លោកស្រី អ៊ុង សានស៊ូជី នឹងក្លាយ ជារដ្ឋមន្ត្រី ការបរទេស
លោកស្រី អ៊ុង សានស៊ូជី (រូបភាពពី CNA)
មេដឹកនាំ ណបក្ស ប្រឆាំង ដែលសកម្ម នៅក្នុងប្រទេស មីយ៉ាន់ម៉ា នឹងក្លាយ ជារដ្ឋមន្ត្រី ការបរទេស នៅពេល រដ្ឋាភិបាល ស៊ីវិល ថ្មី ឡើងកាន់អំណាច នៅក្នុងថ្ងៃ ទី១ ខែមេសា ខាងមុខនេះ។
មន្ត្រី គណបក្ស សម្ព័ន្ធជាតិ ដើម្បី លទ្ធិប្រជាធិបតេយ្យ បានថ្លែង ថា, លោកស្រី អ៊ុង សាន ស៊ូជី បានប្តេជ្ញា រួចហើយ ថា នឹងធ្វើ ជារដ្ឋមន្ត្រី ការបរទេស ខណៈលោក Htin Kyaw ជាជំនួយការ លោកស្រី ទទួលបាន តំណែង ជាប្រធានាធិបតី។ រដ្ឋាភិបាល ថ្មី ដឹកនាំ ដោយគណបក្ស ប្រឆាំង ដែលទទួលបាន ជ័យជម្នះ ពីការបោះឆ្នោត កាលពីខែ វិច្ឆិកានោះ នឹងចូល កាន់តំណែង នៅសប្តាហ៍។ នេះ បើ តាមប្រភព សារព័ត៌មាន Channel News Asia។
លោកស្រី អ៊ុង សានស៊ូជី ជាស្ត្រី ម្នាក់ ក្នុងចំណោម សមាជិក គណបក្ស សម្ព័ន្ធជាតិ ៦នាក់ ផ្សេងទៀត ដែលគណៈ រដ្ឋមន្ត្រី បានរៀបចំ ក្នុងបញ្ជីឈ្មោះ កាលពីថ្ងៃចន្ទ ម្សិលមិញ ត្រៀម សម្រាប់ តំណែង រដ្ឋមន្ត្រី ការបរទេស។ ប៉ុន្តែ អ្នកនាំពាក្យ រដ្ឋសភាលោក Mann Win Khaing Than ថ្លែងថា, គេ នៅមិនទាន់ កំណត់ ជាក់លាក់ ថា អ្នកណា ត្រូវ ទទួលតំណែងនេះ នៅឡើយទេ។
ទោះ យ៉ាងណា អ្នកនាំពាក្យ គណបក្ស សម្ព័ន្ធជាតិ ដើម្បី លទ្ធិប្រជាធិបតេយ្យ លោក Zaw Myint Maung បញ្ជាក់ថា, លោកស្រី អ៊ុង សានស៊ូជី នឹងដឹកនាំ ក្រសួង ការបរទេស, ហើយ លោក ក៏បានបង្ហើប ឲ្យដឹងទៀត ថា, លោកស្រី នឹងកាន់កិច្ចការ មួយចំនួនទៀត៕
No comments:
Post a Comment