នាយករដ្ឋមន្រ្តី ខ្មែរ ប្តឹងទាមទារ មួយរយរៀល ពីលោក សម រង្ស៊ី និងស្រ្តី សមាជិក ព្រឹទ្ធសភា បក្សសម រង្ស៊ី ដែលចោទលោក ពាក់ព័ន្ធ ឃាតកម្ម លើលោក កែម ឡី
ទីបំផុតទៅ ការឆ្លើយចោទ ដាក់រដ្ឋាភិបាល កម្ពុជា ចំពោះ ករណី ឃាតកម្ម លោក កែម ឡី បានរុញបណ្តឹង ពីរ ផ្សេងគ្នា ដល់ដៃតុលាការហើយ នៅព្រឹកថ្ងៃ ទី១ សីហានេះ។ តាមរយៈ លោក គី តិច មេធាវី ជំនួសមុខ ឱ្យដើមបណ្តឹង លោក នាយករដ្ឋមន្រ្តី ហ៊ុន សែន បានប្តឹង ទាមទារ សំណងជំងឺចិត្ត ម្នាក់ មួយរយរៀល [100 riels?] ប្រឆាំង នឹងប្រធានបក្សសង្រ្គោះជាតិ និងសមាជិកព្រឹទ្ធសភាស្រី្តបក្សសម រង្ស៊ី មណ្ឌលខេត្តរតនគីរី ដែលចោទប្រកាន់លោកនាយករដ្ឋមន្រ្តីថា ជាអ្នកពាក់ព័ន្ធនឹងការបាញ់លោកបណ្ឌិត កែម ឡី។ យ៉ាងណាក៏ដោយ មន្រ្តីជាន់ខ្ពស់គណបក្សសង្រ្គោះជាតិ ថ្លែងថា ការប្តឹងផ្តល់ទៅតុលាការ ចំពោះការស្លាប់របស់លោក កែម ឡី មិនមែនជាដំណោះស្រាយ ដែលអាចធ្វើអោយក្រុមគ្រួសារជនរងគ្រោះ និងសាធារណជនស្ងប់ចិត្តឡើយ។
លោក គី តិច មេធាវី តំណាងដោយអាណត្តិរបស់ លោកនាយករដ្ឋមន្រ្តី ហ៊ុន សែន នៅថ្ងៃទី១ សីហា នេះប្តឹងលោក សម រង្ស៊ី និងសមាជិកព្រឹទ្ធសភាស្រ្តី គណបក្សសម រង្ស៊ី មណ្ឌលខេត្តរតនគីរី ទាមទារម្នាក់ មួយរយរៀល ទៅតុលាការក្រុងភ្នំពេញ។ តាមរយៈ ពាក្យបណ្តឹងពីរផ្សេងគ្នា លោក គី តិច បានសំអាងហេតុថា ករណីលោក សម រង្ស៊ី កាលពីថ្ងៃទី១០ កក្កដា បានសរសេរលើហ្វេសប៊ុកផេក របស់ខ្លួន ចោទរដ្ឋាភិបាលថា «ការបាញ់សម្លាញ់លោក កែម ឡី ថ្ងៃនេះ ជាអំពើភេវកម្មមួយទៀត រៀបចំដោយរដ្ឋអំណាច។» លោកមេធាវី បានចាត់ទុកថា ការចោទប្រកាន់របស់មេបក្សប្រឆាំងនេះ មានចរិតញុះញង់បំផុសបំផុល ក្នុងចលនាបញ្ឆេះកំហឹង មហាជន ដែលអាចបង្កអោយមានចលាចលនៅក្នុងសង្គម និងប៉ះពាល់ដល់ដំណើរការនីតិវិធី របស់តុលាការផងដែរ។
ដូចគ្នានេះ បណ្តឹងមួយទៀត យោងលើ លោកស្រី ថាក់ ឡានី សមាជិកព្រឹទ្ធសភា គណបក្សសម រង្ស៊ី មណ្ឌលខេត្តរតនគីរី បានថ្លែងទៅកាន់ពលរដ្ឋក្នុងវេទិកានៅខេត្តរតនគីរី កាលពីថ្ងៃទី២៩ កក្កដា មានភស្តុតាងជាវីដេអូឃ្លីប ក្នុងន័យថា «អាឡូវហ្នឹង ហ៊ុន សែន មិនដឹងគិតម៉េចទៀតទេ នៅមិននៅ ចុះឡើង ចុះឡើង ទៅបាញ់លោក កែម ឡី អ្នកវិភាគនយោបាយ ឃើញទេ»។ លោកមេធាវី គី តិច បានសុំអោយតុលាការផ្តន្ទាទោសលោកស្រី ថាក់ ឡានី តាមផ្លូវច្បាប់ ដែលបានធ្វើអោយប៉ះពាល់ដល់ កិត្តិយស និងកិត្យានុភាពរបស់លោកនាយករដ្ឋមន្រ្តីកម្ពុជា។
តាមការបកស្រាយនៅក្នុងពាក្យបណ្តឹង ភ្លាមៗក្រោយការបាញ់សម្លាប់លោកបណ្ឌិត កែម ឡី ឃាតករត្រូវបានចាប់ខ្លួនជាក់ស្តែង និងត្រូវបានចាត់ការទៅតាមផ្លូវច្បាប់ រហូតត្រូវបានចោទប្រកាន់ និងបញ្ជូនខ្លួនទៅតុលាការតាមនីតិវិធីច្បាប់។ បច្ចុប្បន្ន ជនល្មើសកំពុងស្ថិតក្នុងការឃុំខ្លួនជាបណ្តោះអាសន្ន ហើយសំណុំរឿងកំពុងស្ថិតក្នុងសមត្ថកិច្ចរបស់សាលាដំបូងរាជធានី ភ្នំពេញ។
ការប្តឹង លោក សម រង្ស៊ី ប្រធានគណបក្សសង្រ្គោះជាតិ ដែលកំពុងរស់និរទេសខ្លួន ក្រៅប្រទេស និងលោកស្រី ថាក់ ឡានី សមាជិកព្រឹទ្ធសភា គណបក្សសម រង្ស៊ី នេះត្រូវបាន មន្រ្តីជាន់ខ្ពស់គណបក្សសង្រ្គោះជាតិ លោក អេង ឆៃអ៊ាង យល់ថា មិនអាចធ្វើអោយគ្រួសារលោក កែម ឡី និងសាធារណជនស្ងប់ចិត្ត ស្ងប់អារម្មណ៍ឡើយ។ មន្រ្តីបក្សប្រឆាំងរូបនេះណែនាំថា ដំណោះស្រាយដ៏ប្រសើរ នៅចំពោះមុខ ឃាតកម្មលើលោកបណ្ឌិត កែម ឡី គឺការវែកមុខឃាតករពិត និងស្វែងរកអ្នកនៅពីក្រោយ ប្រកបដោយតម្លាភាព មានការទទួលខុសត្រូវ ទើបជាយុត្តិធម៌ពិតប្រាកដផ្តល់ជូនប្រជាជនកម្ពុជា។
លោកមេធាវី សុក សំអឿន ប្រធានក្រុមអ្នកច្បាប់ការពារសិទ្ធិមនុស្សកម្ពុជា បានថ្លែងថា គណបក្សកាន់អំណាច ពិតជាឈ្នះ ក្តីនៅ តុលាការលើកនេះ តែក្នុងសភាពការណ៍ ជិតបោះឆ្នោត នាំអោយពិភពលោកមើលមកកម្ពុជាថា កំពុងមានវិបត្តិនយោបាយធ្ងន់ធ្ងរ ពលរដ្ឋកម្ពុជាភ័យខ្លាច ប៉ះពាល់ដល់លទ្ធផលឆ្នោត។ ទោះជាយ៉ាងណាក៏ដោយ លោកបានណែនាំថា បក្សប្រឆាំង និងបុគ្គលគ្រប់រូបគួរតែមានការទទួលខុសត្រូវ និងគិតអោយបានច្បាស់ពីអ្វី ដែលប្រុងនិយាយជាសាធារណៈ ដែលអាចប៉ះពាល់ដល់កិត្តិយសរបស់បុគ្គលណាម្នាក់៕
Sam, nous devrions gagner cette fois-ci!!! We will win big this time around!!! យើងត្រូវតែ ឈ្នះ ពេលនេះ!!!
ReplyDelete