រដ្ឋាភិបាល ស្នើប្ដូរ តួនាទី អតីត ប្រធាន គ.ជ.ប. លោក អ៊ឹម សួស្ដី ជាទេសរដ្ឋមន្ត្រី
RFA / វិទ្យុ អាស៊ី សេរី | ២១ មីនា ២០១៦
លោក អ៊ឹម សួស្ដី ត្រូវបានសភាជាតិ
បោះឆ្នោតសំងាត់ជ្រើសតាំងជាប្រធាននៃគណៈកម្មាធិការជាតិរៀបចំការបោះ
ឆ្នោតបន្តទៀត ផ្ដល់បទសម្ភាសន៍ដល់អ្នកកាសែត កាលពីថ្ងៃទី១១
ខែតុលា ឆ្នាំ២០១២។ Photo: RFA
រដ្ឋាភិបាល ស្នើប្ដូរ តួនាទី អតីត ប្រធាន គណៈកម្មាធិការ ជាតិ រៀបចំ ការបោះឆ្នោត ឬហៅកាត់ គ.ជ.ប. លោក អ៊ឹម សួស្ដី ឲ្យជាទេសរដ្ឋមន្ត្រី វិញ។
លិខិត របស់លោក នាយករដ្ឋមន្ត្រី ហ៊ុន សែន ដាក់ជូន ប្រធាន រដ្ឋសភា លោក ហេង សំរិន កាលពីថ្ងៃ ទី២០ មីនា ស្នើប្ដូរ តួនាទី របស់លោក អ៊ឹម សួស្ដី ដែលរដ្ឋាភិបាល ស្នើជារដ្ឋ លេខាធិការ ក្រសួង មហាផ្ទៃ កាលពីថ្ងៃ ទី១៦ មីនា ដើម្បី ផ្ដល់សេចក្ដី ទុកចិត្ត តែងតាំង មុខតំណែង ជាទេសរដ្ឋមន្ត្រី ទទួលបន្ទុក កិច្ចការ ពិសេស នៅដើម ខែមេសា។
លិខិតនោះ បន្តថា, មូលហេតុ ដែលរដ្ឋាភិបាល ស្នើប្ដូរ មកតួនាទី នេះវិញ ដោយសារ យោងលើ សមត្ថភាព និងបទពិសោធន៍ ការងារ កន្លងមក និងយោង សេចក្ដី ត្រូវការ ចាំបាច់ របស់ រដ្ឋាភិបាល។
លោក អ៊ឹម សួស្ដី ត្រូវ បានបញ្ចប់ តួនាទី ជាប្រធាន គ.ជ.ប. កាលពីថ្ងៃ ទី១៣ ខែមេសា ឆ្នាំ២០១៥ នៅពេល ប្រធាន គ.ជ.ប. ថ្មី លោក ស៊ិក ប៊ុនហុក ចូលកាន់តំណែង ក្រោយ ពីលោក កាន់តួនាទី ជាប្រធាន គ.ជ.ប. អស់រយៈពេល ជាង២អាណត្តិ៕
No comments:
Post a Comment