យុវជន មួយក្រុម ប្ដឹងកញ្ញា ខុម ចាន់ដារាទី ហៅស្រីមុំ ពីបទឆបោក
RFA / វិទ្យុ អាស៊ី សេរី | ១០ មីនា ២០១៦
កញ្ញា ខុម ចាន់ដារាទី ហៅស្រីមុំ ក្នុងវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃទី១១ ខែមីនា ឆ្នាំ២០១៦។ Photo: RFA
យុវជនមួយក្រុម ដែលអះអាង ថា, ខ្លួន ជានិស្សិត មកពីសកលវិទ្យាល័យនានា ប្ដឹងស្ត្រី ដែលរងការ ចោទប្រកាន់ ពាក់ព័ន្ធ រឿងរ៉ាវ ស្នេហា ជាមួយ លោក កឹម សុខា, កញ្ញា ខុម ចាន់ដារាទី, ហៅស្រីមុំ ពីបទឆបោក។
តំណាង ក្រុមយុវជន ទាំងនោះ លោក ស្រី ចំរើន អះអាង ដូច្នេះ ក្នុងសិក្ខាសាលា របស់ខ្លួន នៅរសៀល ថ្ងៃទី១១ មីនា ដោយចោទប្រកាន់ កញ្ញា ខុម ចាន់ដារាទី ថា ឆបោក មិនទទួលស្គាល់ សំឡេង របស់ខ្លួន។
ក្រុមយុវជន ទាំងនោះ អះអាងថា ពួកគេ បានធ្វើ កោសល្យវិច័យ សំឡេង នៃខ្សែអាត់ បែកធ្លាយ សាសង ស្នេហា រវាង ប្រធានស្ដីទី គណបក្ស សង្គ្រោះជាតិ លោក កឹម សុខា, កញ្ញា ខុម ចាន់ដារាទី លើបណ្ដាញសង្គម ហ្វេសប៊ុក និងសំឡេង បទសម្ភាសន៍ ជាមួយ វិទ្យុអាស៊ីសេរីនោះ ថា ជាសំឡេង តែមួយ។
យុវជន មួយក្រុម ដែលអះអាង ថា ខ្លួន ជានិស្សិតនោះ ធ្លាប់ទៅដល់ មុខស្នាក់ការ កណ្ដាល បក្សសង្គ្រោះជាតិ, ហើយ តែងតែ ទៅតាម វេទិកា សាធារណៈ របស់ បក្សនេះ ដើម្បី ជជីក សួរ ឲ្យប្រធានស្ដីទី បក្សប្រឆាំង លោក កឹម សុខា បកស្រាយ ពីខ្សែអាត់ សំឡេង រឿងរ៉ាវ ស្នេហានោះ។ ប៉ុន្តែ យុវជន ទាំងនោះ មិនដែល បានបង្ហាញ កាតនិស្សិត របស់ ពួកគេឡើយ ទោះបី ជាអ្នកសារព័ត៌មាន សួររក កាត របស់ ពួកគេក្ដី។
ទោះបី ជាយ៉ាងណា ក៏ដោយ កញ្ញា ខុម ចាន់ដារាទី បដិសេធ ជាថ្មីទៀត ថា, សំឡេង នៅក្នុងខ្សែអាត់នោះ មិនមែន ជាសំឡេងរបស់នាង ទេ ក្រោយ ពីនាង ទៅជួប នាយកដ្ឋានប្រឆាំង ភេរវកម្ម ក្រសួង មហាផ្ទៃ តាមបណ្ដឹង របស់ កញ្ញា ធី សុវណ្ណថា ដែលប្ដឹង ឲ្យរកម្ចាស់សំឡេង សន្ទនា ជាមួយ លោក កឹម សុខា បរិហារកេរ្តិ៍ លើកញ្ញា ធី សុវណ្ណថា ក្តី។
កាលពីថ្ងៃទី៩ មីនា កញ្ញា ខុម ចាន់ដារាទី បានចេញមុខបដិសេធ ម្ដងហើយ ថា, នាង មិនមាន ពាក់ព័ន្ធ រឿងរ៉ាវ ស្នេហា ជាមួយ លោក កឹម សុខា ដូចការ ចោទប្រកាន់ ឡើយ។
ស្ដាប់ សេចក្ដីរាយការណ៍ របស់លោក ថា កិត្យា តាមការសាកសួរ របស់លោក យាង សុជាមេត្តា៖
No comments:
Post a Comment