ទូតខ្មែរ ប្រាប់ប្រេសិត អាមេរិក ប្រចាំអាស៊ាន ថា, រិះគន់ សិទ្ធិមនុស្ស នៅកម្ពុជា ដោយមិន សមរម្យ
VOD / វីអូឌី |
លោក នាយករដ្ឋមន្រ្តី ហ៊ុន សែន
ចាប់ដៃ ជាមួយ ប្រធានាធិបតី អាមេរិក លោក អូបាម៉ា
ជាការស្វាគមន៍ សម្រាប់ កិច្ចប្រជុំកំពូល អាមេរិក-អាស៊ាន (រូបថត ពីហ្វេសប៊ុក
របស់ លោក ហ៊ុន សែន)
តំណាង ទូតខ្មែរ ប្រចាំ ប្រទេស ឥណ្ឌូនេស៊ី បានចេញ លិខិតមួយ ទៅកាន់ ឯកអគ្គ រដ្ឋទូត សហរដ្ឋ អាមេរិក ប្រចាំ សហគមន៍ អាស៊ាន ឆ្លើយតបទៅ នឹងការ និយាយ រិះគន់ កម្ពុជា លើបញ្ហា សិទ្ធិមនុស្ស ដោយចាត់ទុក ការថ្លែងនោះ ជាការរិះគន់ មិនសមរម្យ។
នៅក្នុងលិខិត មួយ របស់ ស្ថានទូត ខ្មែរ ប្រចាំ ប្រទេស កម្ពុជា ដែលវីអូឌី ទទួលបាន នៅថ្ងៃសុក្រនេះ, លោក នង សាកល ឯកអគ្គរដ្ឋទូតខ្មែរប្រចាំនៅប្រទេសឥណ្ឌូនេស៊ីទទួលបន្ទុកកិច្ចការ អាស៊ាន បានសរសេរលិខិតជាភាសាអង់គ្លេសមួយច្បាប់និងបកប្រែជាភាសាខ្មែរច្បាប់ថា កាលពីថ្ងៃទី២៤ខែកុម្ភៈ លោកស្រី នីណា ហាជីហ្គៀន(Nina Hachigian) ឯកអគ្គរដ្ឋទូតអាមេរិកប្រចាំសហគមន៍អាស៊ាន បានថ្លែងពាក់ព័ន្ធនឹងស្ថានភាពសិទ្ធិមនុស្សនៅកម្ពុជា។ លោកបន្តថាការថ្លែងបែបរិះគន់នោះត្រូវបានកាសែតខេមបូឌាដេលី ចុះផ្សាយ ដោយដាក់ចំណងជើងថា៖ «ប្រេសិតសហរដ្ឋអាមេរិកនិយាយថាសិទ្ធិមនុស្សត្រូវបានពិភាក្សា ក្នុងកិច្ចប្រជុំកំពូល។»
បើតាមលិខិតនោះ លោក នង សាកល បានបញ្ជាក់ថាប្រធានាធិបតីអាមេរិក លោក បារ៉ាក់ អូបាម៉ា បានលើកឡើងពីបញ្ហាប្រជាធិបតេយ្យនិងការគោរពសិទ្ធិមនុស្ស ដោយមិនលើកចំពីប្រទេសណាមួយឡើយ។ លោក ហ៊ុន សែន បានចូលរួមកិច្ចប្រជុំកំពូលអាមេរិកអាស៊ាននៅទីក្រុងកាលីហ្វញ៉ា កាលពីពាក់កណ្តាលខែកុម្ភៈ ឆ្នាំ២០១៦។
លោក នង សាកល បានបញ្ជាក់ថា៖ «ក្នុងនាមជាឯកអគ្គរដ្ឋទូត សហរដ្ឋអាមេរិកប្រចាំសហគមន៍អាស៊ាន តួនាទីសំខាន់បំផុតរបស់លោកជំទាវ គឺគ្រាន់តែផ្តោតលើការតាមដាននិងការលើកកម្ពស់ភាពជាដៃគូ យុទ្ធសាស្រ្តសហអាស៊ានអាមេរិកនិងមិនជ្រៀតជ្រែកកិច្ចការផ្ទៃក្នុង របស់កម្ពុជាដោយរបៀបមិនសមរម្យនោះឡើយ។»
លិខិតបញ្ជាក់បន្ថែមថា៖ «ច្បាប់ របស់ កម្ពុជា ស្តីពី អង្គការ ក្រៅរដ្ឋាភិបាល និងសង្គមស៊ីវិល គឺ ពុំ មានបំណង រឹតបន្តឹង សេរីភាព របស់ អង្គការ ក្រៅរដ្ឋាភិបាល និងសង្គម ស៊ីវិលទេ, ប៉ុន្តែ ធានា ឲ្យមាន ការសម្របសម្រួល បានល្អ ជាងមុន នៃកិច្ចប្រតិ បត្តិការ ក្នុងក្របខ័ណ្ឌ ច្បាប់ មួយ។» លិខិត បញ្ជាក់ថា៖ «រហូតម កដល់ពេលនេះ នៅក្នុងចំណោមអង្គការក្រៅ រដ្ឋាភិបាលក្នុងស្រុកនិងបរទេសរាប់ពាន់ មានតែអង្គការជាង១០០ប៉ុណ្ណោះដែលកំពុងធ្វើការលើផ្នែក ប្រជាធិបតេយ្យនិងសិទ្ធិមនុស្សហើយនិងកំពុងធ្វើការរិះគន់រាជ រដ្ឋាភិបាលកម្ពុជាដោយសេរីទាំងនៅក្នុងនិងនៅក្រៅប្រទេស។»
លោក នង សាកល បានលើកឡើងនៅក្នុងលិខិតថា៖ «សូម លោក ជំទាវឯកអគ្គរដ្ឋទូត ហាជីហ្គៀន បំពេញភារកិច្ចរបស់លោកជំទាវឲ្យបានត្រឹមត្រូវជាជាងធ្វើការរិះគន់ កម្ពុជាដោយមិនសមរម្យនិងទទួលនូវការរាប់អានដ៏ខ្ពង់ខ្ពស់អំពីខ្ញុំ។»អ្នកនាំពាក្យក្រសួងការបរទេសកម្ពុជា លោក ជុំ សុន្ទរី មានប្រាប់វីអូឌី(VOD)ថាឯកអគ្គរាជទូតកម្ពុជាប្រចាំសហគមអាស៊ានបានបញ្ជូន លិខិតរបស់លោកទៅកាន់លោកស្រីហាជីហ្គៀននៅថ្ងៃនេះ។ លោកបានបដិសេធមិនអត្ថាធិប្បាយបន្ថែមលើលិខិតនេះ។
លោកស្រី នីណា ហាជីហ្គៀន ត្រូវបានដកស្រង់សម្តីតាមសារព័ត៌មានទាក់ទងនឹងការសួរពីបញ្ហាសិទ្ធិមនុស្សនៅកម្ពុជាថា៖ «ខ្ញុំ អាចប្រាប់លោកបានថា នៅគ្រប់ឱកាសទាំងអស់ក្នុងជំនួបកំពូល លោកប្រធានាធិបតីបានលើកឡើងនូវសារៈសំខាន់នៃសិទ្ធិមនុស្សនិង នីតិរដ្ឋ។ អាទិភាពសំខាន់របស់យើងគឺចង់មើលឃើញប្រទេសកម្ពុជាអភិវឌ្ឍទៅជា លទ្ធិប្រជាធិបតេយ្យរឹងមាំ ដែលគោរពសិទ្ធិមនុស្ស និងគាំទ្រសង្គមស៊ីវិលចម្រើនលូតលាស់។»
លោកស្រី នីណា ហាជីហ្គៀន ត្រូវបានដកស្រង់សម្តីបន្ថែមថា៖ «ការប្រឈម ដ៏ច្រើន» នៅតែមានសម្រាប់កម្ពុជា។ លោកស្រីបាននិយាយថា៖ «យើង ជំរុញឲ្យរដ្ឋាភិបាលកម្ពុជាបន្តបង្កើតសង្គមប្រកបដោយយុត្តិធម៌ ត្រឹមត្រូវថែមទៀតនិងធ្វើឲ្យការប្ដេជ្ញារបស់ខ្លួនប្រសើរឡើងចំពោះ លទ្ធិប្រជាធិបតេយ្យនិងសិទ្ធិមនុស្ស។»
មន្រ្តីនាំពាក្យរបស់ស្ថានទូតអាមេរិកប្រចាំកម្ពុជា លោក Jay Raman មានប្រសាសន៍ថាស្ថានទូតមិនមានយោបល់អ្វីលើលិខិតនោះទេ។
នៅក្នុងកិច្ចប្រជុំជាមួយមេដឹកនាំប្រទេសជាសមាជិកអាស៊ានកាលពីថ្ងៃទី ១៥និង១៦ខែកុម្ភៈ ប្រធានាធិបតីសហរដ្ឋអាមេរិកបានឲ្យដឹងថាលោកបានសង្កត់ធ្ងន់ ទៅមេដឹកនាំអាស៊ានទាំង១០ប្រទេសថាអ្នកនយោ បាយបក្សប្រឆាំង មិនគួរ ត្រូវ ដាក់ពន្ធនាគារ ដោយសារ ការបញ្ចេញ មតិ របស់ ពួកគេ នោះទេ។ លោកមានប្រសាសន៍ថា៖ «ខ្ញុំ បានបញ្ជាក់ច្បាប់ ថា, សហរដ្ឋអាមេរិកនឹងបន្តធ្វើការជាមួយប្រទេសជាសមាជិកអាស៊ានដែល កំពុងធ្វើការលើកតម្កើងនីតិរដ្ឋ អភិបាលកិច្ចល្អ ស្ថាប័នគនេយ្យភាពនិងសិទ្ធិមនុស្សជាសាកលសម្រាប់ប្រជាជនទាំងអស់។»
លោកបញ្ជាក់បន្ថែមថា៖ «គ្មាននរណាម្នាក់ រួមទាំងអ្នកមកពីបក្សនយោបាយប្រឆាំងគួរត្រូវបានឃុំខ្លួននិងដាក់ ពន្ធនាគារដោយសារការបញ្ចេញមតិធម្មតារបស់ពួកគេ។» លោក អូបាម៉ាមិនបានបញ្ជាក់ចំប្រទេសណាមួយនោះទេ៕
No comments:
Post a Comment