សពលោក កែម ឡី នឹងហែ ទៅបញ្ចុះ នៅខេត្ត តាកែវ ថ្ងៃអាទិត្យនេះ | Funeral procession for Kem Ley to Takeo to take place this coming Sunday

ប្រជា​ពលរដ្ឋ​ ចូលរួម​ រំលែកទុក្ខ ដល់ក្រុមគ្រួសារ សពលោក កែម ឡី នៅវត្តចាស់ ក្នុង​សង្កាត់ជ្រោយចង្វារ

សពលោក កែម ឡី នឹងហែ ទៅបញ្ចុះ នៅខេត្ត តាកែវ ថ្ងៃអាទិត្យនេះ

  | ១៨ កក្កដា ២០១៦

គណៈកម្មការ រៀបចំបុណ្យ និងក្រុមគ្រួសារ បានសម្រេច ដង្ហែសព លោក កែម ឡី ទៅបញ្ចុះ នៅខេត្តតាកែវ ជាទឹកដី ភូមិកំណើត របស់លោក នៅថ្ងៃអាទិត្យ ទី២៤ ខែកក្កដា សប្តាហ៍នេះ។

សេចក្តីសម្រេច របស់ គណៈកម្មការ រៀបចំបុណ្យ បានផ្សព្វផ្សាយ នៅថ្ងៃនេះ ឲ្យដឹង ថា, ពិធីដង្ហែសព ចាប់ផ្តើម នៅម៉ោង ៧ព្រឹកចេញ ពីវត្តចាស់ ក្នុងរាជធានី ភ្នំពេញ ឆ្ពោះទៅភូមិ អង្គតាកុក ឃុំលាយបូរ ស្រុកត្រាំកក់ ខេត្តតាកែវ។

លោក កែម ឡី ត្រូវ ឃាតករ បាញ់សម្លាប់ កាលពីថ្ងៃអាទិត្យ ទី១០ ខែកក្កដា ឆ្នាំ២០១៦។  ក្រោយ ការបាញ់សម្លាប់, សព របស់លោក ត្រូវ បានតម្កល់ទុក នៅវត្តចាស់ ធ្វើបុណ្យ តាមប្រពៃណី និងទុកឱកាស ឲ្យសាធារណជន ចូលគោរព ដល់វិញ្ញាណក្ខន្ធ របស់លោក៕