 |
| សមាជិកគណបក្សសង្គ្រោះជាតិ នៅទីក្រុងឡុងប៊ិច (Long Beach) រដ្ឋកាលីហ្វ័រញ៉ា ដែលរងការបណ្ដេញចេញ លោក យ៉ង់ ណុយ ហៅ Brady Young។ |
លោក ហ៊ុន សែន ស្នើ ឯកអគ្គរដ្ឋទូត អាមេរិក មានវិធានការ លើអ្នក ប្រមាថ ក្រុមគ្រួសារលោក
RFA / វិទ្យុ អាស៊ី សេរី | ២២ សីហា ២០១៦
លោកនាយករដ្ឋមន្ត្រី ហ៊ុន សែន ស្នើ ឯកអគ្គរដ្ឋទូត សហរដ្ឋ អាមេរិក ប្រចាំកម្ពុជា មានវិធានការ លើអ្នក ប្រមាថ ដល់ក្រុមគ្រួសារលោក នាពេលកន្លងទៅ។
នេះ ជាការថ្លែង របស់លោក ហ៊ុន សែន ក្នុងវេទិកា ស្ដីពី ការការពារ និងអភិរក្ស ធនធានធម្មជាតិ នៅវិមានសន្តិភាព នៅថ្ងៃ ទី២២ សីហា ដោយលោក ថា, លោក នឹងមិន អត់ឱន ដល់ជននោះឡើយ, ហើយ បើ ជននោះ នៅកម្ពុជា, លោក នឹងចាប់ខ្លួនភ្លាម។
ប៉ុន្តែ យ៉ាងណា ក៏ដោយ, ហ៊ុន សែន មិនបានថ្លែង ចំឈ្មោះ ថា ជននោះឡើយ, គ្រាន់តែ លោក បញ្ជាក់ ថាm ជននោះ បានមើលងាយ គ្រួសារលោក ដែលថា កូនប្រុសច្បង របស់លោក គឺ លោក ហ៊ុន ម៉ាណែត ជាកូន របស់ មេទ័ព វៀតណាម និងអ្នកស្រី ប៊ុន រ៉ានី។
នាពេលកន្លងទៅ អតីត សមាជិក គណបក្ស សង្គ្រោះជាតិ នៅសហរដ្ឋ អាមេរិក លោក យ៉ង់ ណុយ ហៅ Brady Young បានសរសេរ នៅលើទំព័រ ហ្វេសប៊ុក និយាយ ថា, កូនប្រុសច្បង របស់លោក នាយករដ្ឋមន្ត្រី ហ៊ុន សែន លោក ហ៊ុន ម៉ាណែត គឺ ជាកូនប្រុស របស់ អ្នកនយោបាយ វៀតណាម ឈ្មោះ ឡេ ឌឹក ថូ (Le Duc Tho) ជាមួយ អ្នកស្រី ប៊ុន រ៉ានី និងលោក បានបង្ហោះ វីដេអូឃ្លិប ជាបន្តបន្ទាប់ ទាមទារ ឲ្យលោក ហ៊ុន សែន ពិនិត្យ DNA ជាមួយលោក ហ៊ុន ម៉ាណែត ទៀតផង។
ប៉ុន្តែ ក្រោយមក គណបក្ស សង្គ្រោះជាតិ ក៏សម្រេច បញ្ចប់សមាជិកភាព របស់លោក យ៉ង់ ណុយ ពីគណបក្ស របស់ខ្លួន បន្ទាប់លោក ហ៊ុន សែន ខឹងសម្បារ យ៉ាងខ្លាំង ចំពោះ ជននេះ ព្រមទាំង ព្រមាន ថា, បើ នរណា មិនឲ្យគ្រួសារលោក បានសុខ, លោក ក៏មិន ឲ្យអ្នកនោះ បានសុខ ដូចគ្នា។
No comments:
Post a Comment