ក្រសួងការងារ ថ្កោលទោស លោក សម រង្ស៊ី ទាក់ទង នឹងការអំពាវនាវ ឲ្យអឺរ៉ុប បិទផ្សារ នាំចូលទំនិញ ពីកម្ពុជា | Labor Ministry condemns Sam Rainsy for requesting Europe close market of imports from Cambodia

[Related]

Sam Rainsy: ចង់ឲ្យ មេដឹកនាំ ប្រទេស កម្ពុជា សព្វថ្ងៃ ចេះកែខ្លួន ដើម្បី ចាប់យកជម្រើស ទី១ ខាងក្រោមនេះ ដែលល្អប្រសើរ ជាងជម្រើស ទី២ ឆ្ងាយណាស់ | Cambodia’s leaders must mend their ways in order to preserve and develop export markets

...

ក្រសួងការងារ ថ្កោលទោស លោក សម រង្ស៊ី ទាក់ទង នឹងការអំពាវនាវ ឲ្យអឺរ៉ុប បិទផ្សារ នាំចូលទំនិញ ពីកម្ពុជា

VOD / វីអូឌី | ១៩ កក្កដា ២០១៦

ក្រសួងការងារ នឹងបណ្តុះបណ្តាល វិជ្ជាជីវៈ ថ្កោលទោស ចំពោះ ការអំពាវនាវ របស់ ប្រធាន គណបក្សប្រឆាំង ឲ្យសហភាពអឺរ៉ុប បិទទីផ្សារ នាំចូល ទំនិញ ពីកម្ពុជា ដោយថា, ការអំពាវនេះ ថា ជាទង្វើ អមនុស្សធម៌, ខ្វះការទទួល ខុសត្រូវ,  និងធ្វើ ឲ្យខូច ប្រយោជន៍ កម្មករ និងអ្នកពាក់ព័ន្ធ។


នៅក្នុងបទអន្តរាគមន៍មួយនៅក្នុងសភាអឺរ៉ុបកាលពីថ្ងៃទី១៣ ខែកក្កដាកន្លងមក ប្រធានគណបក្សសង្គ្រោះជាតិ លោក សម រង្ស៊ី ដែលកំពុងនិរទេសខ្លួននៅក្រៅប្រទេសនោះបានអំពាវនាវឲ្យអឺរ៉ុបបិទការនាំចូលទំនិញវាយណភណ្ឌពីកម្ពុជានិងថាអាចបើកឲ្យនាំចូលវិញបានលុះត្រាតែមានលក្ខខណ្ឌនយោបាយណាមួយ។

ក្នុងសេចក្តីប្រកាសព័ត៌មានមួយចុះថ្ងៃទី១៩ ខែកក្កដា នេះ ក្រសួងបានលើកឡើងថា ការអំពាវនាវឲ្យសភាពអឺរ៉ុបបិទទីផ្សារនាំចូលទំនិញពីកម្ពុជានេះ ថាបានធ្វើឲ្យកម្មករជិត៧សែននាក់ និងអ្នកទទួលផលដោយប្រយោលប្រមាណជា២លាននាក់ទៀតបាត់បង់ផលប្រយោជន៍ពីវិស័យឧស្សាហកម្មកាត់ដេរនេះ។

ក្រសួងសរសេរក្នុងសេចក្តីប្រកាសព័ត៌មានថា៖ ការអំពាវនាវនេះពិតជាទង្វើអមនុស្សធម៌ ខ្វះការទទួលខុសត្រូវ និងធ្វើឲ្យប៉ះពាល់ធ្ងន់ធ្ងរដល់ដល់ប្រយោជន៍របស់បងប្អូនកម្មករនិយោជិត និងក្រុមគ្រួសាររបស់គាត់។

ទោះយ៉ាងណានៅរសៀលថ្ងៃអង្គារនេះដែរ មេដឹកនាំដឹកនាំគណបក្សប្រឆាំងលោក សម រង្ស៊ី បានបកស្រាយពន្យល់ថាការអំពាវនាវរបស់លោកឲ្យអឺរ៉ុបបិទការនាំចូលទំនិញពីប្រទេសកម្ពុជា គឺដើម្បីជំរុញឲ្យមេដឹកនាំកម្ពុជាបច្ចុប្បន្នចេះកែខ្លួននិងដើម្បីឲ្យកម្មករមានការងារកាន់តែច្រើននិងទទួលបានប្រាក់ខែកាន់តែច្រើនថែមទៀត។

លោកសរសេរលើទំព័ត៌ហ្វេសប៊ុករបស់គាត់ទៀតថា៖ ជម្រើសទី១គឺបញ្ឈប់ការគាបសង្កត់លើប្រជាពលរដ្ឋ បញ្ឈប់ការរំលោភសិទ្ធិមនុស្សហើយងាកទៅគោរពលទ្ធិប្រជាធិបតេយ្យ …  ប្រជាពលរដ្ឋនៅតែគ្មានសេរីភាព ហើយរបបផ្តាច់ការនៅតែបន្ត ជំនួយអន្តរជាតិអាចត្រូវគេកាត់ផ្តាច់ឬកាត់បន្ថយ ហើយទីផ្សារនៅបរទេសអាចត្រូវគេបិទ…បើមានការផ្តាច់ឬការកាត់បន្ថយជំនួយអន្តរជាតិ ឬក៏ការបិទទីផ្សារណាមួយនៅបរទេស គឺអ្នកដឹកនាំប្រទេសយើងសព្វថ្ងៃទេ ដែលជាអ្នកទទួលខុសត្រូវ ពីព្រោះពួកគេមិនព្រមកែខ្លួន។

បើតាមព្រឹត្តិបត្រព័ត៌មានរបស់អង្គការអន្តរជាតិខាងការងារចេញផ្សាយកាលពីខែកក្កដាឆ្នាំ២០១៥ កម្មករ-កម្មការិនីបម្រើការក្នុងវិស័យកាត់ដេរមានចំនួន៦សែននាក់ ហើយក្នុងនោះ៨៦ភាគរយជាស្រី្តវ័យក្មេងនៅក្នុងរោងចក្រចំនួន៦៤០។ ផលិតផលក្នុងវិស័យនេះនាំចេញទៅកាន់ទីផ្សារអឺរុបមានចំនួន៤២ភាគរយ ទៅកាន់ទៅផ្សារអាមេរិកចំនួន៣៤ និង២៤ភាគរយទៀតនាំទៅកាន់ទីផ្សារជប៉ុននិងកាណាដាជាដើម។ ជាមួយគ្នានេះទំហំទឹកប្រាក់នៃការនាំចេញផលិតផលវាយណភណ្ឌនៅឆ្នាំ២០១៤មានចំនួន៥ ៨១៧លានដុល្លារ។ នេះបើតាមទិន្នន័យរបស់អង្គការអន្តរជាតិខាងការងារដដែល។


គួរបញ្ជាក់ដែរថាបច្ចុបន្នកម្មករ-កម្មការិនីក្នុងវិស័យនេះមានប្រាក់ឈ្នួលគោលអប្បបរមាចំនួន១៤០ដុល្លារឡើងពី១២៨ដុល្លារក្នុងឆ្នាំ២០១៥។ ភាគីពាក់ព័ន្ធនឹងរៀបចំការពិភាក្សាដំឡើងប្រាប់ឈ្នួលគោលអប្បបរមានេះបន្តទៀតនៅចុងឆ្នាំ២០១៦នេះ៕