 |
| រូបឯកសារ៖ លោក សម រង្ស៊ី ប្រធានគណបក្សសង្គ្រោះជាតិ (កណ្តាល) ថ្លែងសុន្ទរកថាក្នុងថ្ងៃប្រារព្ធទិវាសិទ្ធិមនុស្សអន្តរជាតិ នៅមុខរដ្ឋសភាជាតិ នៅទីក្រុងភ្នំពេញ កាលពីថ្ងៃពុធ ទី១០ ខែធ្នូ ឆ្នាំ២០១៤។ |
លោក សម រង្ស៊ី ផ្តល់បទសម្ភាសន៍ ជាមួយ វិទ្យុ បារាំង អន្តរជាតិ ដើម្បី បំភ្លឺ ការផ្សាយ ព័ត៌មាន ខុស
VOA / វីអូអេ | ២៩ កក្កដា ២០១៦
កន្លងមក
វិទ្យុ បារាំង អន្តរជាតិ បានដកស្រង់ ប្រសាសន៍ របស់លោក សម រង្ស៊ី
ប្រធាន គណបក្ស សង្គ្រោះជាតិ ថា,
លោក សូម ឱ្យបិទទីផ្សារ សម្លៀកបំពាក់ កាត់ដេរ នៅកម្ពុជា,
ហើយ បើ បើកវិញ ត្រូវ មានលក្ខខណ្ឌ។ នោះ បានធ្វើ ឲ្យមាន ប្រតិកម្ម យ៉ាងខ្លាំង ពីសហជីព កម្មករ
និងកម្មករ មួយចំនួន។
ភ្នំពេញ — លោក សម រង្ស៊ី
ផ្តល់បទសម្ភាសន៍ ជាមួយ វិទ្យុ បារាំង អន្តរជាតិ ដើម្បី ជាកែតម្រូវ នូវការផ្សាយសម្តី របស់លោក ដោយខុសឆ្គង ក្នុងពេល កន្លងមក
ដែលនិយាយ អំពី អនាគត នៃទីផ្សារ សម្លៀកបំពាក់ កម្ពុជា នៅសហភាព អឺរ៉ុប។
ព័ត៌មាន ខុសនោះ បាននាំ ឱ្យមាន ប្រតិកម្ម ជាច្រើន ពីក្នុងចំណោម កម្មករ
និងអ្នកតាមដាន សភាពការណ៍ កម្ពុជា។
កន្លងមក
វិទ្យុបារាំងអន្តរជាតិបានដកស្រង់ប្រសាសន៍របស់លោក សម រង្ស៊ី
ប្រធានគណបក្សសង្គ្រោះជាតិថា
លោកសុំឱ្យបិទទីផ្សារសម្លៀកបំពាក់កាត់ដេរនៅកម្ពុជា
ហើយបើបើកវិញត្រូវមានលក្ខខណ្ឌនោះ
បានធ្វើឲ្យមានប្រតិកម្មយ៉ាងខ្លាំងពីសហជីពកម្មករ និងកម្មករមួយចំនួន។
រហូតដល់រសៀលថ្ងៃទី២៤ ខែកក្កដាកន្លងទៅ
តំណាងកម្មករ១០០នាក់ បានដាក់ញត្តិជូនរដ្ឋសភាប្រឆាំងនឹងសំណើរបស់លោក សម
រង្សី ដោយយល់ថា លោក សម រង្ស៊ី ស្នើឲ្យសហភាពអឺរ៉ុបបិទទីផ្សារសម្លៀកបំពាក់ពីកម្ពុជា។
វិទ្យុបារាំងក៏បានផ្តល់ឱកាសជូនលោក សម រង្ស៊ី
បានបកស្រាយនូវសេចក្តីថ្លែងរបស់លោកសារជាថ្មីឡើងវិញ
ហើយតាមរយៈបទសម្ភាសន៍មួយ ក្រោយពីលោក សម រង្ស៊ី ប្រកាសជាសាធារណៈថា
មានការបកប្រែពាក្យសម្តីរបស់លោកខុសទាំងស្រុងពីភាសាបារាំងមកជា
ភាសាខ្មែរនោះ។
លោក ហ្សង់ ហ្រ្វង់ស្វ័រតាន់
និពន្ធនាយកវិទ្យុបារាំងបានពន្យល់បន្ថែមថា ជាជាងការកែតម្រូវ
លោកយល់ថា បទសម្ភាសន៍ប្រមាណជាង១២នាទីនេះអាចឲ្យលោក សម រង្ស៊ី
បង្ហាញពីជំហររបស់លោកទៅកាន់មហាជន ហើយរឿងចម្រូងចម្រាស ដែលកើតជាសង្គ្រាមប៉ាកានេះគួរតែចប់ត្រឹមបុណ្ណឹង។
ទោះជាយ៉ាងណាក្តី ការថ្លែងបកស្រាយឡើងវិញរបស់លោក
សម រង្ស៊ី
នេះមិនទទួលបានការចាប់អារម្មណ៍ពីសំណាក់មន្ត្រីរដ្ឋាភិបាលឡើយ។
លោក ផៃ ស៊ីផាន បានប្រាប់ VOA ថា មិនថា លោក សម រង្ស៊ី បកស្រាយដោយពាក្យពេចន៍យ៉ាងណាក៏ដោយ
លោកនៅតែប្រកាន់គោលជំហរដដែល។
«ខ្ញុំអត់មានការកែប្រែទេ។
ខ្ញុំមើលលើយុទ្ធសាស្រ្តជាជាងពាក្យគាត់ប្រើប្រាស់ ដូចជាចាំថា
គាត់ឲ្យសភាអឺរ៉ុបពិចារណាសារថ្មីលើលក្ខខណ្ឌការងាររបស់កម្មករ
ប៉ុន្តែអង្គការពលកម្មពិភពលោកដែលហៅថា ILO បានវាយតម្លៃខ្ពស់ថា
កម្មករកម្ពុជាទទួលបានសិទ្ធិសេរីភាព និងលក្ខខណ្ឌខ្ពស់
បើប្រៀបធៀបទៅនឹងប្រទេសដទៃទៀតក្នុងចំណោមអាស៊ានដូចគ្នា»។
លោក ហេង សួរ
អ្នកនាំពាក្យក្រសួងការងារបានឲ្យដឹងថា លោកនៅតែប្រកាន់យកគោលជំហរដដែល។
«អ្វីដែលយើងធ្វើប្រតិកម្មហើយនៅតែបន្តថ្កោលទោសនូវអ្វីដែលលើក
ឡើង និងសរសេរឡើងដោយសារព័ត៌មាន។ ការបកស្រាយរបស់គាត់
វាជារឿងរបស់គាត់ ហើយអ្វីដែលយើងធ្វើប្រតិកម្មគ្រប់គ្នា
ធ្វើប្រតិកម្មគឺផ្អែកទៅលើខ្លឹមសារ បើគាត់និយាយន័យហ្នឹង
ឬក៏យ៉ាងម៉េច មានតែសាធារណជនទេ ដែលមានសិទ្ធិថា
ជឿលើការបកស្រាយរបស់គាត់លើកក្រោយហ្នឹងឬអត់?
បទសម្ភាសន៍រវាងលោក សម រង្ស៊ី និងវិទ្យុបារាំង RFI
«នេះមិនមែនការកាត់ជំនួយទេ
តែជំនួយត្រូវការឃ្លាំមើលការអនុវត្តលើកិច្ចព្រមព្រៀងជំនួយ
លើការគោរពសិទ្ធិ និងលទ្ធិប្រជាធិបតេយ្យ
ប៉ុន្តែអ្នកនាំពាក្យទីស្តីការគណៈរដ្ឋមន្ត្រីហេតុអ្វីបានជា
ប្រតិកម្មថា លោក សម រង្ស៊ី និយាយមិនឲ្យសហគមន៍អឺរ៉ុបដឹកនាំសម្លៀកបំពាក់ចូលសហគមន៍អឺរ៉ុប?»
យោងតាមសម្តីដើមរបស់លោកសម
រង្ស៊ី ដែលត្រូវផ្សព្វផ្សាយជាសាធារណៈ
ហើយជាការថ្លែងតបទៅនឹងសមាជិកសភាអឺរ៉ុបលោក Petras AUŠTREVIČIUS កាលពីថ្ងៃទី១៣ ខែកក្កដា
កន្លងមក បានឲ្យដឹងថា លោក Petras AUŠTREVIČIUS បានលើកឡើងថា ស្ថានការណ៍
ប្រទេសកម្ពុជាមិនល្អទេក្នុងមួយរយៈពេលថ្មីៗនេះ
ហើយលោកស្នើឱ្យក្រុមការងារបរទេសនៃសភានេះពិនិត្យមើលគម្រោង
ជំនួយបច្ចេកទេសដល់កម្ពុជា ហើយត្រូវតែមានការដាក់លក្ខខណ្ឌបន្ថែម។
លោកបានបន្ថែមថា៖ «យើងត្រូវតែពិនិត្យមើលវាឡើងវិញ ហើយដាក់លក្ខខណ្ឌបន្ថែមទៀត
និងឈប់ផ្តល់ថវិកាដល់គម្រោងបច្ចេកទេសខ្លះ ដើម្បីបង្ហាញជំហរដ៏ខ្លាំង
និងត្រឹមត្រូវរបស់យើង»។
ហើយតាមការបកប្រែក្រៅផ្លូវការដោយ
VOA ភាសាបារាំង និងខេមរភាសា លោក សម រង្ស៊ី
ថ្លែងតបទៅវិញដោយនិយាយថា
លោកយល់ស្របនឹងប្រសាសន៍របស់សមាជិកសភារូបនោះ ហើយលោកថា
វិស័យដែលជាចម្បងដែលកម្ពុជានាំមកទីផ្សារអឺរ៉ុប
គឺសម្លៀកបំពាក់ដែលផ្តល់ផលចំណេញដល់ក្រុមថៅកែដែលមានទំនាក់ទំនង
ជាមួយនឹងគណបក្សកាន់អំណាច។
លោកបានបន្ថែមថា៖
«ក្រុមហ៊ុន
និងថៅកែធំៗរកប្រាក់ចំណេញបានច្រើនណាស់។ ពួកគេទាំងនោះបានផ្ដល់
(ប្រាក់ចំណេញនេះមួយភាគ)ទៅឲ្យនាយករដ្ឋមន្ត្រី ដែលអាចជាអំពើពុករលួយ។
បើអស់លោក(សហភាពអឺរ៉ុប)លូកដៃក្នុងរឿងទីផ្សារ
(សម្រាប់វិស័យកាត់ដេរ)នេះ នោះមិនមែនកម្មករ ឬប្រជាជនក្រីក្រទេ
ដែលរងផលប៉ះពាល់ តែគឺវានឹងប៉ះពាល់ទៅដល់ផលចំណេញរបស់ពួកថៅកែៗ
ដែលបានផ្ដល់ប្រាក់ចំណេញនេះមួយផ្នែកធំដាក់ចូលទៅក្នុងហិប
ប្រាក់របស់គណបក្សកាន់អំណាច។ ប្រសិនជាអស់លោក(សហភាពអឺរ៉ុប)ធ្វើឲ្យពួកគេទាំងនោះយល់ថា
ទីផ្សារ (សម្រាប់វិស័យកាត់ដេរ)នេះ មិនមែនបើកដោយគ្មានលក្ខខណ្ឌ
នៅគ្រប់ពេលគ្រប់វេលានោះទេ
នៅពេលហ្នឹងហើយដែលពួកគេអាចចាប់ផ្ដើមត្រិះរិះពិចារណា»។
នេះមិនមែនលើកទីមួយទេ
ដែលសាររបស់ប្រធានគណបក្សប្រឆាំងរូបនេះតែងតែត្រូវបានគេបកស្រាយ
មិនចំន័យដើម។ ដូចជាក្នុងអំឡុងពេលឃោសនាបោះឆ្នោតកន្លងមក
គណបក្សកាន់អំណាចបានចាត់ទុកថា
បើគណបក្សសង្គ្រោះជាតិឈ្នះនឹងមិនមានទីផ្សារ និងសេដ្ឋកិច្ចជាដើម
ក្នុងពេលដែលលោកព្រមានអ្នករកស៊ីទុច្ចរិតមួយចំនួនកុំឱ្យបន្តធ្វើ
បាបពលរដ្ឋសាមញ្ញ៕
No comments:
Post a Comment