តុលាការ បើកសវនាការ លើយុវជន ពាក់ព័ន្ធ នឹងការញុះញង់ ឲ្យមាន បដិវត្តន៍ ពណ៌
VOD / វីអូឌី |
យុវជន គង់ រ៉ៃយ៉ា ដែលត្រូវបានចាប់ខ្លួនកាលពីខែសីហា ឆ្នាំ២០១៥
សាលាដំបូង រាជធានី ភ្នំពេញ នៅព្រឹក ថ្ងៃសុក្រនេះ បើកសវនាការ លើយុវជនម្នាក់ ឈ្មោះ គង់ រ៉ៃយ៉ា ដែលរងការ ចោទប្រកាន់ ថា ចង់ធ្វើ បដិវត្តន៍ ពណ៌ ប្រឆាំង នឹងរដ្ឋាភិបាល។
លោក អំ សំអាត ប្រធាន ផ្នែកបច្ចេកទេស ស៊ើបអង្កេត របស់ អង្គការ លីកាដូ ដែលបាន ចូលរួម តាមដាន សវនាការ បានឲ្យដឹង ថា, នេះ ជាសវនាការ ជំនុំជម្រះ។ លោក គង់ រ៉ៃយ៉ា ត្រូវ បាននាំមក ចូលសវនាការ នៅម៉ោង ប្រមាណ ៩ព្រឹក នេះ។
យុវជន គង់ រ៉ៃយ៉ា ត្រូវ ចាប់ខ្លួន កាលពីថ្ងៃ ទី២១ ខែសីហា ឆ្នាំ២០១៥ ពាក់ព័ន្ធ ការចោទ ថា ញុះញង់ ឲ្យមាន បដិវត្តន៍ ពណ៌ តាមរយៈ បណ្តាញសង្គម ហ្វេសប៊ុក។ លោក ធ្លាប់បាន បដិសេធ ការចោទប្រកាន់ របស់ ព្រះរាជអាជ្ញា ថា ញុះញង់ បង្ក ឲ្យមាន បទឧក្រិដ្ឋ ជាអាទិ៍ ដោយអំពាវនាវ ឲ្យរដ្ឋាភិបាល យល់ពីអត្ថន័យ នៃបដិវត្តន៍ ពណ៌នេះ។
យុវជន គង់ រ៉ៃយ៉ា ជានិស្សិតរៀន នៅសកលវិទ្យាល័យ ខេមរៈ ធ្លាប់សរសេរសារ នៅលើហ្វេសប៊ុក របស់ខ្លួន ថា៖ «តើ មានអ្នកណា ហ៊ានធ្វើ បដិវត្ត ពណ៌ ជាមួយខ្ញុំ ទេ? ថ្ងៃណាមួយ នៅពេល ខាងមុខនេះ ខ្ញុំ នឹងធ្វើ បដិវត្តន៍ ពណ៌ ដើម្បី ផ្លាស់ប្តូរ របបមួយនេះ ចេញ ពីសង្គមខ្មែរ។ ទោះបី ជាត្រូវ ជាប់គុក ឬស្លាប់ ក៏ដោយ ក៏ខ្ញុំ ត្រូវតែ ធ្វើដែរ។»
យុវជន ម្នាក់នោះ ត្រូវ បានតុលាការ ចោទប្រកាន់ តាមមាត្រា ៤៩៤ និង៤៩៥ ពីបទញុះញង់ ឲ្យមាន ការប្រព្រឹត្ត បទឧក្រិដ្ឋ ជាអាទ៍, ហើយ ត្រូវ បានចៅក្រម ចេញដីកា ឃុំខ្លួន បណ្ដោះអាសន្ន នៅពន្ធនាគារ ព្រៃ ស៕
No comments:
Post a Comment