លោក ហ៊ុន សែន ព្រមាន រដ្ឋាភិបាល បរទេស កុំ ឲ្យលូកដៃ ចូលកិច្ចការ ផ្ទៃក្នុង របស់ កម្ពុជា
ពីក្រុង
ព្រះសីហនុ
ទី ដែលលោក កំពុង ប្រារព្ធ ពិធី ពលកម្ម អន្តរជាតិ ១ ឧសភា, លោក នាយករដ្ឋមន្ត្រី ហ៊ុន សែន នៃប្រទេស កម្ពុជា
បានបញ្ចេញ សារព្រមាន មិនឲ្យ រដ្ឋាភិបាល បរទេស ទាំងឡាយ
លូកលាន់អ្វី ដែលលោក ហៅថា កិច្ចការ ផ្ទៃក្នុង របស់ កម្ពុជា។
VOA / វីអូអេ | ២ ឧសភា ២០១៦
ភ្នំពេញ—ការថ្លែង របស់លោក ហ៊ុន សែន
នៅចំពេលដែលមានប្រតិកម្មទាំងត្រង់ៗ និងទាំងប្រយោលនានា
ពីសំណាក់បណ្ដាស្ថានទូតប្រទេសមហាអំណាចនៅក្រុងភ្នំពេញ
ទាក់ទងនឹងចំណាត់ការរបស់រដ្ឋាភិបាល និងស្ថាប័នយុត្តិធម៌ខ្មែរ
ប្រឆាំងនឹងមន្ត្រីអង្គការសង្គមស៊ីវិល នាប៉ុន្មានសប្ដាហ៍ចុងក្រោយនេះ។
លោក នាយករដ្ឋមន្ត្រី ដែលត្រូវ បានគេ ស្គាល់ថា ជាបុរស ខ្លាំង នៃកម្ពុជា បានបដិសេធ រាល់ការ លើកឡើង ពីសំណាក់ សង្គមស៊ីវិល ជាតិ, អន្តរជាតិ ព្រមទាំង រដ្ឋាភិបាល បរទេស មួយចំនួន ដែលថា, នយោបាយ កម្ពុជា កំពុង មានវិបត្តិ។
«បើ បរទេសណា និយាយ ថា, ប្រទេស [កម្ពុជា] នេះ មានវិបត្តិ, សូម មើលប្រទេស ខ្លួនឯង មើល៍។ វា យ៉ាងម៉េច? ដូចជាអឺរ៉ុប [មាន] ការ វាយប្រហារ ភេរវកម្ម, វិបត្តិ ជនភៀសខ្លួន។ សិទ្ធិស៊ីវិល របស់ ជនភៀសខ្លួន ទៅណា?»
លោក នាយករដ្ឋមន្ត្រី បានបន្ត ថា, អាជ្ញាធរ មានសមត្ថកិច្ច គ្រាន់តែ ចាត់វិធានការ ដោយស្របច្បាប់ ប្រឆាំង នឹងអ្វី ដែលលោក ហៅថា «ពួក អានាធិបតេយ្យ» តែប៉ុណ្ណោះ។ លោក នាយករដ្ឋមន្ត្រី ទំនង ជាចង់សំដៅ ទៅលើ ចំណាត់ការ របស់ អង្គភាព ប្រឆាំង អំពើ ពុករលួយ និងចំណាត់ការ របស់ តុលាការ ទៅលើ អ្នកតស៊ូមតិ ផ្នែកសិទ្ធិមនុស្ស និងមន្ត្រី បក្សប្រឆាំង។
«អ្នក រំលោភ, អ្នក ត្រូវ ទទួល ខុសត្រូវ ចំពោះ មុខច្បាប់។ យើង ចាត់វិធានការ, កុំ ឱ្យ ខកខាន ដើម្បី ការពារ នូវកិត្តិយស និងសេចក្ដីថ្លៃថ្នូរ របស់ គណបក្ស ប្រជាជន និងរាជរដ្ឋាភិបាល កម្ពុជា។»
មកទល់ នឹងពេលនេះ សកម្មជន និងមន្ត្រី ជាន់ខ្ពស់ គណបក្ស សង្គ្រោះជាតិ ជាង១០នាក់ រាប់តាំង ពីថ្នាក់ តំណាងរាស្ត្រ ចុះមក កំពុង ត្រូវ បានតុលាការ កម្ពុជា កោះហៅ សាកសួរ និងសម្រេច ឃុំខ្លួន និងឃាត់ខ្លួន ជាបន្តបន្ទាប់ ក្រោមបទចោទ ផ្សេងៗ។
កាលពីចុង សប្ដាហ៍នេះ អង្គភាព ប្រឆាំង អំពើ ពុករលួយ បានឃាត់ខ្លួន មន្ត្រី ជាន់ខ្ពស់ ផ្នែកអង្កេត ចំនួន បួនរូប របស់ សមាគម សិទ្ធិមនុស្ស អាដហុក និងលោក នី ចរិយា អគ្គលេខាធិការ រង នៃគណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ដោយសង្ស័យ ថា, ពួកគេ មានការ ជាប់ពាក់ព័ន្ធ នឹងអំពើ ពុករលួយ ទាក់ទង នឹងការបញ្ចុះបញ្ចូល ឲ្យសាក្សី ក្លែងសក្ខីកម្ម ដើម្បី បំបិទ រឿងអាស្រូវ ស្នេហា លួចលាក់ របស់ អនុប្រធាន បក្សសង្គ្រោះជាតិ លោក កឹម សុខា។
ភ្លាមៗនោះ សកម្មជន សិទ្ធិមនុស្ស ទាំង៤រូប និងមន្ត្រី គ.ជ.ប. ម្នាក់ ត្រូវ បានសម្រេច ឃាត់ខ្លួន ដោយអង្គភាព ប្រឆាំង អំពើ ពុករលួយ និងបញ្ជូន សំណុំរឿង ទៅតុលាការ។
អ្នកវិភាគនយោបាយដ៏ល្បីល្បាញ គឺលោក អ៊ូ វីរៈ ត្រូវបានប្ដឹងពីបទបរិហារកេរ្តិ៍ ដោយសារលោកបញ្ចេញទស្សនៈថា រឿងរ៉ាវរបស់នាង ខុម ចាន់តារ៉ាទី នេះគឺជាយុទ្ធសាស្ត្ររបស់គណបក្សប្រជាជនកម្ពុជា។
ស្ថានទូតអាល្លឺម៉ង់ ស្ថានទូតសហរដ្ឋអាមេរិក និងស្ថានទូតបារាំង ជាបន្តបន្ទាប់ បានបង្ហោះសារតាមរយៈទំព័របណ្ដាញសង្គម Twitter របស់ពួកគេ នូវរូបអ្នកការទូតរបស់ពួកគេថតជាមួយលោក អ៊ូ វីរៈ ហាក់ដូចជាដើម្បីបង្ហាញការគាំទ្ររបស់ពួកគេចំពោះអ្នក វិភាគមិនសំចៃមាត់រូបនេះ។ ស្ថានទូតមហាអំណាចទាំងបី ក៏បានរៀបចំជំនួបដាច់ដោយឡែក ជាមួយមេដឹកនាំអង្គការអាដហុក អង្គការលីកាដូ វេទិកាអនាគត អង្គការខុមហ្វ្រែល និងអង្គការសីលការជាដើម។
ក្រោយពីមានប្រតិកម្មរបស់មន្ត្រីទូត លោក ហ៊ុន សែន បានព្រមានថា៖
«សូមបរទេស កុំលូកដៃចូលកិច្ចការផ្ទៃក្នុងរបស់កម្ពុជា។ កម្ពុជាមិនបានលូកលាន់ចូលកិច្ចការផ្ទៃក្នុងរបស់ប្រទេសអ្នកដទៃ ទេ តែសូមអ្នកដទៃគោរពនូវឯករាជ្យ អធិបតេយ្យភាព និងបូរណភាពទឹកដីរបស់កម្ពុជា។ កុំជ្រៀតជ្រែកឲ្យសោះ។»
លោក ហ៊ុន សែន បានបន្តថា រដ្ឋាភិបាលបរទេស បាននិងកំពុងដាក់សម្ពាធឱ្យកម្ពុជាលូកដៃចូលកិច្ចការតុលាការ ដើម្បីអន្តរាគមន៍លើសំណុំរឿងក្ដីក្ដាំប្រឆាំងសកម្មជនសិទ្ធិមនុស្ស និងមន្ត្រីបក្សប្រឆាំងទាំងនោះ។
«ពេលប្រធានាធិបតី អូបាម៉ា និយាយជាមួយខ្ញុំឆ្នាំ២០១២ ខ្ញុំថា ស្រុកខ្មែរអត់មានអ្នកទោសនយោបាយទេ មានតែអ្នកនយោបាយជាប់គុក [ដោយទោស] ព្រហ្មទណ្ឌតែប៉ុណ្ណោះ។ ខ្ញុំប្រាប់ អូបាម៉ា ត្រង់ៗ ខ្ញុំទៅខ្លាចអី! អូបាម៉ា ជាប្រធានាធិបតីអាមេរិកាំង មានប្រធានាធិបតីខ្មែរពីអង្កាល់ ... ចាំតែហ៊ុន សែន ខ្លាចតើ!»
ក៏ប៉ុន្តែបណ្ដាអង្គការសង្គមស៊ីវិលជាតិនិងអន្តរជាតិនានា បានបរិហារជាបន្តបន្ទាប់ថា រដ្ឋាភិបាលកម្ពុជា បាននិងកំពុងយាយី ជាបន្តបន្ទាប់ទៅលើសេរីភាពជាមូលដ្ឋានរបស់ពួកគេ។
អ្នកវិភាគនយោបាយ លោក អ៊ូ វីរៈ ដែលកំពុងប្រឈមនឹងបណ្ដឹងរបស់គណបក្សប្រជាជនកម្ពុជា បានបង្ហាញការសោកស្ដាយរបស់លោក ចំពោះការថ្លែងខាងដើមរបស់លោក ហ៊ុន សែន ប្រឆាំងនឹងការលូកលាន់។
លោកនិយាយថា តាមលោកយល់ឃើញ រដ្ឋាភិបាលបរទេសទាំងនេះបង្ហាញពីកង្វល់ទាក់ទងនឹងការអនុវត្តសិទ្ធិនេះ គឺដោយសារតែ រដ្ឋាភិបាលបរទេសទាំងនោះ ចង់ឱ្យមានការគោរពសិទ្ធិមនុស្ស និងអនុវត្តនីតិរដ្ឋដោយស្មើភាពតែប៉ុណ្ណោះ។
លោក គល់ បញ្ញា នាយកប្រតិបត្តិអង្គការខុមហ្វ្រែល បាននិយាយថា រដ្ឋាភិបាលប្រទេសសេរីទាំងនោះ មានសិទ្ធិក្នុងការនិយាយក្នុងនាមជាម្ចាស់ជំនួយ និងបង្ហាញយោបល់លើបញ្ហាសិទ្ធិមនុស្សដែលកម្ពុជាមានកាតព្វកិច្ចត្រូវ ធានា។
«កម្ពុជាយើង មិនអាចដើរឆ្ងាយពីការផ្ដល់មតិយោបល់បានទេ។ ឥឡូវយើងកំពុងធ្វើសមាហរណកម្មទៅក្នុងពិភពលោក ទាំងក្នុងអាស៊ាន ទាំងក្នុងសាកលលោក។ អ៊ីចឹងបើយើងមិនអាចនិយាយពីប្រទេសមួយបានឯករាជ្យ វាទៅអត់រួច វាទាល់តែប្រទេសហ្នឹងវាអាចរស់បានដោយខ្លួនឯងដែរ។ ហើយទោះបីជារស់បានដោយខ្លួនឯង ក៏នៅត្រូវការមតិយោបល់ពីអន្តរជាតិដែរ ដែលគេមានពិសោធន៍ពីសិទ្ធិមនុស្ស និងប្រជាធិបតេយ្យដែរ។»
លោក គល់ បញ្ញាក៏បានលើកឡើងផងដែរថា បើនិយាយពីបញ្ហាសិទ្ធិមនុស្ស គេមិននិយាយអំពីបញ្ហាអធិបតេយ្យភាព ហើយក៏មិនមែនជាបញ្ហាប្រទេសនិងប្រទេស តែបញ្ហាសិទ្ធិមនុស្សជាបញ្ហាសកល ដែលគ្រប់គ្នា នរណាក៏ដោយ អាចបញ្ចេញមតិយោបល់បាន។
ទោះជាយ៉ាងណាក៏ដោយ អ្នកវិភាគនយោបាយសង្កេតឃើញជាហូរហែរថា ជំនួយរបស់ប្រទេសចិនមកប្រទេសកម្ពុជាដែលចេះតែកើនឡើង និងឈរនៅលើគេប៉ុន្មានឆ្នាំចុងក្រោយនេះ មិនមានលក្ខខណ្ឌសិទ្ធិមនុស្សដូចជំនួយរបស់ប្រទេសសេរីទេ។
គេនៅចាំបានថា លោក វ៉ាង យី រដ្ឋមន្ត្រីការបរទេសចិន ក៏ធ្លាប់ថ្លែងការពាររដ្ឋាភិបាលរបស់លោក ហ៊ុន សែន ដែរ នៅពេលលោកមកទីក្រុងភ្នំពេញ កាលពីឆ្នាំ២០១៣ ដែលនៅកាលនោះកម្ពុជា មានភាពចម្រូងចម្រាសទាក់ទងនឹងលទ្ធផលនៃការបោះឆ្នោតតំណាងរាស្ត្រ ឆ្នាំ២០១៣។
កាលនោះ ប្រមុខការទូតចិនរូបនេះ បានប្រកាសថា ចិននឹងទប់ស្កាត់ មិនឲ្យមានការជ្រៀតជ្រែក ចូលកិច្ចការផ្ទៃក្នុងកម្ពុជានោះទេ។
ទាំងចិន ទាំងកម្ពុជា និងបណ្ដាប្រទេសអាស៊ានទាំងឡាយ សុទ្ធតែមាននយោបាយ មិនលូកដៃចូលកិច្ចការផ្ទៃក្នុងប្រទេសដទៃឡើយ។ ជាមួយនឹងជំនួយរបស់ចិន ដែលចេះតែកើនឡើង គោលការណ៍មិនជ្រៀតជ្រែកនេះត្រូវបានគេមើលឃើញថា កាន់តែត្រូវបានអនុវត្តកាន់តែខ្លាំងនៅកម្ពុជា៕
លោក នាយករដ្ឋមន្ត្រី ដែលត្រូវ បានគេ ស្គាល់ថា ជាបុរស ខ្លាំង នៃកម្ពុជា បានបដិសេធ រាល់ការ លើកឡើង ពីសំណាក់ សង្គមស៊ីវិល ជាតិ, អន្តរជាតិ ព្រមទាំង រដ្ឋាភិបាល បរទេស មួយចំនួន ដែលថា, នយោបាយ កម្ពុជា កំពុង មានវិបត្តិ។
«បើ បរទេសណា និយាយ ថា, ប្រទេស [កម្ពុជា] នេះ មានវិបត្តិ, សូម មើលប្រទេស ខ្លួនឯង មើល៍។ វា យ៉ាងម៉េច? ដូចជាអឺរ៉ុប [មាន] ការ វាយប្រហារ ភេរវកម្ម, វិបត្តិ ជនភៀសខ្លួន។ សិទ្ធិស៊ីវិល របស់ ជនភៀសខ្លួន ទៅណា?»
លោក នាយករដ្ឋមន្ត្រី បានបន្ត ថា, អាជ្ញាធរ មានសមត្ថកិច្ច គ្រាន់តែ ចាត់វិធានការ ដោយស្របច្បាប់ ប្រឆាំង នឹងអ្វី ដែលលោក ហៅថា «ពួក អានាធិបតេយ្យ» តែប៉ុណ្ណោះ។ លោក នាយករដ្ឋមន្ត្រី ទំនង ជាចង់សំដៅ ទៅលើ ចំណាត់ការ របស់ អង្គភាព ប្រឆាំង អំពើ ពុករលួយ និងចំណាត់ការ របស់ តុលាការ ទៅលើ អ្នកតស៊ូមតិ ផ្នែកសិទ្ធិមនុស្ស និងមន្ត្រី បក្សប្រឆាំង។
«អ្នក រំលោភ, អ្នក ត្រូវ ទទួល ខុសត្រូវ ចំពោះ មុខច្បាប់។ យើង ចាត់វិធានការ, កុំ ឱ្យ ខកខាន ដើម្បី ការពារ នូវកិត្តិយស និងសេចក្ដីថ្លៃថ្នូរ របស់ គណបក្ស ប្រជាជន និងរាជរដ្ឋាភិបាល កម្ពុជា។»
មកទល់ នឹងពេលនេះ សកម្មជន និងមន្ត្រី ជាន់ខ្ពស់ គណបក្ស សង្គ្រោះជាតិ ជាង១០នាក់ រាប់តាំង ពីថ្នាក់ តំណាងរាស្ត្រ ចុះមក កំពុង ត្រូវ បានតុលាការ កម្ពុជា កោះហៅ សាកសួរ និងសម្រេច ឃុំខ្លួន និងឃាត់ខ្លួន ជាបន្តបន្ទាប់ ក្រោមបទចោទ ផ្សេងៗ។
កាលពីចុង សប្ដាហ៍នេះ អង្គភាព ប្រឆាំង អំពើ ពុករលួយ បានឃាត់ខ្លួន មន្ត្រី ជាន់ខ្ពស់ ផ្នែកអង្កេត ចំនួន បួនរូប របស់ សមាគម សិទ្ធិមនុស្ស អាដហុក និងលោក នី ចរិយា អគ្គលេខាធិការ រង នៃគណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ដោយសង្ស័យ ថា, ពួកគេ មានការ ជាប់ពាក់ព័ន្ធ នឹងអំពើ ពុករលួយ ទាក់ទង នឹងការបញ្ចុះបញ្ចូល ឲ្យសាក្សី ក្លែងសក្ខីកម្ម ដើម្បី បំបិទ រឿងអាស្រូវ ស្នេហា លួចលាក់ របស់ អនុប្រធាន បក្សសង្គ្រោះជាតិ លោក កឹម សុខា។
ភ្លាមៗនោះ សកម្មជន សិទ្ធិមនុស្ស ទាំង៤រូប និងមន្ត្រី គ.ជ.ប. ម្នាក់ ត្រូវ បានសម្រេច ឃាត់ខ្លួន ដោយអង្គភាព ប្រឆាំង អំពើ ពុករលួយ និងបញ្ជូន សំណុំរឿង ទៅតុលាការ។
អ្នកវិភាគនយោបាយដ៏ល្បីល្បាញ គឺលោក អ៊ូ វីរៈ ត្រូវបានប្ដឹងពីបទបរិហារកេរ្តិ៍ ដោយសារលោកបញ្ចេញទស្សនៈថា រឿងរ៉ាវរបស់នាង ខុម ចាន់តារ៉ាទី នេះគឺជាយុទ្ធសាស្ត្ររបស់គណបក្សប្រជាជនកម្ពុជា។
ស្ថានទូតអាល្លឺម៉ង់ ស្ថានទូតសហរដ្ឋអាមេរិក និងស្ថានទូតបារាំង ជាបន្តបន្ទាប់ បានបង្ហោះសារតាមរយៈទំព័របណ្ដាញសង្គម Twitter របស់ពួកគេ នូវរូបអ្នកការទូតរបស់ពួកគេថតជាមួយលោក អ៊ូ វីរៈ ហាក់ដូចជាដើម្បីបង្ហាញការគាំទ្ររបស់ពួកគេចំពោះអ្នក វិភាគមិនសំចៃមាត់រូបនេះ។ ស្ថានទូតមហាអំណាចទាំងបី ក៏បានរៀបចំជំនួបដាច់ដោយឡែក ជាមួយមេដឹកនាំអង្គការអាដហុក អង្គការលីកាដូ វេទិកាអនាគត អង្គការខុមហ្វ្រែល និងអង្គការសីលការជាដើម។
ក្រោយពីមានប្រតិកម្មរបស់មន្ត្រីទូត លោក ហ៊ុន សែន បានព្រមានថា៖
«សូមបរទេស កុំលូកដៃចូលកិច្ចការផ្ទៃក្នុងរបស់កម្ពុជា។ កម្ពុជាមិនបានលូកលាន់ចូលកិច្ចការផ្ទៃក្នុងរបស់ប្រទេសអ្នកដទៃ ទេ តែសូមអ្នកដទៃគោរពនូវឯករាជ្យ អធិបតេយ្យភាព និងបូរណភាពទឹកដីរបស់កម្ពុជា។ កុំជ្រៀតជ្រែកឲ្យសោះ។»
លោក ហ៊ុន សែន បានបន្តថា រដ្ឋាភិបាលបរទេស បាននិងកំពុងដាក់សម្ពាធឱ្យកម្ពុជាលូកដៃចូលកិច្ចការតុលាការ ដើម្បីអន្តរាគមន៍លើសំណុំរឿងក្ដីក្ដាំប្រឆាំងសកម្មជនសិទ្ធិមនុស្ស និងមន្ត្រីបក្សប្រឆាំងទាំងនោះ។
«ពេលប្រធានាធិបតី អូបាម៉ា និយាយជាមួយខ្ញុំឆ្នាំ២០១២ ខ្ញុំថា ស្រុកខ្មែរអត់មានអ្នកទោសនយោបាយទេ មានតែអ្នកនយោបាយជាប់គុក [ដោយទោស] ព្រហ្មទណ្ឌតែប៉ុណ្ណោះ។ ខ្ញុំប្រាប់ អូបាម៉ា ត្រង់ៗ ខ្ញុំទៅខ្លាចអី! អូបាម៉ា ជាប្រធានាធិបតីអាមេរិកាំង មានប្រធានាធិបតីខ្មែរពីអង្កាល់ ... ចាំតែហ៊ុន សែន ខ្លាចតើ!»
ក៏ប៉ុន្តែបណ្ដាអង្គការសង្គមស៊ីវិលជាតិនិងអន្តរជាតិនានា បានបរិហារជាបន្តបន្ទាប់ថា រដ្ឋាភិបាលកម្ពុជា បាននិងកំពុងយាយី ជាបន្តបន្ទាប់ទៅលើសេរីភាពជាមូលដ្ឋានរបស់ពួកគេ។
អ្នកវិភាគនយោបាយ លោក អ៊ូ វីរៈ ដែលកំពុងប្រឈមនឹងបណ្ដឹងរបស់គណបក្សប្រជាជនកម្ពុជា បានបង្ហាញការសោកស្ដាយរបស់លោក ចំពោះការថ្លែងខាងដើមរបស់លោក ហ៊ុន សែន ប្រឆាំងនឹងការលូកលាន់។
លោកនិយាយថា តាមលោកយល់ឃើញ រដ្ឋាភិបាលបរទេសទាំងនេះបង្ហាញពីកង្វល់ទាក់ទងនឹងការអនុវត្តសិទ្ធិនេះ គឺដោយសារតែ រដ្ឋាភិបាលបរទេសទាំងនោះ ចង់ឱ្យមានការគោរពសិទ្ធិមនុស្ស និងអនុវត្តនីតិរដ្ឋដោយស្មើភាពតែប៉ុណ្ណោះ។
លោក គល់ បញ្ញា នាយកប្រតិបត្តិអង្គការខុមហ្វ្រែល បាននិយាយថា រដ្ឋាភិបាលប្រទេសសេរីទាំងនោះ មានសិទ្ធិក្នុងការនិយាយក្នុងនាមជាម្ចាស់ជំនួយ និងបង្ហាញយោបល់លើបញ្ហាសិទ្ធិមនុស្សដែលកម្ពុជាមានកាតព្វកិច្ចត្រូវ ធានា។
«កម្ពុជាយើង មិនអាចដើរឆ្ងាយពីការផ្ដល់មតិយោបល់បានទេ។ ឥឡូវយើងកំពុងធ្វើសមាហរណកម្មទៅក្នុងពិភពលោក ទាំងក្នុងអាស៊ាន ទាំងក្នុងសាកលលោក។ អ៊ីចឹងបើយើងមិនអាចនិយាយពីប្រទេសមួយបានឯករាជ្យ វាទៅអត់រួច វាទាល់តែប្រទេសហ្នឹងវាអាចរស់បានដោយខ្លួនឯងដែរ។ ហើយទោះបីជារស់បានដោយខ្លួនឯង ក៏នៅត្រូវការមតិយោបល់ពីអន្តរជាតិដែរ ដែលគេមានពិសោធន៍ពីសិទ្ធិមនុស្ស និងប្រជាធិបតេយ្យដែរ។»
លោក គល់ បញ្ញាក៏បានលើកឡើងផងដែរថា បើនិយាយពីបញ្ហាសិទ្ធិមនុស្ស គេមិននិយាយអំពីបញ្ហាអធិបតេយ្យភាព ហើយក៏មិនមែនជាបញ្ហាប្រទេសនិងប្រទេស តែបញ្ហាសិទ្ធិមនុស្សជាបញ្ហាសកល ដែលគ្រប់គ្នា នរណាក៏ដោយ អាចបញ្ចេញមតិយោបល់បាន។
ទោះជាយ៉ាងណាក៏ដោយ អ្នកវិភាគនយោបាយសង្កេតឃើញជាហូរហែរថា ជំនួយរបស់ប្រទេសចិនមកប្រទេសកម្ពុជាដែលចេះតែកើនឡើង និងឈរនៅលើគេប៉ុន្មានឆ្នាំចុងក្រោយនេះ មិនមានលក្ខខណ្ឌសិទ្ធិមនុស្សដូចជំនួយរបស់ប្រទេសសេរីទេ។
គេនៅចាំបានថា លោក វ៉ាង យី រដ្ឋមន្ត្រីការបរទេសចិន ក៏ធ្លាប់ថ្លែងការពាររដ្ឋាភិបាលរបស់លោក ហ៊ុន សែន ដែរ នៅពេលលោកមកទីក្រុងភ្នំពេញ កាលពីឆ្នាំ២០១៣ ដែលនៅកាលនោះកម្ពុជា មានភាពចម្រូងចម្រាសទាក់ទងនឹងលទ្ធផលនៃការបោះឆ្នោតតំណាងរាស្ត្រ ឆ្នាំ២០១៣។
កាលនោះ ប្រមុខការទូតចិនរូបនេះ បានប្រកាសថា ចិននឹងទប់ស្កាត់ មិនឲ្យមានការជ្រៀតជ្រែក ចូលកិច្ចការផ្ទៃក្នុងកម្ពុជានោះទេ។
ទាំងចិន ទាំងកម្ពុជា និងបណ្ដាប្រទេសអាស៊ានទាំងឡាយ សុទ្ធតែមាននយោបាយ មិនលូកដៃចូលកិច្ចការផ្ទៃក្នុងប្រទេសដទៃឡើយ។ ជាមួយនឹងជំនួយរបស់ចិន ដែលចេះតែកើនឡើង គោលការណ៍មិនជ្រៀតជ្រែកនេះត្រូវបានគេមើលឃើញថា កាន់តែត្រូវបានអនុវត្តកាន់តែខ្លាំងនៅកម្ពុជា៕
Hun Sen threatens foreign govts not to interfere in internal affairs of Cambodia, except Vietnam, because without their help Hun Sen would be who he is and where he is at now.
ReplyDelete