 |
| លោកនាយករដ្ឋមន្រ្តីហ៊ុន សែន ថ្លែងនៅក្នុងវេទិកាថ្នាក់ជាតិលើកទីមួយស្ដីអំពី«ការការពារ និងអភិរក្សធនធានធម្មជាតិ» នៅវិមានសន្តិភាព នៅថ្ងៃច័ន្ទ ទី២២ ខែសីហា ឆ្នាំ២០១៦ នារាជធានីភ្នំពេញ។ អង្គការសង្គមស៊ីវិល សកម្មជនបរិស្ថានរាប់សិបនាក់សម្ដែងការព្រួយបារម្ភអំពីបញ្ហាបរិស្ថាន នៅកម្ពុជា។ (ឡេង ឡែន/VOA) |
លោក ហ៊ុន សែន ប្រកាស ចង់ឈប់ កាន់អំណាច, តែ ថា មិនមាន អ្នកអាច កាន់តំណែង ជំនួសលោក
VOA | ២២ សីហា ២០១៦
លោកនាយករដ្ឋមន្រ្តី ហ៊ុន សែន នៅព្រឹកនេះ ប្រកាស ថា,
លោក នឹងចុះចេញ ពីអំណាច ប្រសិនជា មានអ្នកជំនួស តំណែង របស់លោក, ហើយ ថា, លោក បន្តកាន់អំណាច គឺ ដើម្បី សន្តិភាព របស់ កម្ពុជា។
ភ្នំពេញ —
លោកនាយករដ្ឋមន្រ្តីហ៊ុន សែន នៅព្រឹកនេះប្រកាសថា លោកនឹងចុះចេញពីអំណាច ប្រសិនជាមានអ្នកជំនួសតំណែងរបស់លោកហើយថា លោកបន្តកាន់អំណាចគឺដើម្បីសន្តិភាពរបស់កម្ពុជា។
នៅព្រឹកថ្ងៃច័ន្ទនេះ លោកហ៊ុន សែន បានរៀបចំវេទិកាស្តីពីការការពារបរិស្ថាន
និងអភិរក្សធនធានធម្មជាតិ ដោយលោកបានអញ្ជើញមន្រ្តីទូត អង្គការសង្គមស៊ីវិលជាតិ
និងអន្តរជាតិ សកម្មជនការពារបរិស្ថានរាប់រយនាក់ ក្នុងនោះមានទាំងសកម្មជនសង្ឃព្រះអង្គប៊ុត
ប៊ុនតិញ ដែលធ្វើការពាក់ព័ន្ធនឹងបរិស្ថាន និងកញ្ញាធី សុវណ្ណថា ដែលធ្លាប់រិះគន់លោកហ៊ុន
សែន មិនសំចៃមាត់។
លោកហ៊ុន សែន លើកឡើងថា លោកនឹងចុះចេញពីតំណែងភ្លាម
ប្រសិនជាការចុះចេញរបស់លោកអាចនាំសន្តិភាពដល់ប្រទេស។ លោកបន្ថែមថា លោកនឹងនៅបន្តកាន់អំណាចដើម្បីសុខសន្តិភាពរបស់ប្រទេស
ដោយមិនបោះបង់ចោលអំណាចដែលគេតែងរិះគន់ថា លោកកាន់អំណាចយូរនោះទេ។
លោកមានប្រសាសន៍ថា៖
«ករុណាខ្ញុំចង់ចេញស្អែកក៏បានដែរ
អត់បញ្ហា មិនបាច់ថា ដូរ មិនដូរទេ។ ប៉ុន្តែបញ្ហាស្ថិតនៅត្រង់អី After
Hun Sen (បន្ទាប់ពីហ៊ុន សែន)។ ក្រោយហ៊ុន សែន ជាអ្នកណា?
នេះជាបញ្ហាដែលត្រូវគិត។ បើសិនជាក្រោយហ៊ុន សែន វាស្រួល
អត់ទេ មួយអាទិត្យវាយកូនហ្គោល៥ដង ក៏គ្មានអ្នកណាទៅឈឺក្បាល។ ប៉ុន្តែត្រូវគិតឲ្យច្បាស់»។
លោកនាយករដ្ឋមន្រ្តីហ៊ុន សែន
ថ្លែងនៅក្នុងវេទិកាថ្នាក់ជាតិលើកទីមួយស្ដីអំពី«ការការពារ
និងអភិរក្សធនធានធម្មជាតិ» នៅវិមានសន្តិភាព នៅថ្ងៃច័ន្ទ ទី២២
ខែសីហា ឆ្នាំ២០១៦ រាជធានីភ្នំពេញ។
«ការរក្សាអំណាចដើម្បីសុវត្ថិភាពរបស់នគរ គឺជារឿងមួយ តែដណ្តើមអំណាចគឺវាជារឿងមួយទៀត។ អ្នកធ្វើគណបក្សនយោបាយធ្វើដើម្បីអី? និយាយឲ្យត្រង់ៗតែម្តងទៅ! ធ្វើដើម្បីសន្លឹកឆ្នោត ហើយពេលខ្ញុំករុណាចុះទៅដើរសួរសុខទុក្ខប្រជាពលរដ្ឋ គេថា ខ្ញុំចុះទៅរកសន្លឹកឆ្នោត។ សូមប្រកាសថា ខ្ញុំទៅរកសន្លឹកឆ្នោតនិយាយឲ្យច្បាស់អញ្ចឹងតែម្តងទៅ!»
លោកហ៊ុន សែន និយាយថា លោកធ្វើជារដ្ឋមន្រ្តីការបរទេសនៅអាយុ២៧ឆ្នាំ និងជានាយករដ្ឋមន្រ្តីនៅអាយុ៣២ឆ្នាំ។ លោកថា លោកក៏ជាឧត្តមសេនីយ៍ផ្កាយមាស៥ផងដែរ។ លោកចាត់ទុកថា ការកាន់កាប់អំណាចរបស់លោកគឺជាឯតទគ្គកម្មមួយដែលមិនមានអ្នកណាអាច បំបែកបាន។
អ្នកនាំពាក្យគណបក្សសង្គ្រោះជាតិគឺលោកយឹម សុវណ្ណ មានប្រសាសន៍ថា ដើម្បីឲ្យប្រទេសកម្ពុជាជឿនលឿន និងមានលទ្ធិប្រជាធិបតេយ្យពិតប្រាកដ លោកហ៊ុន សែនត្រូវមានការផ្តល់ឱកាសឲ្យអ្នកដទៃដឹកនាំប្រទេសជំនួស។ លោកថា លោកសង្ឃឹមទៅលើប្រជាពលរដ្ឋតាមរយៈការរៀបចំការបោះឆ្នោតឲ្យ យុត្តិធម៌។
រូបឯកសារ៖ លោក យឹម សុវណ្ណ
អ្នកនាំពាក្យគណបក្សសង្គ្រោះជាតិ និយាយទៅកាន់អ្នកសារព័ត៌មាន
នៅក្រៅទីស្នាក់ការកណ្ដាលគណបក្ស កាលពីល្ងាចថ្ងៃព្រហស្បតិ៍ ទី២៦ ខែឧសភា
ឆ្នាំ២០១៦។ (អូន ឆេងប៉រ/VOA)
«បើសិនជាយើងគិតថា ផ្តោតអារម្មណ៍ទៅលើតែមនុស្សម្នាក់ អាហ្នឹងគឺធ្វើឲ្យយើងមានការបារម្ភទៅវិញទេ។ ចំពោះខ្ញុំ ខ្ញុំយល់ឃើញថា នៅក្នុងប្រទេសកម្ពុជាមានថ្នាក់ដឹកនាំទាំងនៅក្នុងគណបក្សប្រជាជន កម្ពុជា គណបក្សនានាផ្សេងទៀត គណបក្សសង្គ្រោះជាតិគឺយើងអាចទៅចូលរួមចំណែកក្នុងការចូលជួយដឹកនាំ ប្រទេសបាន សំខាន់គឺឆន្ទៈរបស់ប្រជារាស្រ្ត។ កាលណាប្រជារាស្រ្តប្រគល់ក្តីសង្ឃឹម ប្រគល់ជំនឿទុកចិត្តបាន អាហ្នឹងគឺយើងអាចធ្វើដំណើរទៅបានហើយ»។
ចំណែកលោកមាស នី អ្នកវិភាគអំពីការអភិវឌ្ឍសង្គម យល់ថា ការថ្លែងរបស់លោកនាយករដ្ឋមន្រ្តី គឺបង្ហាញពីកម្សោយនៃការដឹកនាំរបស់គណបក្សកាន់អំណាច ដែលមិនមានធនធានមនុស្សក្នុងការដឹកនាំប្រទេស។ លោកបន្ថែមថា នៅកម្ពុជាមានមនុស្សវ័យក្មេងជាច្រើនដែលមានសមត្ថភាពខ្ពស់ក្នុង ការដឹកនាំប្រទេសបានប្រសើរជាងលោកហ៊ុន សែន។
លោកមានប្រសាសន៍ថា៖
«យើងបានខំបណ្តុះបណ្តាលធនធានមនុស្សរហូតដល់រាប់លាននាក់ ឬក៏រាប់សែននាក់ ដែលអាចស្នង ឬក៏បំពេញតួនាទីជានាយករដ្ឋមន្រ្តីបាន។ ខ្ញុំគិតថា ប្រទេសខ្មែរដែលដឹកនាំតាំងពីក្នុងប្រវត្តិសាស្រ្តមកដល់នេះ ក៏មិនមែនពឹងតែលើមនុស្សម្នាក់ ហើយមនុស្សម្នាក់ហ្នឹងក៏មិនមានអាយុ១០០ ឬ២០០ឆ្នាំដែរ តែងតែមានការផ្លាស់ប្តូរបាទ។ ហើយមកដល់សម័យនេះ ខ្ញុំគិតថា ក៏មានអ្នកដឹកនាំវ័យក្មេងៗជាច្រើនទៀត ដែលនឹងដឹកនាំប្រទេសខ្មែរយើងឲ្យជឿនលឿនជាងនេះទៅទៀត»។
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) កាលពីខែមករា ឆ្នាំ២០១៥ បានចេញរបាយការណ៍មួយកម្រាស់ជាង៧០ទំព័រដែលនិយាយពីការដឹកនាំរបស់ លោកហ៊ុន សែន ដោយបានចាត់ទុកការដឹកនាំ៣០ឆ្នាំរបស់លោកហ៊ុន សែនពោរពេញទៅដោយហិង្សា ការគាបសង្កត់ និងអំពើពុករលួយ។
របាយការណ៍ដដែលបន្ថែមថា លោកនាយករដ្ឋមន្រ្តីបានជាប់ពាក់ព័ន្ធនឹងការរំលោភសិទ្ធិមនុស្សយ៉ាង ធ្ងន់ធ្ងរ ការសម្លាប់ក្រៅប្រព័ន្ធតុលាការ ការធ្វើទារុណកម្ម ការប្រើប្រាស់ប្រព័ន្ធតុលាការដើម្បីគាបសង្កត់ និងការបំបិទសិទ្ធិសេរីភាពនៃការប្រមូលផ្តុំ ការបញ្ចេញមតិ និងការប្រើកម្លាំងដើម្បីគំរាមកំហែងជាដើម។
រូបភាព គម្រប របាយការណ៍ «ការក្តោបក្តាប់ តាមបែប ប្រទូសរ៉ាយ»
ឬនិយាយ ជាភាសា អង់គ្លេស ថា Hostile Takeover របស់អង្គការ Global Witness (screenshot from Global Witness)
កាលពីដើមខែកក្កដា
អង្គការ Global
Witness បានចេញរបាយការណ៍មួយហៅថា«ការក្ដោបក្ដាប់តាមបែបប្រទូសរ៉ាយ»។ របាយការណ៍នោះបង្ហាញពីទ្រព្យសម្បត្តិរបស់គ្រួសារលោកនាយក រដ្ឋមន្រ្តីហ៊ុន
សែន ដែលមានទឹកប្រាក់២០០លានដុលា្លរ។ របាយការណ៍នោះក៏បានរកឃើញថា
ក្រុមគ្រួសាររបស់លោកហ៊ុន សែន ទទួលបានផលប្រយោជន៍ពីក្រុមហ៊ុនចំនួន១១៤ នៅក្នុងស្ទើរគ្រប់វិស័យក្នុងប្រទេសកម្ពុជា
ដែលមានចាប់ពីវិស័យជីករ៉ែ វិស័យកសិកម្ម អគ្គិសនីរហូតដល់ប្រព័ន្ធផ្សព្វផ្សាយ
ហើយនឹងវិស័យកាត់ដេរ ព្រៃឈើ ព្រមទាំងវិស័យដឹកជញ្ជូនជាដើម។លោកហ៊ុន សែន ដែលត្រូវបានសារព័ត៌មានបរទេសហៅថា ជាបុរសខ្លាំង ត្រូវបានចោទប្រកាន់ថា កាន់អំណាចបានដោយសារការលួចបន្លំសន្លឹកឆ្នោត តែលោកបានច្រានចោលការចោទប្រកាន់នេះ៕
He will never step down. Dictators don't step down. They have to be brought down.
ReplyDeleteAh Kuk Hun Sen (Ah Yong Yuon) talked flip-flopped without knowing what he was thinking. Ah Kuk Hun Sen was or has been told and advised by his Yuon/Vietnamese wife (female pig), his Yuon/Vietnamese master-minded killers along with his Yuon/Vietnamese secret agents (as his advisors) about to say and talk behind the podium or microphones. Ah Kuk Hun Sen always opens his stinky mouth for his Yuon/Vietnamese masters in Hanoi pooping into and then talked like shitty. Ah Kuk does not know that the majority of Khmer people inside and outside Cambodia including the International Community and Human Rights Watch along the donors around the world who find ah Kuk Hun Sen (a Yuon/Vietnamese puppet or Ah Yong Yuon) very disgusted.
ReplyDelete