Sam Rainsy: ពិធីបុណ្យ ចូលឆ្នាំថ្មី ប្រពៃណី ជាតិខ្មែរ | New Year message

១២ មេសា ២០១៦ / 12 April 2016 – New Year message

ពិធីបុណ្យ ចូលឆ្នាំថ្មី ប្រពៃណី ជាតិខ្មែរ ឆ្នាំវក អដ្ឋស័ក ពុទ្ធស័ករាជ ២៥៦០ នឹងមកដល់ វេលា ម៉ោង ៨ យប់ ថ្ងៃពុធ ៧ កើត ខែចេត្រ ត្រូវ នឹងថ្ងៃ ទី១៣ ខែមេសា ឆ្នាំ២០១៦ ស្អែកនេះ។  ក្នុងឱកាស ថ្ងៃចូលឆ្នាំថ្មី ប្រពៃណី ជាតិខ្មែរនេះ,  ខ្ញុំ សូម បួងសួង ដល់ទេវតាឆ្នាំថ្មី ព្រះនាម មណ្ឌាទេវី, សូម ប្រសិទ្ធិពរជ័យ សិរីសួស្តី សុភមង្គល គ្រប់ប្រការ ជូនចំពោះ បងប្អូន ជនរួមជាតិខ្មែរ គ្រប់រូប ព្រមទាំង ក្រុមគ្រួសារ ទាំងនៅក្នុង ប្រទេស និងក្រៅប្រទេស។  សូម ឲ្យខ្មែរ គ្រប់និន្នាការ នយោបាយ ចេះស្រលាញ់គ្នា និងចេះអធ្យាស្រ័យ ឲ្យគ្នា ទៅវិញ ទៅមក ដោយតម្កល់ទុក អាយុជីវិត ជាតិ និងផលប្រយោជន៍ ជាតិ ជាធំ លើសអ្វីៗ ទាំងអស់។  សូម ឲ្យខ្មែរ គ្រប់និន្នាការ នយោបាយ បោះបង់ចោល នូវវប្បធម៌ ហិង្សា និងវប្បធម៌ គុំកួនគ្នា, ហើយ ចាប់យកវប្បធម៌ សន្ទនា ក្នុងស្មារតី គោរពគ្នា ទៅវិញ ទៅមក ដើម្បី ដោះស្រាយ រាល់បញ្ហា ប្រទេសជាតិ ដោយសន្តិវិធី។  សូម ឲ្យខ្មែរ គ្រប់និន្នាការ នយោបាយ មានគំនិត វិជ្ជមាន ថ្លៃថ្លា, ហើយ ចេះរួបរួមគ្នា ក្នុងបំណង កសាង អំពើល្អ ជាមួយគ្នា ដើម្បីផ លប្រយោជន៍ ប្រទេសជាតិយើង ទាំងអស់គ្នា និង ដើម្បី អនាគត កូនចៅយើង ជំនាន់ក្រោយ។

My best wishes to all Cambodians and their friends all over the world on the occasion of the Cambodian New Year starting tomorrow: Year of the Monkey corresponding to Year 2560 in the Buddhist calendar. May this New Year be the Year of National Unity, Peace and Greatness.

សម រង្ស៊ី / Sam Rainsy
www.facebook.com/rainsy.sam.5