 |
| អ្នកនាំពាក្យរដ្ឋសភា លោក ឡេង ប៉េងឡុង (ឆ្វេង) ថ្លែងក្រោយកិច្ចប្រជុំគណៈកម្មាធិការអចិន្ត្រៃយ៍រដ្ឋសភា កាលពីថ្ងៃទី២៨ ខែកញ្ញា ឆ្នាំ២០១៦។ RFA/Rann Samnang |
រដ្ឋសភា ច្រានចោល សំណើ លើកអភ័យឯកសិទ្ធិ តំណាងរាស្ត្រ គណបក្ស ប្រឆាំង ២រូប
RFA / វិទ្យុ អាស៊ី សេរី | ២៨ កញ្ញា ២០១៦
គណៈកម្មាធិការ អចិន្ត្រៃយ៍ រដ្ឋសភា សម្រេច ច្រានចោល សំណើ របស់ ក្រសួងយុត្តិធម៌ ដែលស្នើ លើកអភ័យឯកសិទ្ធិ តំណាងរាស្ត្រ របស់ គណបក្សសង្គ្រោះជាតិ ២រូប, គឺ លោក តុ វ៉ាន់ចាន់ និងលោក ពិន រតនា។
អគ្គលេខាធិការ រដ្ឋសភា និងជាអ្នកនាំពាក្យ លោក ឡេង ប៉េងឡុង ថ្លែងក្រោយ កិច្ចប្រជុំ គណៈកម្មាធិការ អចិន្ត្រៃយ៍ រដ្ឋសភា នៅថ្ងៃ ទី២៨ កញ្ញា ថា, គណៈកម្មាធិការ អចិន្ត្រៃយ៍រក មិនឃើញ ការពាក់ព័ន្ធ របស់ តំណាងរាស្ត្រ ទាំងពីរ រូបនោះ លើសំណុំរឿង ពាក់ព័ន្ធ នឹងប្រធាន ស្ដីទី គណបក្ស សង្គ្រោះជាតិ លោក កឹម សុខា ដូចនឹងការស្នើ របស់ ក្រសួងយុត្តិធម៌ ឡើយ។
កាលពីថ្ងៃទី៣០ ខែមិថុនា រដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍានា បានស្នើប្រធានរដ្ឋសភាលោក ហេង សំរិន អោយដកអភ័យឯកសិទ្ធិសភាតំណាងរាស្ត្រពីររូប គឺលោក តុ វ៉ាន់ចាន់ និងលោក ពិន រតនា។
សំណើនោះជាការឆ្លើយតបចំពោះលិខិតរបស់អយ្យការអមសាលាដំបូងរាជធានីភ្នំពេញ ដែលថា អ្នកតំណាងរាស្ត្រទាំង ២រូបកំពុងជាប់សង្ស័យក្នុងបទល្មើសព្រហ្មទណ្ឌ តាមមាត្រា២៨៤ នៃក្រមព្រហ្មទណ្ឌ។
តំណាងរាស្ត្រទាំង២រូបនេះ ត្រូវតុលាការក្រុងភ្នំពេញ កោះហៅកាលពីថ្ងៃទី១៦ ខែឧសភា ឲ្យចូលបំភ្លឺក្នុងសំណុំរឿងសញ្ចារកម្ម ពាក់ព័ន្ធរឿងអាស្រូវស្នេហារវាងលោក កឹម សុខា និងអ្នកនាង ខុម ចាន់តារាទី ហៅស្រីមុំ។
No comments:
Post a Comment