ប្អូនប្រុស លោក ជា វិជ្ជា បន្តរិះគន់ រដ្ឋាភិបាល ដែលមិនអាច វែកមុខ ឃាតក
RFA / វិទ្យុ អាស៊ី សេរី | ២២ មករា ២០១៦
លោក ជា មុន្នី
ប្រធានសហជីពសេរីកម្មករនៃព្រះរាជាណាចក្រកម្ពុជា
ថ្លែងក្នុងពិធីគម្រប់ខួប១២ឆ្នាំនៃការស្លាប់របស់លោក ជា វិជ្ជា
នៅជិតវត្តលង្កា នៅថ្ងៃទី២២ ខែមករា ឆ្នាំ២០១៦។ RFA/Brach Chev
ប្អូនប្រុស លោក ជា វិជ្ជា ប្រធាន សហជីព សេរី កម្មករ នៃព្រះរាជាណាចក្រ កម្ពុជា លោក ជា មុន្នី បន្តរិះគន់ រដ្ឋាភិបាល ដែលមិនអាច វែកមុខ រកឃាតក សម្លាប់ បងប្រុសលោក ទោះបីជា សាលាក្រុង ហាម មិនឲ្យ អ្នកធ្វើពិធី ជួបជុំនេះ ថ្លែងសារ នយោបាយ ឬវាយប្រហារ រដ្ឋាភិបាលក្ដី។
លោក ជា មុនី ថ្លែងក្នុងពិធីគម្រប់ខួប១២ឆ្នាំ នៅជិតវត្តលង្កា ដែលមានអ្នកចូលរួមប្រមាណ១០០នាក់ នៅថ្ងៃទី២២ មករា ថា លោកទទួលបានព័ត៌មានពីមន្ត្រីក្រសួងមហាផ្ទៃម្នាក់ ដែលលួចខ្សឹបប្រាប់លោកថា ឃាតកពីក្រោយខ្នងសម្លាប់បងប្រុសលោក គឺជាមន្ត្រីប៉ូលិសមានអំណាច ក្នុងជួររដ្ឋាភិបាល។
លោក ជា វិជ្ជា គឺជាមេដឹកនាំសហជីពកម្មករដ៏ល្បីមួយរូប ដែលត្រូវបានឃាតកបាញ់សម្លាប់នៅតូបលក់កាសែតជាប់របងវត្តលង្កា ក្នុងរាជធានីភ្នំពេញ កាលពីថ្ងៃទី២២ ខែមករា ឆ្នាំ២០០៤។
កាលពីថ្ងៃទី១៥ ខែកញ្ញា ឆ្នាំ២០១៥ លោកនាយករដ្ឋមន្ត្រី ហ៊ុន សែន បានបង្កើតគណៈកម្មការអន្តរក្រសួងស៊ើបអង្កេតពិសេសមួយ លើឃាតកម្មសម្លាប់លោក ជា វិជ្ជា និងមេសហជីពពីររូបផ្សេងទៀត គឺលោក ហ៊ី វុទ្ធី និងលោក រស់ សុវណ្ណារ៉េត។ ប៉ុន្តែរហូតមកដល់ពេលនេះ គណៈកម្មការស៊ើបអង្កេតនោះ នៅមិនទាន់បានពន្លឺនៅឡើយ។
មន្ត្រីជាន់ខ្ពស់បក្ស
សង្គ្រោះជាតិ លោក អេង ឆៃអ៊ាង ថ្លែងក្នុងពិធីគម្រប់ខួប១២ឆ្នាំ
នៃការស្លាប់របស់លោក ជា វិជ្ជា នៅជិតវត្តលង្កា នៅថ្ងៃទី២២ ខែមករា
ឆ្នាំ២០១៦។ RFA/Brach Chev
No comments:
Post a Comment