លោក សុខ ទូច ថា ចំណាយលុយ ជិត២ម៉ឺនដុល្លារ ចុះស្រាវជ្រាវព្រំដែន
VOD / វីអូឌី | ៨ កុម្ភៈ ២០១៦
ប្រធានក្រុមស្រាវជ្រាវកិច្ចការព្រំដែនរបស់រដ្ឋាភិបាលនៅរាជបណ្ឌិត្យសភាកម្ពុជា
ក្នុងកម្មវិធីតុមូលរបស់វីអូឌីដែលផ្សាយផ្ទាល់កាលពីថ្ងៃចន្ទ ប្រធានក្រុមស្រាវជ្រាវ លោក សុខ ទូច បានបញ្ជាក់ថានៅរាជបណ្ឌិតសភាមានត្រៀមថវិកាបម្រុងទុក ៨០លានរៀល(២ម៉ឺនដុល្លារ)សម្រាប់ការស្រាវជ្រាវ។ លោកបន្តថាដោយសារលោកកាន់ផ្នែកទំនាក់ទំនងអន្តរជាតិ ដូច្នេះការស្រាវជ្រាវមានតែធ្វើលើបញ្ហាព្រំដែន។ លោកបញ្ជាក់ថាលោកបានយកថវិកា ប្រមាណ២ម៉ឺនដុល្លារ ដែលរដ្ឋាភិបាល ផ្តល់ឲ្យហើយសភាអនុម័ត យកមកស្រាវជ្រាវ បញ្ហាព្រំដែន កន្លងមកនេះ។
លោក សុខ ទូច ធ្លាប់ឲ្យដឹងថាក្រុមការងារលោកបានចុះស្រាវជ្រាវចំនួនជាង៧ខែចម្ងាយ ៥០០គីឡូម៉ែត្រក្នុងខេត្តចំនួន៤រួមមានខេត្តកំពត ត្បូងឃ្មុំ កណ្តាល និងខេត្តស្វាយរៀងបានរកឃើញបង្គោលព្រំដែនរវាងកម្ពុជាវៀតណាមដែលបោះហើយនោះរួម មានបង្គោលរៀង បង្គោលរណប បង្គោល៨៥ និងបង្គោលបារំាង។ លោកថា បង្គោលព្រំដែន កម្ពុជា/វៀតណាម ដែលបោះរួចទំាង នោះបានបោះចូលដីគ្នាទៅវិញទៅមកដោយ លោកអះអាងថាករណីនេះមិនមែន ជាកំហុសថ្នាក់ដឹកនាំ នៃប្រទេសទំាងពីរ នោះទេ។
លោក សុខ ទូច ឲ្យដឹងទៀតថា ការស្រាវជ្រាវ បង្គោលព្រំដែននេះ នឹងបញ្ចប់នៅឆ្នាំ ២០១៧។
គួរបញ្ជាក់ ថាការបោះបង្គោល ព្រំដែនកម្ពុជា វៀតណាម បានធ្វើឡើង កាលពីឆ្នាំ២០០៦ ក្នុងបណ្តោយ ព្រំដែនកម្ពុជា និងវៀតណាម ប្រវែង ១២៧០គីឡូម៉ែត្រ។ ប្រទេសទាំងពីរ បានកំណត់ថា ត្រូវបោះបង្គោលព្រំដែន ចំនួន ៣៧៥បង្គោល។ របាយការណ៍ដែលគណៈកម្មាធិការ ព្រំដែនកម្ពុជា បង្ហាញនៅពាក់កណ្តាល ឆ្នាំ២០១៥ នេះបង្គោលព្រំដែន នៃប្រទេសទាំងពីរ ទើបបោះបាន ចំនួន ៨៣ ភាគរយ៕
No comments:
Post a Comment