បក្ស កាន់អំណាច និងប្រឆាំង ជួបគ្នា ដើម្បី បន្ធូរបន្ថយ ភាពតានតឹង នយោបាយ
VOA / វីអូអេ | ១១ ធ្នូ ២០១៥
វ៉ាស៊ីនតោន—មេដឹកនាំ គណបក្ស ប្រជាជន កម្ពុជា និងគណបក្ស សង្គ្រោះជាតិ បានជួប ប្រជុំគ្នា នៅថ្ងៃព្រហស្បតិ៍ កន្លងទៅ នេះ ដើម្បី ស្វែងរក វិធី ដោះស្រាយ ជម្លោះ នយោបាយ រវាង គណបក្ស ទាំងពីរ ដែលបាន ឡើងកម្តៅ ជាខ្លាំង ក្នុងរយៈពេល ជិតពីរខែ ចុងក្រោយនេះ។
នេះ ជាជំនួប លើកទីមួយ ចាប់តាំង ពីមាន ការដកតំណែង អនុប្រធាន សភា ពីលោក កឹម សុខា និងការ បណ្តេញលោក សម រង្ស៊ី ប្រធាន គណបក្ស ប្រឆាំង
ចេញ ពីសភា ជាតិ។
បន្ទាប់ ពីការជួបប្រជុំ រយៈពេលខ្លី ដែលដឹកនាំ ដោយលោក ស ខេង អនុប្រធាន គណបក្ស ប្រជាជន កម្ពុជា និងលោក កឹម សុខា អនុប្រធានគណបក្សសង្គ្រោះជាតិគូប្រជែងនយោបាយទាំងពីរបក្ស បានយល់ព្រមគ្នាបង្កើតក្រុមការងារមួយ ដែលមានការចូលរួមដោយគណបក្សទាំងពីរ ដើម្បី «សិក្សាស្រាវជ្រាវពិនិត្យលទ្ធភាពដំឡើងកម្រិតនៃវប្បធម៌ សន្ទនា» និងប្តេជ្ញាដោះស្រាយបញ្ហា ដែលកើតមានឡើងជាពិសេសជម្លោះនយោបាយ។ នេះបើយោងតាមសេចក្តីថ្លែងការណ៍រួម ដែលបានចែកផ្សាយដល់អ្នកសារព័ត៌មាន។
លោក យឹម សុវណ្ណ អ្នកនាំពាក្យ គណបក្ស សង្គ្រោះជាតិ បានបញ្ជាក់ប្រាប់ VOA ថា៖ «យើង ខិតខំ ប្រឹងប្រែង ដោះស្រាយ ដើម្បី ធ្វើ ឱ្យមាន ភាពប្រក្រតី ឡើងវិញ នៅស្ថានការណ៍។ ដូច្នេះ អ្វី ដែលជាបញ្ហា អាចនាំ ទៅរក ភាពប្រក្រតី ឡើងវិញ, យើង ត្រូវ តែ រួមគ្នា ដោះស្រាយ។»
គណបក្សប្រឆាំងទទួលរងការវាយប្រហារជាបន្តបន្ទាប់ក្នុងនោះមាន ការបណ្តេញលោក សម រង្ស៊ី ប្រធានគណបក្សចេញពីសភាជាតិ ដើម្បីប្រឈមមុខនឹងការជាប់ពន្ធនាគាររយៈពេលពីរឆ្នាំ និងការប្តឹងផ្តល់ជាបន្តបន្ទាប់ពាក់ព័ន្ធនឹងបណ្តឹងបរិហាកេរ្តិ៍ របស់លោក ហេង សំរិន ប្រធានរដ្ឋសភា និងការផ្សាយឯកសារព្រំដែនក្លែងក្លាយ។ ទន្ទឹមនឹងនេះក៏មានអ្នកតំណាងរាស្ត្រចំនួនពីររបស់ខ្លួនត្រូវ ក្រុមបាតុករ ដែលគាំទ្រគណបក្សប្រជាជនកម្ពុជាវាយដំទាត់ធាក់យ៉ាងខ្លាំង។
គណបក្សទាំងពីរក៏ព្រមព្រៀងគ្នាពង្រឹងរបៀបរបបការងារនៅក្នុងសភា ជាតិឱ្យកាន់តែមានប្រសិទ្ធភាព និងបង្កើតគណៈកម្មការចំពោះកិច្ច ដែលមានការចូលរួមដោយគណបក្សទាំងពីរដើម្បីពិនិត្យ និងផ្តល់យោបល់លើសេចក្តីព្រាងច្បាប់ស្តីពីសហជីពផងដែរ។
លោក យឹម សុវណ្ណ បានបន្ថែម ថា៖ «សេចក្តីព្រាងច្បាប់នេះមានសារៈសំខាន់ពីព្រោះវាប៉ះពាល់ដល់ កម្មករ កម្មការិនីរាប់សែននាក់ ដូច្នេះយើងត្រូវជជែកគ្នាដើម្បីពិនិត្យ ហើយនឹងផ្តល់យោបល់ហើយសិក្សាបន្ថែមនូវអនុសាសន៍ពីខាងសហជីព៕»
បន្ទាប់ ពីការជួបប្រជុំ រយៈពេលខ្លី ដែលដឹកនាំ ដោយលោក ស ខេង អនុប្រធាន គណបក្ស ប្រជាជន កម្ពុជា និងលោក កឹម សុខា អនុប្រធានគណបក្សសង្គ្រោះជាតិគូប្រជែងនយោបាយទាំងពីរបក្ស បានយល់ព្រមគ្នាបង្កើតក្រុមការងារមួយ ដែលមានការចូលរួមដោយគណបក្សទាំងពីរ ដើម្បី «សិក្សាស្រាវជ្រាវពិនិត្យលទ្ធភាពដំឡើងកម្រិតនៃវប្បធម៌ សន្ទនា» និងប្តេជ្ញាដោះស្រាយបញ្ហា ដែលកើតមានឡើងជាពិសេសជម្លោះនយោបាយ។ នេះបើយោងតាមសេចក្តីថ្លែងការណ៍រួម ដែលបានចែកផ្សាយដល់អ្នកសារព័ត៌មាន។
លោក យឹម សុវណ្ណ អ្នកនាំពាក្យ គណបក្ស សង្គ្រោះជាតិ បានបញ្ជាក់ប្រាប់ VOA ថា៖ «យើង ខិតខំ ប្រឹងប្រែង ដោះស្រាយ ដើម្បី ធ្វើ ឱ្យមាន ភាពប្រក្រតី ឡើងវិញ នៅស្ថានការណ៍។ ដូច្នេះ អ្វី ដែលជាបញ្ហា អាចនាំ ទៅរក ភាពប្រក្រតី ឡើងវិញ, យើង ត្រូវ តែ រួមគ្នា ដោះស្រាយ។»
គណបក្សប្រឆាំងទទួលរងការវាយប្រហារជាបន្តបន្ទាប់ក្នុងនោះមាន ការបណ្តេញលោក សម រង្ស៊ី ប្រធានគណបក្សចេញពីសភាជាតិ ដើម្បីប្រឈមមុខនឹងការជាប់ពន្ធនាគាររយៈពេលពីរឆ្នាំ និងការប្តឹងផ្តល់ជាបន្តបន្ទាប់ពាក់ព័ន្ធនឹងបណ្តឹងបរិហាកេរ្តិ៍ របស់លោក ហេង សំរិន ប្រធានរដ្ឋសភា និងការផ្សាយឯកសារព្រំដែនក្លែងក្លាយ។ ទន្ទឹមនឹងនេះក៏មានអ្នកតំណាងរាស្ត្រចំនួនពីររបស់ខ្លួនត្រូវ ក្រុមបាតុករ ដែលគាំទ្រគណបក្សប្រជាជនកម្ពុជាវាយដំទាត់ធាក់យ៉ាងខ្លាំង។
គណបក្សទាំងពីរក៏ព្រមព្រៀងគ្នាពង្រឹងរបៀបរបបការងារនៅក្នុងសភា ជាតិឱ្យកាន់តែមានប្រសិទ្ធភាព និងបង្កើតគណៈកម្មការចំពោះកិច្ច ដែលមានការចូលរួមដោយគណបក្សទាំងពីរដើម្បីពិនិត្យ និងផ្តល់យោបល់លើសេចក្តីព្រាងច្បាប់ស្តីពីសហជីពផងដែរ។
លោក យឹម សុវណ្ណ បានបន្ថែម ថា៖ «សេចក្តីព្រាងច្បាប់នេះមានសារៈសំខាន់ពីព្រោះវាប៉ះពាល់ដល់ កម្មករ កម្មការិនីរាប់សែននាក់ ដូច្នេះយើងត្រូវជជែកគ្នាដើម្បីពិនិត្យ ហើយនឹងផ្តល់យោបល់ហើយសិក្សាបន្ថែមនូវអនុសាសន៍ពីខាងសហជីព៕»
No comments:
Post a Comment