយប់
ដោយសារលោក សម រង្ស៊ី បន្តដំណើរទៅខេត្តបន្ទាយមានជ័យថ្ងៃទី១៧
ដើម្បីចូលរួមពិធីបុណ្យកឋិនទាននៅខេត្តនោះ
បន្ទាប់មកនឹងត្រឡប់មកភ្នំពេញវិញ។
ស្នងការនគរបាលខេត្តសៀមរាប លោក សត ណាឌី
មានប្រសាសន៍ប្រាប់វីអូឌី(VOD)នៅរសៀលថ្ងៃអាទិត្យនេះថា
លោកមិនទាន់មានចំណាត់ការចាប់លោក សម រង្ស៊ី នៅឡើយ ដោយលោកអះអាងថា
មិនទាន់មានបញ្ជាពីថ្នាក់លើ។
រីឯអ្នកនាំពាក្យក្រសួងមហាផ្ទៃលោក ខៀវ
សុភ័គ VODពុំទាន់សុំការបំភ្លឺបានទេ ដោយទូរស័ព្ទចូលច្រើនដង
ត្រូវបានកាត់ផ្តាច់វិញ។
អ្នកនាំពាក្យក្រសួងយុត្តិធម៌លោក ជិន
ម៉ាលីន មានប្រសាសន៍ថា
តុលាការចេញដីកាបង្គាប់ឲ្យសមត្ថកិច្ចចាប់ខ្លួនលោក សម រង្ស៊ី នោះ
គឺធ្វើឡើងស្របតាមច្បាប់រដ្ឋធម្មនុញ្ញ ក្រមព្រហ្មទណ្ឌ
ក្រមនីតិវិធីព្រហ្មទណ្ឌ ដោយលោកអះអាងថា បទល្មើសដែលលោក សម រង្ស៊ី
ប្រព្រឹត្តនោះជារឿងបុគ្គលនិងបុគ្គលរវាងលោក ហោ ណាំងហុង និងលោកសម
រង្ស៊ី។ លោកបន្តថា
ករណីនេះក្រសួងយុត្តិធម៌មិនមានសិទ្ធិលូកដៃចូលកិច្ចការតុលាការបាន
ទេ។
ក្នុងពិធីសំណេះសំណាលជាមួយសកម្មជននិង
ពលករខ្មែរនៅក្នុងប្រទេសកូរ៉េខាងត្បូងកាលពីថ្ងៃសៅរិ៍ម្សិលមិញ លោក សម
រង្ស៊ី បានប្រកាសថា លោកនឹងត្រឡប់មកកម្ពុជា បើទោះជាមានការចាប់ខ្លួន
ឬត្រូវស្លាប់ក៏ដោយ៕
No comments:
Post a Comment