 |
| សមត្ថកិច្ចបង្ហាញជនសង្ស័យគប់គ្រាប់បែកនៅបឹងកេងកង៣ ចំនួន៨នាក់ នាអគ្គស្នងការនគរបាលជាតិ នៅថ្ងៃទី២៣ ខែកញ្ញា ឆ្នាំ២០១៦។ RFA/Brach Chev |
មនុស្ស ៨នាក់, ក្នុងនោះ វៀតណាម ៣នាក់, ត្រូវ ចាប់ខ្លួន រឿងបោក គ្រាប់បែក កណ្ដាលក្រុង ភ្នំពេញ
RFA / វិទ្យុ អាស៊ី សេរី | ២៣ កញ្ញា ២០១៦
ករណី បោកគ្រាប់បែក កណ្ដាលក្រុង ភ្នំពេញ កាលពីជាង ពីរសប្ដាហ៍មុន
ត្រូវ សមត្ថកិច្ចជំនាញ អះអាង ថា ជាករណី គំនុំបុគ្គល។ ក្នុងសន្និសីទសារព័ត៌មាន
ថ្ងៃទី២៣ ខែកញ្ញា ប្រធាន ក្រុមស៊ើបអង្កេត ការងារនេះ
និងជាស្នងកា រនគរបាល រាជធានីភ្នំពេញ លោក ជួន សុវណ្ណ បានបង្ហាញ ថា
មានជនសង្ស័យ ៨នាក់ ក្នុងនោះ មានជនជា តិវៀតណាម ៣នាក់
ដែលជាប់ ពាក់ព័ន្ធ រឿងនេះ។
ក្រៅពីមុខសញ្ញាទាំង៨នាក់ដែលត្រូវបង្ហាញនៅ ពេលនេះ សមត្ថកិច្ច ថា
នៅមានមុខសញ្ញា មួយចំនួនទៀត ដែលជាអ្នកជាលក់អាវុធ
មិនទាន់ចាប់ខ្លួនបាននៅឡើយ។ ប្រតិបត្តិការដែលប្រើរយៈពេល១៤ ថ្ងៃ
រាប់ពីថ្ងៃកើតហេតុ មកដល់ថ្ងៃទី២៣ ខែកញ្ញា លោក ជួន សុវណ្ណ
អះអាងពីជោគជ័យនៃការបំបែកសំណុំរឿងនេះ។
ស្នងការរាជធានីភ្នំពេញ លោក ជួន សុវណ្ណ ថ្លែងថា
ជនសង្ស័យប៉ុនប៉ងធ្វើឃាតជនរងគ្រោះចំនួនពីរដងរួចមកហើយ ដោយលើកទី១
ជួលឃាតកជាជនជាតិវៀតណាម ប្រើកាំភ្លើងខ្លីបាញ់សម្លាប់ ប៉ុន្តែមិនបានសម្រេច។
លោកថា លើកទី២ មេខ្លោង បានជួលឃាតក
ទៅបោកគ្រាប់បែកនៅមុខផ្ទះជនរងគ្រោះតែម្ដង កាលយប់ទី៦ ខែកញ្ញា កន្លងទៅ
ដែលបានបណ្ដាលឲ្យមនុស្ស៤នាក់រងរបួស៖ «ខ្ញុំ សុំបញ្ជាក់ថា
ករណីនេះគឺបានរៀបចំឡើងពីរលើក បានសេចក្ដីថា
ករណីទី១មេខ្លោងជួលឃាតកប៉ុនប៉ងធ្វើឃាត អញ្ចឹងបន្តមកទៀតមេខ្លោងរូបនេះ
មិនទាន់បាត់ការប៉ុនប៉ងទេ»។
អនុប្រធាននាយកដ្ឋាននគរបាលព្រហ្មទណ្ឌនៃ ក្រសួងមហាផ្ទៃ លោក ង៉េង ជួ
បញ្ជាក់បន្ថែមថាមេខ្លោងរឿងនេះ ឈ្មោះ សុខ គីមលី ភេទស្រីអាយុ៤១ឆ្នាំ
ជាជនជាតិខ្មែរ។ លោកថា មេខ្លោងបានទាក់ទងជនជាតិវៀតណាម ឈ្មោះ ចាំង ធីវ៉េ
ភេទស្រី ឈ្មោះ ឡេ យាំងយ៉ុង ភេទប្រុស ទៅជួលឃាតកឈ្មោះ នី ស័រប៉ិញ
ជាជនជាតិវៀតណាមដូចគ្នា ឲ្យទៅបាញ់សម្លាប់ជនរងគ្រោះ ប៉ុន្តែមិនបានសម្រេចទេ។
ករណីនេះជនសង្ស័យប្រើប្រាស់អាវុធខ្លី។
ជនសង្ស័យគប់គ្រាប់
បែកនៅបឹងកេងកង៣ ចំនួន៨នាក់ និងវត្ថុតាងនានា
ត្រូវបានសមត្ថកិច្ចបង្ហាញមុខ នាអគ្គស្នងការនគរបាលជាតិ នៅថ្ងៃទី២៣
ខែកញ្ញា ឆ្នាំ២០១៦។ RFA/Cheu Sideth
ក្នុងសន្និសីទសារព័ត៌មាននោះ លោក ជួន សុវណ្ណ បដិសេធមិនបង្ហាញអត្តសញ្ញាណជនរងគ្រោះទេ ដោយគ្រាន់តែប្រាប់ថា ជាអ្នកលក់ដូរ ។ ជាងនេះទៅទៀត ករណីគំនុំនោះ លោក ក៏មិនបញ្ជាក់ថា ជាគំនុំរឿងអ្វីដែរ៖ «ខ្ញុំគិតថា ករណីលោកសួរជាសិទ្ធិរបស់ឯកជនដែលមិនត្រូវបានបង្ហាញទេ ដូច្នេះករណីទាំងពីរនេះ ខ្ញុំគ្រាន់តែប្រាប់ថា ជារឿងគំនុំបុគ្គល»។
ក្រៅតែពីមនុស្ស៨នាក់ដែលជាប់ពាក់ព័ន្ធរឿង នេះ សមត្ថកិច្ចក៏បង្ហាញវត្ថុតាងរបស់ជនសង្ស័យ ដែលប្រើប្រាស់ក្នុងសកម្មភាពនោះរួមមាន៖ ម៉ូតូបីគ្រឿង កាំភ្លើងខ្លីមួយដើម មានគ្រាប់ ៧គ្រាប់ ទូរស័ព្ទ៤គ្រឿង និងឯកសារចំនួនទៀត។ ករណីទី១ សមត្ថកិច្ចបញ្ជូនទៅតុលាការ ពីករណីប៉ុនប៉ងមនុស្សឃាតដោយបាញ់សម្លាប់ សំណុំរឿងទី២ ជាករណីមនុស្សឃាតពិតទុកជាមុន។
ករណីបំផ្ទុះគ្រាប់បែកនេះបានកើតឡើងកាលពីយប់ទី ៦ កញ្ញា នៅលើកំណាត់ផ្លូវលេខ១៦៣ ក្នុងសង្កាត់បឹងកេងកង៣ ខណ្ឌចំការមន និងបណ្ដាលឲ្យមនុស្សចំនួន ៤នាក់រងរបួស និងរថយន្ត ៣គ្រឿងរងការខូចខាត។ ក្រោយករណីនេះកើតឡើង ធ្វើឲ្យពលរដ្ឋមួយចំនួនព្រួយបារម្ភពីរឿងសន្តិសុខសង្គម។
ទាក់ទងរឿងនេះ ស្នងការនគរបាលរាជធានីភ្នំពេញ លោក ជួន សុវណ្ណ ពន្យល់ថា ភូមិសាស្ត្រទីក្រុងភ្នំពេញ បើធៀបទៅនឹងចំនួនកងកម្លាំងនគរបាល មិនអាចធានាការពារមិនឲ្យករណីល្មើសកើតឡើងនោះទេ។ ជនសង្ស័យទាំង៨នាក់ ត្រូវបានសមត្ថកិច្ចបញ្ជូន ទៅសាលាដំបូងរាជធានីភ្នំពេញភ្លាមៗ ពេលចប់សន្និសីទកាសែត។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា ឲ្យដឹងតាមរយៈបណ្ដាញទំនាក់ទំនងតេឡេក្រាម (Telegram) ថា ព្រះរាជអាជ្ញារង លោក ហ៊ឺង ប៊ុនថន ដែលជាអ្នកកាន់សំណុំរឿងនេះ កំពុងពិនិត្យឯកសារសំណុំរឿងនិងសួរចម្លើយជនសង្ស័យ។
លោកបន្តថា ព្រះរាជអាជ្ញា នឹងបន្តសួរចម្លើយជនសង្ស័យនៅថ្ងៃទី២៤ ខែកញ្ញា បន្តទៀត ដោយរក្សាទុកជនសង្ស័យទាំងចំនួន៥នាក់ នៅនាយកដ្ឋាននគរបាលព្រហ្មទណ្ឌ។ ដោយឡែក ជនជាតិវៀតណាម ទាំងបីរូបត្រូវសម្រេចចោទប្រកាន់ពីបទ ប៉ុនប៉ងឃាតកម្ម ហើយចៅក្រមសម្រេចឃុំខ្លួនរួចហើយ៕
No comments:
Post a Comment