 |
| សមាជិកព្រឹទ្ធសភាគណបក្ស សម រង្ស៊ី អ្នកស្រី ថាក់ ឡានី។ |
ព្រឹទ្ធសភា សម្រេចដក អភ័យឯកសិទ្ធិ អ្នកស្រី ថាក់ ឡានី ខណៈ បក្សប្រឆាំង ពហិការ
RFA / វិទ្យុ អាស៊ី សេរី | ១ កញ្ញា ២០១៦
សមាជិក ព្រឹទ្ធសភា ពីខាង គណបក្ស កាន់អំណាច សម្រេច លើក អភ័យឯកសិទ្ធិ អ្នកស្រី ថាក់ ឡានី ដែលជាសមាជិក ព្រឹទ្ធសភា គណបក្ស សម រង្ស៊ី ជាឯកច្ឆន្ទ ខណៈ សមាជិក ព្រឹទ្ធសភា ពីខាង គណបក្ស ប្រឆាំង ពហិការ មិនចូលរួម ប្រជុំសភា ពេញអង្គ នៅថ្ងៃ ទី១ កញ្ញា នេះទេ។
ការសម្រេច លើកអភ័យឯកសិទ្ធិ អ្នកស្រី ថាក់ ឡានី ធ្វើឡើង ដោយសំឡេង យល់ព្រម ៤៦ លើ៤៦ សំឡេង នៃសមាជិក ព្រឹទ្ធសភា ពីខាង គណបក្ស ប្រជាជន កម្ពុជា។
អ្នកស្រី ថាក់ ឡានី ត្រូវ លោក នាយករដ្ឋមន្ត្រី ហ៊ុន សែន បានប្ដឹងកាលពីដើមខែសីហា ទាក់ទងនឹងការចោទថារូបលោក ជាអ្នកនៅពីក្រោយខ្នងនៃឃាតកម្មលើបណ្ឌិត កែម ឡី កាលពីថ្ងៃទី ១០ កក្កដា។ លោកប្ដឹងសុំឱ្យតុលាការផ្ដន្ទាទោសអ្នកស្រី ថាក់ ឡានី តាមផ្លូវច្បាប់ និងទាមទារសំណងជំងឺចិត្ត១០០រៀល (១ រយ រៀល)។
No comments:
Post a Comment