 |
| អត្តសញ្ញាណប័ណ្ណសញ្ជាតិខ្មែរ។ RFA |
អាជ្ញាធរ ស្រុកកោះធំ រកឃើញ អត្តសញ្ញាណប័ណ្ណ មិនប្រក្រតី ជិត៥០ប័ណ្ណ
RFA / វិទ្យុ អាស៊ី សេរី | ៧ កញ្ញា ២០១៦
អាជ្ញាធរ ស្រុកកោះធំ រកឃើញ អត្តសញ្ញាណប័ណ្ណ ខ្មែរ គំរូថ្មី
ដែលមានភាព មិនប្រក្រតី ជិត៥០សន្លឹក ដែលសង្ស័យ ថា, ម្ចាស់ អត្តសញ្ញាណប័ណ្ណនេះ
មិនមាន សញ្ជាតិខ្មែរ ពិតប្រាកដ។
ច្បាប់កម្ពុជា ពុំបាន អនុញ្ញាត ឲ្យជនអន្តោប្រវេសន៍
មានសិទ្ធិ កាន់អត្តសញ្ញាណប័ណ្ណ សញ្ជាតិខ្មែរឡើយ
ល្គិកណា ជនអន្តោប្រវេសន៍ រូបនោះ ទទួលបានសិទ្ធិ រស់នៅកម្ពុជា ស្របច្បាប់
តាមរយៈ សញ្ជាតូបនីយកម្ម ដែលចេញ ដោយព្រះរាជក្រឹត្យ
និងស្នើ ដោយអនុក្រឹត្យ របស់ រដ្ឋាភិបាល។
លោកបន្តថា អត្តសញ្ញាណប័ណ្ណដែលសង្ស័យនេះ
លោកបានប្រមូលមកពីឃុំចំនួន៣ ក្នុងស្រុកកោះធំ នៃខេត្តកណ្ដាល
គឺឃុំសំពៅពូន ឃុំព្រែកជ្រៃ និងឃុំពោធិ៍បាន
គឺធ្វើឡើងបន្ទាប់ពីលោកទទួលបានពាក្យបណ្ដឹងលើទំព័រហ្វេសប៊ុក (Facebook) ពីការយឺតយ៉ាវនៃការទទួលអត្តសញ្ញាណប័ណ្ណនេះ។
ក្រោយទទួលបណ្ដឹង លោកក៏ពិនិត្យឈ្មោះភ្លាម ដោយឃើញថា
ប័ណ្ណទាំងអស់នេះ លោកបានប្រគល់ទៅប៉ុស្តិ៍ឃុំអស់ហើយ
តែមន្ត្រីប៉ុស្តិ៍ស្ទាក់ស្ទើរប្រគល់ទៅម្ចាស់ប័ណ្ណ ហើយលោកចុះស្រាវជ្រាវទៅ
ក៏សង្ស័យថា មិនមែនជាជនជាតិខ្មែរ។ ប៉ុន្តែលោកមិនបញ្ជាក់ថា
ម្ចាស់ប័ណ្ណទាំងនោះជា ជនជាតិអ្វីនោះទេ។
អាស៊ីសេរីមិនអាចទាក់ទងស្នងការខេត្តកណ្ដាលលោក អ៊ាវ
ចំរើន ដើម្បីឆ្លើយបំភ្លឺពីបញ្ហានេះបានទេ នៅថ្ងៃទី៧ កញ្ញា។
យោងតាមច្បាប់សញ្ជាតិខ្មែរ ចែងថា
រាល់ជនអន្តោប្រវេសន៍រស់នៅកម្ពុជា
ដែលមានសិទ្ធិកាន់អត្តសញ្ញាណប័ណ្ណខ្មែរបាន
លុះត្រាតែមានលិខិតបញ្ជាក់ផ្លូវការ ថាជាជនអន្តោប្រវេសន៍ស្របច្បាប់
តាមរយៈសញ្ជាតូបនីយកម្ម ដែលចេញដោយព្រះរាជក្រឹត្យ និងស្នើដោយអនុក្រឹត្យរបស់រដ្ឋាភិបាលជាដើម។
ចំពោះសញ្ជាតូបនីយកម្មនេះ គឺជនអន្តោប្រវេសន៍នោះ
ត្រូវមានលិខិតបញ្ជាក់ពីអាជ្ញាធរឃុំ ឬចៅសង្កាត់ថា មានគំនិតមារយាទ
និងសីលធម៌ល្អ ពុំធ្លាប់មានទោសបទព្រហ្មទណ្ឌណាមួយ មានលិខិតបញ្ជាក់ថា
បានស្នាក់នៅកម្ពុជាជាប់ចំនួន ៧ឆ្នាំ
ដោយគិតពីថ្ងៃដែលបានទទួលប័ណ្ណស្នាក់នៅដែលចេញឲ្យក្នុងក្របខ័ណ្ឌ
នៃច្បាប់ស្ដីពីអន្តោប្រវេសន៍ ចេះនិយាយ ឬចេះអក្សរខ្មែរ
និងយល់ដឹងប្រវត្តិសាស្ត្រខ្មែរខ្លះៗ រួមនឹងមានបញ្ញា
និងកាយសម្បទាដែលមិននាំឲ្យមានគ្រោះថ្នាក់ ឬនាំឲ្យមានបន្ទុកដល់ជាតិជាដើម។
កាលពីថ្ងៃទី១៩ សីហា
ក្រសួងមហាផ្ទៃបានបង្ហាញពីតួលេខជនអន្តោប្រវេសន៍រស់នៅកម្ពុជា
មានជាង១៦ម៉ឺននាក់ ក្នុងនោះជនអន្តោប្រវេសន៍វៀតណាមជាង៩៥ភាគរយ
ឬស្មើនឹងប្រមាណ ១៦ម៉ឺននាក់ ខណៈជនអន្តរប្រវេសន៍វៀតណាមរស់នៅស្របច្បាប់ក្នុងប្រទេសកម្ពុជា
មានជាង៣ម៉ឺននាក់។
បន្ថែមពីនេះដែរ ក្រសួងបញ្ជាក់ថា
រាល់ជនអន្តោប្រវេសន៍ដែលកាន់អត្តសញ្ញាណប័ណ្ណសញ្ជាតិខ្មែរទាំងអស់
គឺក្រសួងនឹងបដិសេធចោលទាំងស្រុង
រួមនឹងលិខិតរដ្ឋបាលនានាដែលពួកគេកាន់ពីតាំងពីជំនាន់មុនៗក្ដី។
ប៉ុន្តែក្រសួងទុកលទ្ធភាពឲ្យពួកគេ
បំពេញបែបបទសុំធ្វើជាជនអន្តោប្រវេសន៍ជាថ្មី
ឬដាក់ពាក្យសុំសញ្ជាតិខ្មែរតាមច្បាប់កំណត់ដោយស្ម័គ្រចិត្ត។
មាត្រា១៩ នៃច្បាប់សញ្ជាតិខ្មែរចែងថា
មានតែប្រជាពលរដ្ឋខ្មែរទេទើបមានសិទ្ធិទទួល និងកាន់កាប់អត្តសញ្ញាណប័ណ្ណសញ្ជាតិខ្មែរ
និងលិខិតឆ្លងដែននៃព្រះរាជាណាចក្រកម្ពុជា។
មាត្រា២០ នៃច្បាប់ដដែល ចែងថា
ជនបរទេសណាដែលកាន់កាប់ និងប្រើប្រាស់អត្តសញ្ញាណប័ណ្ណសញ្ជាតិខ្មែរ
និងលិខិតឆ្លងដែននៃព្រះរាជាណាចក្រកម្ពុជាខុសច្បាប់ ត្រូវផ្ដន្ទាទោសដាក់ពន្ធនាគារពី
៥ឆ្នាំដល់ ១០ឆ្នាំ៕
No comments:
Post a Comment