តំណាងរាស្រ្ត គណបក្ស សង្រ្គោះជាតិ លោក គង់ សភា និងលោក ញ៉យ ចំរើន (រូបថតផ្តល់ឲ្យ)
អ្វីខ្លះ ជាឧបសគ្គ ក្នុងការ ស្វែងរក ជនដៃដល់ វាយតំណាងរាស្ត្រ?
VOD / វីអូឌី |១ វិច្ឆិកា ២០១៥
ជនដៃដល់ វាយតំណាងរាស្ត្រ ពីររូប នៅកណ្តាលថ្ងៃត្រង់ ជាប់របង សភា
ដែលបណ្តាល ឲ្យរងរបួស ធ្ងន់ កាលពីថ្ងៃ ទី២៦ ខែតុលានោះ
នៅមិនទាន់ វែកមុខ ឃើញ នៅឡើយ
បើ ទោះ ជាមាន ការបញ្ជាពីលោកនាយករដ្ឋមន្ត្រីឲ្យអ្នកប្រព្រឹត្តចេញ
មុខទទួលខុសត្រូវ ចំពោះ មុខច្បាប់ ក៏ដោយ។
គិតត្រឹម ថ្ងៃទី០១ខែវិច្ចិកានេះ
មានរយៈពេល ៧ថ្ងៃហើយ
ក្រោយហេតុការណ៍ វាយតំណាងរាស្ត្រ ២រូប ឲ្យរងរបួសធ្ងន់ លោក គង់ សភា
និងលោក ញ៉យ ចំរើន។
បច្ចុប្បន្នតំណាងរាស្ត្រទាំងពីរកំពុង ទទួល ការព្យាបាល វះ កាត់ភ្នែក ដៃ
ច្រមុះ និង ត្រចៀក។
ក្រោយហិង្សាកើតឡើងលើតំណាងរាស្ត្រ២
ថ្ងៃ គឺនៅថ្ងៃទី២៨ ខែតុលា លោកនាយករដ្ឋមន្ត្រីហ៊ុន សែន
បញ្ហាឲ្យសមត្ថកិច្ចស្វែងរកជនដៃដល់មកផ្តន្ទាទោស
បើទោះជាជននោះជាអ្នកគាំទ្រគណបក្សប្រជាជនកម្ពុជារបស់លោកក៏ដោយ។
សាស្ត្រាចារ្យ វិទ្យាសាស្ត្រនយោបាយ លោក
សូ ចន្ថា យល់ឃើញថា ជនដៃដល់ភាគច្រើនជា
មន្ត្រីសំខាន់ៗរបស់គណបក្សប្រជាជនកម្ពុជា ហើយលោកថា
លោកនាយករដ្ឋមន្ត្រី គ្រាន់តែថ្លែងដើម្បីលួងចិត្តពលរដ្ឋតែប៉ុណ្ណោះ ៖ បើ
តាមអ្នកស្រាវជ្រាវ អ្នកអង្កេត
អ្នកប្រព្រឹត្តនឹងភាគច្រើនជាមន្ត្រីរដ្ឋាភិបាល រួមមានថ្នាក់ស្រុក
ថ្នាក់សង្កាត់ ថ្នាក់ខណ្ឌ រហូតដល់កងអង្គរក្សទៀត។ ដូច្នេះហើយ
អ្វីដែលជាការបញ្ជារបស់លោកហ៊ុន សែន
គ្រាន់តែជាវោហាសាស្ត្របង្ហាញការចាប់អារម្មណ៍ទៅពលរដ្ឋ និង
សហគមន៍អន្តរជាតិតែប៉ុណ្ណោះ ដែលចំណាត់ការពិតមិនអាចទៅរួចទេ
និយាយឲ្យចំទៅគាត់មិនអាចអារសាច់ខ្លួនទេ។
លោកនាយករដ្ឋមន្ត្រី ហ៊ុន សែន
ដែលគេឲ្យងារជាបុគ្គលមានទឹកមាត់ប្រៃនោះកន្លងមក
ពេលលោកបញ្ជាឲ្យឆាប់អ្នកណាម្នាក់ អ្នកនោះមិនដែររួចខ្លួនទេ
រួមទាំងមន្ត្រីបក្សប្រឆាំង និង មន្ត្រីរបស់លោក ដូចករណី ចាប់ខ្លួន លោក
ហុង សុខហួរ លោក ឈូក បណ្ឌិត និង លោក ថោង សារ៉ាត់ជាដើម។
ពេលសួរថា តើអ្នកប្រព្រឹត្តនោះ
អាចត្រូវចាប់ខ្លួនទេ? លោក សូ ចន្ថា បញ្ជាក់
អាចមានការចាប់បើមានសម្ពាធពីមជ្ឈដ្ឋាននានាកាន់តែខ្លាំងនោះ។
អគ្គលេខាធិការដ្ឋានប្រតិបត្តិនៃ
គណៈកម្មាធិការប្រព្រឹត្តិកម្មលោក សួន ប៊ុនស័ក្តិ យល់ឃើញថា
ការពន្យារពេលនៃការចាប់ខ្លួនជនល្មើសនេះ
អាចមកពីសមត្ថកិច្ចមិនមានបំណងនៃការចាប់ ព្រោះលោកចាត់ទុកថា
រឿងនោះជាបទល្មើសជាក់ស្តែង មានសមត្ថកិច្ចមើលឃើញ និង
មានរូបភាពជាច្រើនដែលបង្ហាញមុខក្រុមជនដៃដល់
តែសមត្ថកិច្ចមិនចាត់ការ៖ ពន្យារ
ពេលនេះ អាចថា ដើម្បីគិតមើលថា តើត្រូវចាត់វិធានការយ៉ាងម៉េច?
ពន្យារពេលអាចថា ជាការមិនចង់រកយុត្តិធម៌ក៏ថាបានដែរ! កុំភ្លេចថា
បើកាលណា យុត្តិធម៌ត្រូវបានពន្យារពេលស្មើនឹងអយុត្តិធម៌តែម្តង។
ក្រោយពេលថ្លែងការ
របស់លោកនាយករដ្ឋមន្ត្រីហ៊ុន សែន ថា ប្រព័ន្ធយុត្តិធម៌នៅកម្ពុជា
មានស្តង់ដារតែមួយ
ហើយមុខសញ្ញានៃជនវាយតំណាងរាស្ត្រត្រូវបានគេស្គាល់
ចំណែកជនល្មើសមិនត្រូវបានគេចាប់ខ្លួននោះ
នាំឲ្យអ្នកតាមដានបញ្ហាសង្គមមានចម្ងល់ពីរចំណុចគឺ
មិនចាប់ខ្លួនដោយសារមន្ត្រីក្រោមបង្គាប់មិនស្តាប់បញ្ជរបស់លោកនាយក
រដ្ឋមន្ត្រី ឬ
បញ្ជារបស់លោកនាយករដ្ឋមន្ត្រីថ្លែងតាមក្បាលមេក្រូឲ្យពលរដ្ឋស្តាប់
ផ្សេង ថ្លែងទៅកាន់មន្ត្រីក្រោមបង្គាប់របស់លោកផ្សេងទៅវិញ? ៕
No comments:
Post a Comment