ពលរដ្ឋ ខែត្រស្ទឹងត្រែង អះអាង ថា, អាជ្ញាធរ មិនយកចិត្ត ទុកដាក់ ទប់ស្កាត់ បទល្មើស នេសាទ
RFA / វិទ្យុ អាស៊ី សេរី | ២ កក្កដា ២០១៦
ត្រីដែលអ្នកភូមិកោះស្រឡាយ ស្រុកសៀមបូក ខេត្តស្ទឹងត្រែង
នេសាទបានយកមកលក់នៅទីផ្សារកាលពីថ្ងៃទី៣០ ខែមិថុនា ឆ្នាំ២០១៦។
RFA/Men Sothyr
RFA/Men Sothyr
ស្ដាប់ ឬ ទាញយកសំឡេង
00:00/00:00
ពលរដ្ឋ រស់នៅ ឃុំ កោះស្រឡាយ ស្រុក សៀមបូក ខែត្រ ស្ទឹងត្រែង អះអាង ថា, អាជ្ញាធរ ពាក់ព័ន្ធ មិន បានយក ចិត្តទុកដាក់ ទប់ស្កាត់ បទល្មើស នេសាទ នៅរដូវ ត្រីពង នោះទេ ខណៈ ទូកអ្នកនេសាទ រាប់រយទូក បានសម្រុក នេសាទ នៅតាម ដងទន្លេ មេគង្គ មុខកោះ ស្រឡាយ រហូត ទល់កោះ សំពាយ ស្រុក សៀមបូក។
ពលរដ្ឋ រស់នៅភូមិ ស្មាកោះ ឃុំកោះស្រឡាយ ឲ្យដឹង នៅថ្ងៃ ទី១ កក្កដា ថា, ប្រភេទ ត្រី មេពូជ ជាច្រើន ប្រភេទ ដែលច្រាលឡើង នៅខែវស្សា នេះ ប្រឈម នឹងដាច់ពូជ បន្ទាប់ ពីអ្នកនេសាទ បានដាក់មង រាំងខ្ទប់ទន្លេ រារាំង ការបន្លាស់ ទីត្រី ទាំងនោះ ទៅរក កន្លែង ពងកូន។
ពលរដ្ឋ រស់នៅ ឃុំកោះស្រឡាយ លោក ណាក់ សុផានិត ឲ្យដឹង ថា, ចាប់ពីចុង ខែមិថុនា រហូត មក, មង អ្នកនេសាទ ភាគច្រើន ជារបស់ ជនជាតិ វៀតណាម [illegal fishing nets mainly belong to Vietnamese citizens] និងជនជាតិ ចាម។ មានប្រវែង ចាប់ ពី ២០០ម៉ែត្រ ទៅ ៣០០ម៉ែត្រ, ជម្រៅ ៨ម៉ែត្រ ទៅ ១០ម៉ែត្រ ត្រូវ គេ ដាក់ស្អេកស្កះ នៅតំបន់ ដែលត្រី មេពូជ ច្រាលឡើង ដើម្បី ពង កូន។ លើសពីនេះ ត្រី ដែលអ្នក នេសាទ ចាប់បាន មានទំហំ ពី ៣គីឡូ ដល់ជាង ២០គីឡូ ដូចជាត្រី ព្រួល, ក្អែក, និងត្រសក់ ជាដើម។
លោក កត់សម្គាល់ ថា, អ្នកនេសាទ ម្នាក់ៗ អាច ចាប់ត្រីបាន ចាប់ ពី ១រយ គីឡូក្រាម ដល់ជិត ១តោន, ហើយ ត្រី ទាំងនោះ ភាគច្រើន សុទ្ធតែ មានពង៖ «ខ្ញុំ ក៏មិន ពេញចិត្ត ដែរ, បង, ឃើញអ៊ីចឹង, ជនជាតិ វៀតណាម មកបំផ្លាញ ក្នុងទន្លេ របស់យើង។ អាជ្ញាធរ សមត្ថកិច្ច អត់ចុះមក រវល់ ការនេសាទ ខុសច្បាប់នេះ។» ["I'm not happy to see this, Vietnamese citizens coming to destroy our lakes. The authority does not go to investigate this illegal fishing."]
ពលរដ្ឋម្នាក់ទៀតរស់នៅឃុំកោះស្រឡាយ ថ្លែងសុំមិនបញ្ចេញឈ្មោះ រៀបរាប់ថា អាជ្ញាធរមូលដ្ឋាននិងសមត្ថកិច្ចមិនបានយកចិត្តទុកដាក់ទប់ស្កាត់ការ នេសាទត្រីនៅរដូវត្រីពងកូននោះទេ ដែលជាហេតុបង្កឲ្យធនធានជលផលកាន់តែធ្លាក់ចុះ៖ «ឆ្នាំក្រោយអត់ មានត្រីទេ បើត្រីអស់ហើយ ម្នាក់ៗបានរាប់រយគីឡូអ៊ីចឹង។ អាជ្ញាធរប្រហែលជាគាត់មើលមិនឃើញ សូមឲ្យគាត់ក្រឡេកមើលផង ដូចជាចៅហ្វាយខែត្រនៅហ្នឹង។»
ទូកនេសាទរបស់អ្នក
នេសាទនៅដងទន្លេមេគង្គ ទល់មុខកោះស្រឡាយ ស្រុកសៀមបូក
ខែត្រស្ទឹងត្រែង។ រូបថតថ្ងៃទី៣០ ខែមិថុនា ឆ្នាំ២០១៦។ RFA/Men Sothyr
មន្ត្រីសម្របសម្រួលគម្រោងសម្ពន្ធភាពដើម្បីអភិរក្សធនធានជលផល លោក ឯក ចំរើន បារម្ភថា ប្រភេទត្រីកម្រនៅដងទន្លេសេសាន មេគង្គ ទន្លេស្រែពក និងទន្លេសេកុង អាចនឹងផុតពូជបើអ្នកនេសាទនៅតែបន្តប្រើឧបករណ៍នេសាទរាំងខ្ទប់ ដំណើរត្រីទាំងនោះ។ លោកថា មន្ត្រីជំនាញ និងអាជ្ញាធរគួររកមធ្យោបាយទប់ស្កាត់បទល្មើសនេសាទជាបន្ទាន់ និងរឹតបន្តឹងការអនុវត្តច្បាប់ជលផលឲ្យមានប្រសិទ្ធភាព ដើម្បីធានាការបង្កកំណើតត្រីមេពូជនៅរដូវវស្សានេះ៖ «ដើម្បី ឲ្យពួកគាត់ បានដឹងផង នៅរដូវ ត្រី ពងកូន, សូម កុំនេសាទ អនាធិបតេយ្យ។ វា អាចធ្វើ ឲ្យមាន ការថយចុះ។ សូម មេត្តា ជួយអនុវត្ត ច្បាប់ ឲ្យបានល្អផង, បាទ។»
មន្ត្រីជំនាញជលផលរកឃើញថា ត្រីព្រួល ត្រីក្អែក និងត្រីត្រសក់ជាដើម បានច្រាលឡើងនៅរដូវវស្សានៅពេលទឹកឡើង ដើម្បីរកទីតាំងជ្រកសម្រាប់ពងកូន។
លោក ឯក ចំរើន ឲ្យដឹងទៀតថា មានឧបសគ្គច្រើននាំឲ្យចំនួនត្រីកម្រថយចុះ គឺស្ថានភាពទឹកមិនទៀងទាត់ ការអភិវឌ្ឍតាមដងទន្លេ ការនេសាទខុសច្បាប់ និងការមិនយកចិត្តទុកដាក់ពីរដ្ឋាភិបាល ឬអាជ្ញាធរមូលដ្ឋានទាក់ទិនការអភិរក្សនៅអន្លង់អភិរក្ស៕
No comments:
Post a Comment