លោក សម រង្ស៊ី ៖ ខ្ញុំ នឹងប្តូរ មេដឹកនាំ ដែលមិនចេះ ស្រឡាញ់ទឹកដី
VOD / វីអូឌី | ១៧ មករា ២០១៦
លោក សម រង្ស៊ី ថ្លែងតាម វីដេអូ ឃ្លីប (រូបភាព ពីហ្វេសប៊ុក របស់លោក សម រង្សុី)
មេ បក្សប្រឆាំង អះអាង ជាថ្មីទៀត ថា, ខ្លួន នឹងនាំមក នូវការ ផ្លាស់ប្តូរ មេដឹកនាំ មួយ
ដែលចេះ ស្រឡាញ់ ប្រជាពលរដ្ឋ ក្រីក្រ
និងស្រឡាញ់ ជាតិមាតុភូម ដូចការ ចង់បាន របស់ ប្រជាពលរដ្ឋ។
ប្រធាន គណបក្ស សង្គ្រោះជាតិ លោក សម រង្ស៊ី ដែលកំពុង និរទេសខ្លួន នៅក្រៅប្រទេស ដើម្បី គេចផុត ពីដីកា តាមចាប់ខ្លួននោះ បានផ្ញើសារ នយោបាយ តាមវីដេអូឃ្លីប បង្ហោះ លើបណ្តាញសង្គម ផ្ទាល់ របស់លោក
នៅថ្ងៃ ទី១៦ ខែមករា ដោយអះអាង ថា
ទោះបី លោក ស្ថិតនៅក្រៅ ប្រទេស ក៏ដោយ ប៉ុន្តែ លោក ថា, លោក នឹងខិតខំ រិះរក គ្រប់មធ្យោបាយ ដើម្បី នាំមក នូវការផ្លាស់ប្តូរ មេដឹកនាំមួយ ដែលលោក ថា ចេះស្រឡាញ់ ពលរដ្ឋក្រីក្រ, ចេះស្រឡាញ់ ធនធានធម្មជាតិ និងមិនធ្វើ ឲ្យបាត់បង់ ទឹកដី ដូចបច្ចុប្បន្ន នេះទេ។
លោក សម រង្ស៊ី បានអះអាងទៀតថា លោកនឹងប្តេជ្ញានាំមកនូវលទ្ធិប្រជាធិបតេយ្យឲ្យទាល់តែបាន ដើម្បីសង្គ្រោះជាតិនាពេលឆាប់ៗនេះ។
បើទោះបីជាកាថ្លែងនោះ លោក សម រង្ស៊ី មិនបាននិយាយចំឈ្មោះបុគ្គណាមួយក៏ដោយ ប៉ុន្តែគេដឹងថា អ្នកដឹកនាំប្រទេស បច្ចុប្បន្ន គឺគណបក្សប្រជាជនកម្ពុជា។ ប៉ុន្តែនៅពេលថ្មីៗនេះ លោកនាយករដ្ឋមន្ត្រី និងជាប្រធានគណបក្សប្រជាជនកម្ពុជា ផងនោះ បានស្វែងរកផែនទីពីអង្គការសហប្រជាជាតិ ពីប្រទេសបារាំង ដើម្បីផ្ទៀងផ្ទាត់ ជាមួយផែនទីដែលរដ្ឋាភិបាលបានប្រើប្រាស់សម្រាប់បោះបង្គោលព្រំដែនជាមួយ ប្រទេសវៀតណាម ក្រោយពីមានការរិះគន់ថា កម្ពុជាបានបាត់ដីមួយផ្នែកទៀត ទៅប្រទេសវៀតណាម
តាមរយៈនៃការបោះបង្គោលព្រំដែនបច្ចុប្បន្ននេះ។
ជាងនេះទៅទៀត នៅថ្ងៃទី១៥ ខែមករា ឆ្នាំ២០១៦នេះ រដ្ឋាភិបាលបានចេញសេក្តីសម្រេចមួយ បង្កើតឲ្យមានគណៈកម្មការចម្រុះ ទប់ស្កាត់បទល្មើសព្រៃឈើនៅភាគឦសាន្តប្រទេស ឲ្យមានប្រសិទ្ធិភាព ដោយនាយករដ្ឋមន្ត្រីប្រកាសឲ្យប្រើឧទ្ធម្ភាគចក្រពីរគ្រឿង របស់កងទ័ពអាកាសទៀតផង ដើម្បីទប់ស្កាត់បទល្មើសព្រៃឈើឲ្យមានប្រសិទ្ធិភាព ព្រមទាំងធ្វើកំណែទម្រង់មួយចំនួនទៀត ដូចជាឈប់ឲ្យយកលុយផ្លូវជាតិលេខ៤ជាដើម។
ប៉ុន្តែទោះជាយ៉ាងណា មកដល់ពេលនេះ បក្សប្រឆាំងដែលមានអាសនៈក្នុងសភា ប្រហាក់ប្រហែលនឹងបក្សកាន់អំណាចដែរនោះ មិនទាន់ប្រកាសជាផ្លូវការណ៍ទទួលស្គាល់
ការបោះបង្គោលព្រំដែន រវាងកម្ពុជានិងវៀតណាម ដែលភាគីទាំងពីរបោះបានជាង៨០%រួចទៅហើយនោះនៅឡើយទេ បើទោះបីសកម្មជនព្រំដែណរបស់ខ្លួនមួយចំនួន
ត្រូវបានចាប់ខ្លួន និងខ្លះទៀតកំពុងរត់គេចខ្លួនក៏ដោយ៕
No comments:
Post a Comment