លោក ហ៊ុន សែន ពេញចិត្ត ​នឹង​បទ «ញី កែងជើង» ដោយ​សារ​ ជា​ចង្វាក់ បង្កើត ដោយកូនខ្មែរ​ | Hun Sen delighted with "Swivel the Ankle" song dance because originated by Khmer [sic! "Cee Pee Pee" more accurate]

[Fancy footwork there, Fellas!]

លោក ហ៊ុន សែន ពេញចិត្ត ​នឹង​បទ «ញី កែងជើង» ដោយ​សារ​ ជា​ចង្វាក់ បង្កើត ដោយកូនខ្មែរ​Cee Pee Pee

 | ១៩ មេសា ២០១៦​

(រូបថត ពីហ្វេសប៊ុក នាយករដ្ឋមន្រ្តី)

លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះបានថ្លែងថាលោកពេញចិត្តនឹងបទ «ញី កែងជើង» ដោយសារបទចម្រៀងនេះជាស្នាដៃរបស់កូនខ្មែរ។


ក្នុងពិធីសម្ពោធរោងចក្រស្ករសនៅខេត្តព្រះវិហារ លោក ហ៊ុន សែន បានថ្លែងថាមូលហេតុដែលលោកពេញចិត្តនឹងបទចម្រៀងនោះ ដោយលោកថានេះ «ជាចង្វាក់មួយដែលកូនខ្មែរបានកសាងឡើង។»  មួយរយៈ ចុងក្រោយនេះ លោក ហ៊ុន សែន បានលើកឡើងជាបន្តបន្ទាប់ពីបទញីកែងជើងនេះ។ នៅពេលលោកចូលរួមអង្គរសង្រ្កាន្តនៅខេត្តសៀមរាបពេលចូលឆ្នាំខ្មែរ លោកក៏បានរាំលេងនឹងចង្វាក់ញីកែងជើងនេះផងដែរ។

អំឡុងពិធីបុណ្យចូលឆ្នាំខ្មែរឆ្នាំនេះ បទ «ញី កែងជើង» របស់អ្នកនាង ពេជ្រ សោភា និងលោកដេវីត ត្រូវគេកត់សម្គាល់ថាទទួលបានប្រជាប្រិយភាពយ៉ាងខ្លាំងក្នុងការរាំកម្សាន្ត។ យុវវ័យភាគច្រើនបានសរសើរនៅលើទំព័រហ្វេសប៊ុករបស់នាងថានេះជាបទដែលនិពន្ធដោយសារខ្មែរ ហើយមានកម្រិតទាក់ទាញស្រទាប់មហាជនមិនធ្លាប់មានពីមុនមក ទាំងចង្វាក់ភ្លេង ក្បាច់រាំ និងអត្ថន័យចាប់តាំងពីបានចេញលក់។ ប៉ុន្តែនៅក្នុងចំណោមនោះក៏មានអ្នកចេញមុខរិះគន់ និងប្រកាសយ៉ាងក្ដែងៗថា នោះជាបទចម្លងពីថៃ និងខ្លះថាចម្លងពីបទផ្សេងពីថៃ ដែលគ្រាន់តែកាឡៃសាច់ភ្លេងហើយយកមកអួតថាជាបទនិពន្ធថ្មីផងដែរ។


យ៉ាងណាក៏ដោយ ម្ចាស់បទនាង ពេជ្រ សោភា ត្រូវគេឃើញចេញមុខការពារម្ដងហើយម្ដងហើយទៀត និងបានទទូចឲ្យអ្នករិះគន់ឲ្យផ្ញើតំណភ្ជាប់ (Link) បទចម្រៀងបរទេសណាមួយដែលសង្ស័យថាមានចង្វាក់ ឬក្បាច់រាំដូចគ្នានឹងបទរបស់នាង៕