 |
| រូបឯកសារ៖ ក្បួនដង្ហែញតិ្តរបស់តំណាងរាស្រ្តគណបក្សប្រឆាំងទៅថ្វាយព្រះមហាក្សត្រ ត្រូវបានរារាំងដោយការបិទផ្លូវមួយសន្ទុះធំ មុនពេលអនុញ្ញាតឲ្យឆ្លងកាត់ពីសំណាក់អាជ្ញាធរ កាលពីថ្ងៃទី៣០ ខែឧសភា ឆ្នាំ ២០១៦។ (ហ៊ុល រស្មី/VOA) |
អាមេរិក, អឺរ៉ុប ស្នើ ឲ្យមាន ការចរចា នយោបាយ ដើម្បី បញ្ចប់ ភាពតានតឹង «ដ៏គ្រោះថ្នាក់»
VOA / វីអូអេ | ៣១ ឧសភា ២០១៦
សភាជាតិ ដែលមាន តែ អ្នកតំណាងរាស្ត្រ មកពីគណបក្ស ប្រជាជន កម្ពុជា
ចំនួន ៦៨រូប កាលពីថ្ងៃច័ន្ទ ម្សិលមិញនេះ
បានបោះឆ្នោត ផ្តល់ការ យល់ព្រម ឲ្យស្ថាប័ន តុលាការ បន្ត នីតិវិធី ចាត់
ការសំណុំរឿង លោក កឹម សុខា ដែលតុលាការ ក្រុងភ្នំពេញ បានចោទ ថា
មានការ ជាប់ពាក់ព័ន្ធ នឹងអំពើ សញ្ចរកម្ម។
ភ្នំពេញ —
បន្ទាប់ ពីសភាជាតិ ដែលគ្របដណ្តប់ ដោយគណបក្ស ប្រជាជន កម្ពុជា បានផ្តល់ សេចក្តីយល់ព្រម
ឲ្យស្ថាប័ន តុលាការ និងអាជ្ញាធរ មានសមត្ថកិច្ច បន្ត រឿងក្តី លោក កឹម
សុខា មក
អ្នកនយោបាយ នៃគណបក្ស ធំៗ ទាំងពីរ មិនទាន់បញ្ជាក់ ឲ្យដឹង ពីលទ្ធភាព
នៃការជួប ចរចាគ្នា ទេ។ការជួបចរចាគ្នានេះ គឺជាការចង់បានរបស់សហរដ្ឋអាមេរិក និងសហភាពអឺរ៉ុប ដែលបានសម្តែងក្តីបារម្ភ និងសោកស្តាយចំពោះព្រឹត្តិការណ៍នយោបាយដែលមានភាពតានតឹងកាន់តែខ្លាំងក្នុងរយៈពេលប៉ុន្មានថ្ងៃចុងក្រោយនេះ។
(កម្រងរូបភាព៖ ក្បួនដង្ហែញត្តិរបស់គណបក្សសង្គ្រោះជាតិថ្វាយជូនព្រះបាទ នរោត្តម សីហមុន្នី កាលពីថ្ងៃច័ន្ទ ទី៣០ ខែឧសភា ឆ្នាំ២០១៦)
 |
| ក្រុមសមត្ថកិច្ចរារាំងក្បួនដង្ហែញ្ញត្តិរបស់តំណាងរាស្រ្ត បក្សប្រឆាំងទៅថ្វាយព្រះមហាក្សត្រមួយសន្ទុះធំ មុនពេលអនុញ្ញាតឲ្យមានការឆ្លងកាត់ |
ក្រុមសមត្ថកិច្ចរារាំងក្បួនដង្ហែញ្ញត្តិរបស់
តំណាងរាស្រ្តបក្សប្រឆាំងទៅថ្វាយព្រះមហាក្សត្រមួយសន្ទុះធំ
មុនពេលអនុញ្ញាតឲ្យមានការឆ្លងកាត់
កាលពីថ្ងៃច័ន្ទម្សិលមិញនេះ ប្រតិភូសហភាពអឺរ៉ុបប្រចាំនៅកម្ពុជា បានចេញសេចក្តីថ្លែង ការណ៍ បញ្ជាក់ពីការសោកស្តាយយ៉ាងខ្លាំងចំពោះ«ភាពតានតឹងផ្នែកនយោបាយដែល មានលក្ខណៈគ្រោះថ្នាក់» និងស្នើឲ្យមានការជួបសន្ទនាជាលក្ខណៈស្ថាបនា ដោយសន្តិវិធីរវាងរដ្ឋអំណាច និងគណបក្សប្រឆាំងឲ្យបានកាន់តែឆាប់។ ការស្នើឲ្យជួបសន្ទនាគ្នានេះ ត្រូវបានធ្វើឡើងស្រដៀងគ្នានឹងការស្នើរបស់សហរដ្ឋអាមេរិកផងដែរ។
លោក សុខ ឥសាន អ្នកនាំពាក្យគណបក្សប្រជាជនកម្ពុជា បានមានប្រសាសន៍ប្រាប់ VOA នៅថ្ងៃអង្គារនេះថា ពុំទាន់មានមន្ត្រីនៃគណបក្សជំទាស់មកទំនាក់ទំនងជាមួយមន្ត្រីគណបក្ស កាន់អំណាច និងស្នើឲ្យមានការចរចានោះទេ។
លោកបញ្ជាក់ថា លទ្ធភាពនៃការជួបសន្ទនាគ្នាជាបន្ទាន់រវាងអ្នកនយោបាយគណបក្សទាំង ពីរ ទំនងជាមិនអាចធ្វើទៅរួចនោះទេ ដោយសារតែមេដឹកនាំគណបក្សប្រជាជនកម្ពុជា គឺលោកនាយករដ្ឋមន្ត្រី ហ៊ុន សែន ត្រៀមទៅបំពេញបេសកកម្មការងារនៅប្រទេសម៉ាឡេស៊ី ហើយលោក ស ខេង រដ្ឋមន្ត្រីក្រសួងមហាផ្ទៃ កំពុងចុះពង្រឹងមូលដ្ឋាននៅតាមបណ្តាខេត្តនានាក្នុងប្រទេស។ លោកមិនបានបញ្ជាក់ពីរបៀបវារៈនៃការចាកចេញទៅប្រទេសម៉ាឡេស៊ីរបស់ លោកនាយករដ្ឋមន្ត្រីនោះទេ។
លោក សុខ ឥសាន បញ្ជាក់ថា៖
«ទោះ ស្នើមក ក៏ថ្នាក់ដឹកនាំ គណបក្ស ប្រជាជន ក៏ដូចជា រដ្ឋាភិបាល កំពុង តែ ជាប់រវល់ ព្រោះ ស្អែកនេះ ព្រលឹម[ឡើង] សម្តេច ហ៊ុន សែន គាត់ទៅម៉ាឡេ ប្រជុំពីរថ្ងៃ បីថ្ងៃ។ សម្តេច ស ខេង លោកនៅនេះ លោកចុះមូលដ្ឋានទាំងអស់ ទៅព្រៃវែងផង ទៅបាត់ដំបងផង អីចឹងមានពេលពីណា។ អាហ្នឹង យើងមិនទាន់និយាយដល់ខ្លឹមសារផង។ បើនិយាយខ្លឹមសារមិនត្រូវទៀត អាហ្នឹងវាកាន់លែង[ចេញ]។»
លោក អេង ឆៃអ៊ាង អ្នកតំណាងរាស្ត្រគណបក្សសង្គ្រោះជាតិ បានប្រាប់ក្រុមអ្នកសារព័ត៌មាននៅទីស្នាក់ការកណ្តាលគណបក្សសង្គ្រោះ ជាតិ ថា ក្រុមការងារគណបក្សត្រៀមជានិច្ចដើម្បីចរចាជាមួយគណបក្សប្រជាជន កម្ពុជា តែមិនបានឲ្យដឹងពីតម្រុយណាមួយសម្រាប់ការជួបចរចាគ្នានោះទេ។
លោក អេង ឆៃអ៊ាង អ្នកតំណាងរាស្ត្រគណបក្សជំទាស់
ថ្លែងប្រាប់អ្នកសារព័ត៌មាន
និងក្រុមអ្នកគាំទ្រគណបក្សប្រឆាំងនៅទីស្នាក់កណ្ដាលគណបក្សសង្គ្រោះ
ជាតិ ខណៈពេលដែលលោក កឹម សុខា
ប្រធានស្ដីទីគណបក្សសង្រ្គោះជាតិកំពុងស្ថិតនៅក្នុងដីការសាកសួរពី
សាលាតំបូងរាជធានីភ្នំពេញ នៅព្រឹកថ្ងៃអង្គារ ទី៣១ ខែឧសភា
ឆ្នាំ២០១៦។(ឡេង ឡែន/VOA)
លោកបានត្រឹមតែបញ្ជាក់ពីស្ថានភាពរបស់លោក កឹម សុខា ប្រធានស្តីទីគណបក្សសង្គ្រោះជាតិ ដែលពេលនេះកំពុងស្នាក់នៅក្នុងទីស្នាក់ការកណ្តាលគណបក្សស្ថិតក្នុង សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
លោក អេង ឆៃអ៊ាង ថ្លែងថា៖
«លោក ស្នាក់នៅ ទីនេះ។ ទោះបី ឥឡូវនេះ យើង មិនទាន់ដឹង ថា ស្ថានការណ៍ គេ នឹងអាច ចាប់ចងគាត់ ពេលណា គឺ យើង អត់ដឹងទេ, គឺ លោក ស្នាក់នៅទីនេះ។ ហើយ នៅទីនេះ យើង ទទួល ប្រជាពលរដ្ឋហ្នឹង ឲ្យមក តាមឃ្លាំមើល ជាប្រចាំ។ មានរាល់ថ្ងៃ, រៀងរាល់ថ្ងៃ នៅទីនេះ។»
លោក អេង ឆៃអ៊ាង បានលើកពីសេចក្តីថ្លែងការណ៍របស់សហភាពអឺរ៉ុប ដែលបានទទូចសុំឲ្យរដ្ឋាភិបាលបញ្ឈប់ការរុកគួនតាមផ្លូវតុលាការ មកលើថ្នាក់ដឹកនាំគណបក្សសង្គ្រោះជាតិ និងបានស្នើឲ្យគណបក្សទាំងពីរបន្តវប្បធម៌សន្ទនាដើម្បីដោះស្រាយ បញ្ហាដែលបានកើតឡើង។
សេចក្តីថ្លែងការណ៍របស់ប្រតិភូសហភាពអឺរ៉ុបប្រចាំនៅកម្ពុជា ក៏បានស្នើឲ្យមានការបញ្ឈប់ការរំខានពីតុលាការទៅលើប្រធានស្តីទី គណបក្សប្រឆាំង និងអ្នកតំណាងអង្គការសង្គមស៊ីវិល។ នៅក្នុងសំណុំរឿងលោក កឹម សុខា នេះ មន្ត្រីសិទ្ធិមនុស្សបួនរូបនៃសមាគមការពារសិទ្ធិមនុស្សអាដហុក និងអគ្គលេខាធិការរងគណៈកម្មាធិការជាតិរៀបចំការបោះឆ្នោត ត្រូវបានតុលាការសម្រេចដាក់ឃុំក្នុងពន្ធនាគារជាបណ្តោះអាសន្នរង់ ចាំការកាត់ទោស។
(Facebook Live ភាគទី១៖តំណាងរាស្ត្រគណបក្សសង្គ្រោះជាតិ និងគណបក្សប្រជាជនកម្ពុជា ពិភាក្សាអំពីអត្ថន័យ និងគោលការណ៍អភ័យឯកសិទ្ធិរបស់តំណាងរាស្ត្រ នៅក្នុងកម្មវិធី Hello VOA ពិសេស កាលពីថ្ងៃអង្គារ ទី៣១ ខែឧសភា)
លោក សុខ ឥសាន អ្នកនាំពាក្យគណបក្សប្រជាជនកម្ពុជា ថ្លែងថា លោក កឹម សុខា អនុប្រធានគណបក្សសង្គ្រោះជាតិ ពុំត្រូវបានយាយីដោយស្ថាប័នតុលាការនោះទេ តែលោកទៅវិញទេដែលបានរំលោភច្បាប់។ លោកសង្កត់ធ្ងន់ថា គ្មានការគំរាមកំហែងណាមួយដែលអាជ្ញាធរមានសមត្ថកិច្ចបានធ្វើទៅលើ លោក កឹម សុខា ហើយក៏គ្មានការចរចាណាមួយដែលនឹងអាចធ្វើឡើង ដើម្បីទម្លាក់ចោលរឿងក្តីលោក កឹម សុខា និងអ្នកតំណាងរាស្ត្រគណបក្សប្រឆាំងផ្សេងទៀតនោះដែរ។ លោកបន្ថែមថា លោក កឹម សុខា កំពុងប្រឈមនឹងការចាប់ខ្លួនដោយអាជ្ញាធរមានសមត្ថកិច្ច។
អ្នកនាំពាក្យគណបក្សប្រជាជនកម្ពុជារូបនេះបញ្ជាក់ថា៖ «អត់មាននរណាគំរាមកំហែងគាត់ ថ្ងៃណាគេទៅចាប់ គេទៅចាប់ហើយ ព្រោះអាហ្នឹងវាបានភ្លើងខៀវពីរដ្ឋសភាទៅហើយ អញ្ចឹងវាស្ថិតនៅក្នុងដំណាក់កាលយុត្តាធិការរបស់តុលាការ។»
សភាជាតិដែលមានតែអ្នកតំណាងរាស្ត្រមកពីគណបក្សប្រជាជនកម្ពុជា ចំនួន៦៨រូប កាលពីថ្ងៃច័ន្ទម្សិលមិញនេះ បានបោះឆ្នោតផ្តល់ការយល់ព្រមឲ្យស្ថាប័នតុលាការបន្តនីតិវិធីចាត់ ការសំណុំរឿងលោក កឹម សុខា ដែលតុលាការក្រុងភ្នំពេញបានចោទថា មានការជាប់ពាក់ព័ន្ធនឹងអំពើសញ្ចរកម្ម។ តុលាការបានកោះហៅលោកឲ្យទៅបំភ្លឺក្នុងនាមសាក្សីចំនួនពីរលើក តែលោកមិនព្រមចូលខ្លួន។
នៅមុនការបោះឆ្នោតរបស់សភាដែលគ្របដណ្តប់ដោយគណបក្សកាន់អំណាចឲ្យ បន្តរឿងក្តីលោក កឹម សុខា នោះ អ្នកតំណាងរាស្ត្រមណ្ឌលកំពង់ចាមនេះ អយ្យការអមសាលាដំបូងរាជធានីភ្នំពេញ បានផ្ញើសិខិត ជម្រាបលោក ហេង សំរិន ប្រធានសភាជាតិថា ការប្រព្រឹត្តរបស់លោក កឹម សុខា ដែលមិនចូលខ្លួនមកឆ្លើយបំភ្លឺ តាមការកោះហៅរបស់តំណាងអយ្យការទាំងពីរលើកនេះ គឺជាបទល្មើស តាមមាត្រា៥៣៨នៃក្រមព្រហ្មទណ្ឌនៃព្រះរាជាណាចក្រកម្ពុជា។ តាមមាត្រានេះ ប្រសិនបើជនសង្ស័យ ត្រូវរកឃើញថាមានទោស ជនសង្ស័យនឹងត្រូវផ្តន្ទាទោសដាក់ពន្ធនាគារពីមួយខែទៅប្រាំមួយខែ និងពិន័យជាប្រាក់ ពីមួយសែនទៅមួយលានរៀល។
(Facebook Live ភាគទី២៖តំណាងរាស្ត្រគណបក្សសង្គ្រោះជាតិ និងគណបក្សប្រជាជនកម្ពុជា ពិភាក្សាអំពីអត្ថន័យ និងគោលការណ៍អភ័យឯកសិទ្ធិរបស់តំណាងរាស្ត្រ នៅក្នុងកម្មវិធី Hello VOA ពិសេស កាលពីថ្ងៃអង្គារ ទី៣១ ខែឧសភា)
ប៉ុន្តែ ការចោទប្រកាន់នេះត្រូវប្រធានក្រុមអ្នកតំណាងរាស្ត្រគណបក្សសង្គ្រោះ ជាតិ លោក សុន ឆ័យ បានច្រានចោល កាលពីថ្ងៃច័ន្ទម្សិលមិញនេះផងដែរ។ លោកថា ចៅក្រមស៊ើបអង្កេតសាលាក្តីខ្មែរក្រហមបានកោះហៅ អ្នកដឹកនាំកំពូលៗមួយចំនួននៅក្នុងរដ្ឋាភិបាលឲ្យចូលខ្លួនទៅសាលា ក្តី តែពុំមានថ្នាក់ដឹកនាំរូបណាក្នុងនោះរួមមាន លោក ហេង សំរិន និងលោក ហោ ណាំហុង ចូលខ្លួនទៅតុលាការទេ ដោយសំអាងលើអភ័យឯកសិទ្ធិជាតំណាងរាស្ត្រ។
លោកនាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ មិនទាន់អាចបញ្ជាក់ថា ក្រុមអាជ្ញាធរមានសមត្ថកិច្ចនឹងចាត់វិធានការឃាត់ខ្លួនលោក កឹម សុខា ឬយ៉ាងណានោះទេ។ លោកបានបង្វែរសំណួរទៅស្ថាប័នតុលាការ។ VOA ព្យាយាមទាក់ទងលោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ តែមិនអាចទាក់ទងបានទេ នៅថ្ងៃអង្គារនេះ។
យ៉ាងណាក៏ដោយ លោក កឹម សុខា បានបញ្ជាក់នៅលើទំព័រហ្វេសប៊ុករបស់លោក នៅថ្ងៃអង្គារនេះថា លោកស្ថិតនៅក្នុងទីស្នាក់ការកណ្តាលគណបក្សសង្គ្រោះជាតិក្នុងស្ថានភាព គំរាមកំហែង៕
The US and EU shall start taking actions !
ReplyDeleteEnough talks !