 |
| តំណាងរាស្ត្រគណបក្សសង្គ្រោះជាតិ លោក គីមសួរ ភីរិទ្ធ (រូបស្ដាំ) ថ្លែងនៅទីស្នាក់ការកណ្ដាលគណបក្សរបស់ខ្លួន នៅរសៀលថ្ងៃទី១ ខែកក្កដា ឆ្នាំ២០១៦។ RFA/Brach Chev |
បក្សប្រឆាំង នៅទទូច ចង់ឲ្យ គ.ជ.ប. យកថ្ងៃ ភ្ជុំបុណ្យ ចុះឈ្មោះ បោះឆ្នោត
RFA / វិទ្យុ អាស៊ី សេរី | ៦ សីហា ២០១៦
គណបក្សប្រឆាំង នៅទទូច ចង់ឲ្យ គណៈកម្មាធិការ ជាតិ រៀបចំ ការបោះឆ្នោត
(គ.ជ.ប.) កំណត់ យកថ្ងៃ បុណ្យភ្ជុំបិណ្ឌ ធ្វើការ ចុះឈ្មោះ បោះឆ្នោត
ខណៈ ប្រធាន គ.ជ.ប. អះអាង ជាថ្មី ថា, ខ្លួន នឹងពិចារណា ចំពោះ សំណើនេះ។
ចំពោះសំណើឲ្យមានការរៀបចំចុះឈ្មោះបោះឆ្នោតនៅថ្ងៃបុណ្យភ្ជុំ
នេះ គណបក្សសង្គ្រោះជាតិលើកហេតុផលថា ជាការបង្កភាពងាយស្រួលដល់កម្មករ
និងពលករចំណាកស្រុកដែលសម្រាកពីការងារ ហើយមកលេងស្រុកកំណើត។
នៅក្នុងសន្និសីទកាសែតកាលពីថ្ងៃទី៥ សីហា
នៅការិយាល័យគ.ជ.ប ប្រធានគ.ជ.ប លោក ស៊ិក ប៊ុនហុក ថ្លែង ថា
លោកនឹងពិចារណាចំពោះការស្នើសុំនេះ។ ប៉ុន្តែលោកថា មន្ត្រីគ.ជ.ប
ធ្វើការចុះឈ្មោះបោះឆ្នោតនេះ រយៈពេល៣ខែ ដោយគ្មានថ្ងៃសៅរ៍ ឬអាទិត្យ
ដូច្នេះ លោកយល់ថា មានពេលវេលាគ្រប់គ្រាន់។
គម្រោងនៃការចុះឈ្មោះបោះឆ្នោតនៅទូទាំងប្រទេស
នឹងមានរយៈពេល៣ខែ ចាប់ពីថ្ងៃទី១ កញ្ញា ដល់ថ្ងៃទី២៩ វិច្ឆិកា
លើកលែងតែ៣ថ្ងៃ នៃពិធីបុណ្យភ្ជុំបិណ្ឌប៉ុណ្ណោះ៕
No comments:
Post a Comment