[Background / related]
How Vietnam "foil plots" (democratic elections) to keep its CPP puppet in power in its destruction of Cambodia
...
 |
| លោក ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ផ្ដល់បទសម្ភាសន៍ដល់អ្នកសារព័ត៌មាន នាអាកាសយានដ្ឋានអន្តរជាតិភ្នំពេញ នៅថ្ងៃទី២៨ ខែតុលា ឆ្នាំ២០១៥។ |
មេដឹកនាំ យោធា ជាន់ខ្ពស់ ប្រកាសជំហរ ទប់ស្កាត់ អ្នកចង់ផ្ដួលរំលំ រដ្ឋាភិបាល លោក ហ៊ុន សែន
RFA / វិទ្យុ អាស៊ី សេរី | ៣ កញ្ញា ២០១៦
មន្ត្រី យោធា ជាន់ខ្ពស់ មួយចំនួន ដែលស្ថិតក្នុង ក្របខ័ណ្ ក្រសួង ការពារជាតិ
និងកងយោធពល ខេមរភូមិន្ទ
បានប្ដេជ្ញា ដាច់ខាត ការពារ ក្រុមគ្រួសារ លោកនាយករដ្ឋមន្ត្រី ពីការប៉ុនប៉ង ណាមួយ ដែលចង់ទម្លាក់ លោក
ហ៊ុន សែន ចេញពីមុខតំណែង។ ការប្រកាស ជារឿយៗ បែបនេះ
ត្រូវ បានអ្នកវិភាគ នយោបាយ យល់ឃើញ ថា,
នេះ ជាសញ្ញា នៃការ គំរាមកំហែង ស្មារតី ពលរដ្ឋ និងជាវប្បធម៌ «ឯង ជួយអញ,
អញ ជួយឯង»។
ការបោះឆ្នោតជ្រើសរើសសមាជិកក្រុមប្រឹក្សាឃុំ សង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨ មិនទាន់ទាំងបានចាប់ផ្ដើមនៅឡើយផង ប្រមុខដឹកនាំយោធាគ្រាក់ៗ បានប្រកាសយ៉ាងឧឡារិកហើយថា កងកម្លាំងប្រដាប់អាវុធទាំងអស់បានត្រៀមរួចជាស្រេចហើយ ក្នុងការទប់ស្កាត់ជនណាមួយ ឬក្រុមបក្សនយោបាយណាមួយដែលចង់ផ្ដួលរំលំរដ្ឋាភិបាលដែលដឹកនាំដោយលោក ហ៊ុន សែន។
សារព្រមានបែបនេះគេតែងសង្កេតឃើញផ្សព្វផ្សាយជាហូរហែ
នៅលើបណ្ដាញសង្គមហ្វេសប៊ុក (Facebook)
ក្នុងដំណាក់កាលចុងក្រោយនេះ។ នៅចុងខែសីហា កន្លងទៅថ្មីៗនេះ
អគ្គមេបញ្ជាការរងកងយោធពលខេមរភូមិន្ទ លោក គន់ គីម បានប្រកាសថា
កងកម្លាំងប្រដាប់អាវុធទាំងអស់
គឺត្រូវតែមានអព្យាក្រឹតភាពចំពោះរដ្ឋាភិបាល។ ក្នុងន័យនេះលោក គន់ គីម
ថ្លែងថា រាជរដ្ឋាភិបាលគឺសំដៅដល់ការការពារលោកនាយករដ្ឋមន្ត្រី ហ៊ុន សែន។
ដោយឡែកឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ លោក ទៀ
បាញ់ វិញ បានប្ដេជ្ញាជាញឹកញាប់ហើយថា
គឺត្រូវតែការពារក្រុមគ្រួសាររបស់លោក ហ៊ុន សែន។ បន្ថែមពីនេះ
សារព្រមានចុងក្រោយរបស់លោក ទៀ បាញ់ ដែលបានផ្សព្វផ្សាយនៅលើបណ្ដាញសង្គមហ្វេសប៊ុក
របស់លោកដោយផ្ទាល់កាលពីព្រឹកថ្ងៃទី៣ ខែកញ្ញា សរសេរថា
កងកម្លាំងប្រដាប់អាវុធទាំងអស់ត្រូវតែត្រៀមខ្លួនឲ្យបានល្អ
ដើម្បីអនុវត្តបទបញ្ជាថ្នាក់លើក្នុងការការពារ
និងទប់ស្កាត់រាល់ការប៉ុនប៉ងផ្ដួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោតនេះ។
អ្នកវិភាគបញ្ហាសង្គមយល់ឃើញថា នៅក្នុងសង្គមប្រជាធិបតេយ្យ
ការបោះឆ្នោតគឺសំដៅដល់ការផ្លាស់ប្ដូរតាមរយៈសន្លឹកឆ្នោត។
មេដឹកនាំបក្សនយោបាយណាមួយដែលលែងមានការគាំទ្រពីម្ចាស់ឆ្នោតហើយ
គឺគណបក្សនយោបាយផ្សេងដែលឈ្នះជាអ្នកឡើងមកគ្រប់គ្រងវិញម្តង។
ក៏ប៉ុន្តែចរន្តនយោបាយនៅកម្ពុជា អ្នកវិភាគសង្កេតឃើញថា
ហាក់ផ្ទុយពីនេះវិញ។ ក្រុមមេដឹកនាំធំៗ
និងមន្ត្រីយោធាជាន់ខ្ពស់ដែលនៅកៀកនឹងលោក ហ៊ុន សែន
តែងបញ្ចេញសារនយោបាយគំរាមទុកជាមុន ហាក់មិនចង់ឲ្យមានការផ្លាស់ប្ដូរតាមរយៈសន្លឹកឆ្នោតនេះតែម្ដង។
អ្នកវិភាគនយោបាយ និងគណបក្សប្រឆាំងវិញយល់ឃើញថា
បើទោះជាក្រុមប្រមុខដឹកនាំយោធាប្ដេជ្ញាការពារក្នុងក្របខ័ណ្ឌច្បាប់ថា
នឹងនៅតែស្មោះស្ម័គ្ររដ្ឋាភិបាលក៏ដោយចុះ នេះបានបង្ហាញរួចទៅហើយថា
មន្ត្រីជាន់ខ្ពស់យោធាទាំងនោះ នឹងមិនប្រគល់អំណាចឲ្យបក្សនយោបាយដទៃ
តាមរយៈការបោះឆ្នោតនេះក្រៅពីគណបក្សប្រជាជនកម្ពុជា ឡើយ។
លោក គឹម សុខ អ្នកតាមដាននយោបាយ និងជាអ្នកវិភាគសង្គមចាត់ទុកថា
សារនយោបាយរបស់ក្រុមប្រមុខដឹកនាំយោធានេះ បើទោះជាមិនបង្ហាញថា
ប្រើអំណាចក៏ដោយចុះ តាមរយៈការអំពាវនាវដល់កងទ័ពបានបញ្ជាក់រួចហើយថា
ក្រុមមេដឹកនាំយោធាទាំងនោះ
មិនចង់ឲ្យអំណាចត្រូវបាត់បង់ទៅបក្សផ្សេងតាមរយៈការបោះឆ្នោតទេ។
ម្យ៉ាងវិញទៀត នេះជាសញ្ញានៃការគំរាមកំហែងផ្នែកស្មារតីមុនរួចទៅហើយថា
បើសិនសន្លឹកឆ្នោតមានការប្រែប្រួលមែន
រដ្ឋប្រហារដោយយោធាប្រាកដណាស់នឹងកើតឡើង។
ប្រទេសកម្ពុជា ពីមួយជំនាន់ទៅមួយជំនាន់
កម្រឃើញការផ្លាស់ប្ដូររបបដែលធ្វើឡើងតាមរយៈសន្លឹកឆ្នោតផ្ដើមចេញពីឆន្ទៈពលរដ្ឋណាស់។
របបលោកសេនាប្រមុខ លន់ នល់
ដួលរលំតាមរយៈសង្គ្រាមជាមួយក្រុមយោធាខ្មែរក្រហម។
របបខ្មែរក្រហមត្រូវរលត់រលាយក្រោមស្នាដៃរបស់កងទ័ពរណសិរ្សសង្គ្រោះជាតិកម្ពុជា។
បើទោះជាបែបណា លោក អេង ឆៃអ៊ាង
មន្ត្រីជាន់ខ្ពស់គណបក្សប្រឆាំងយល់ឃើញថា វាមិនប្រាកដថា
ទឹកចិត្តយោធានៅថ្នាក់ក្រោម
អាចធ្វើសេចក្ដីសម្រេចដូចការប្រកាសរបស់ប្រមុខដឹកនាំយោធានេះឡើយ។
លោកជឿថា មានកងទ័ពច្រើនណាស់ដែលមានភក្ដីភាពចំពោះជាតិមាតុភូមិ៖ «»។
ជុំវិញរឿងនេះដែរ កាលពីថ្ងៃទី៧ ខែកក្កដា គណបក្សប្រជាជនកម្ពុជា
បានចេញសេចក្ដីសម្រេចមួយ
គឺបង្កើតក្រុមអ្នកច្បាប់ដើម្បីតាមដានរាល់បញ្ហាដែលផ្ទុះឡើងចេញពីការបោះឆ្នោត។
សេចក្ដីសម្រេចដែលកែសម្រួលសមាសភាពគណៈកម្មការច្បាប់
និងនីតិវិធីនៃគណៈបញ្ជាការយុទ្ធនាការបោះឆ្នោតរបស់គណៈកម្មាធិការកណ្ដាលបក្សប្រជាជននេះ
គឺមានក្រុមការងាររហូតដល់ ២៦រូប ក្នុងនោះមានលោក ស ខេង ជាប្រធាន លោក ឯក
សំអុល អតីតប្រធានក្រុមប្រឹក្សាធម្មនុញ្ញ ព្រមទាំងលោក អ៊ឹម សួស្ដី អតីតប្រធាន
គ.ជ.ប ជាដើម។
សេចក្ដីសម្រេចដែលចុះហត្ថលេខាដោយលោក ហ៊ុន សែន នេះ គឺតម្រូវឲ្យគណៈកម្មការនេះ
ត្រូវតាមដានគ្រប់ជំហាននៃដំណើរការបោះឆ្នោត
និងត្រៀមឯកសារពាក់ព័ន្ធដើម្បីការពាររាល់ការចោទប្រកាន់មកលើគណបក្សប្រជាជនកម្ពុជា
និងសម្រាប់ការប្ដឹងតវ៉ា និងជំទាស់ផ្សេងៗវិញផង។ ជុំវិញរឿងនេះ
អ្នកវិភាគនយោបាយយល់ឃើញថា ការត្រៀមទុកបែបនេះ
ប្រហែលជាគណបក្សប្រជាជនកម្ពុជា បានដឹងរួចជាស្រេចហើយថា
លែងទទួលបានគាំទ្រដូចអាណត្តិមុនៗទៀត៕
Tea Banh looks like a beast.
ReplyDelete