 |
| ប្រធានគណបក្សសង្គ្រោះជាតិ លោក សម រង្ស៊ី ផ្ដល់បទសម្ភាសន៍ដល់អាស៊ីសេរី នាការិយាល័យនៅរដ្ឋធានីវ៉ាស៊ីនតោន សហរដ្ឋអាមេរិក កាលពីថ្ងៃទី៧ ខែតុលា ឆ្នាំ២០១៦។ RFA |
សំណុំរឿង លោក សម រង្ស៊ី និងជំនួយការ ពីរនាក់ ត្រូវ តុលាការ ពន្យារពេល ជំនុំជម្រះ
RFA / វិទ្យុ អាស៊ី សេរី | ២៤ វិច្ឆិកា ២០១៦
ចៅក្រម សាលាដំបូង រាជធានីភ្នំពេញ នៅថ្ងៃ ទី២៥ វិច្ឆិកា សម្រេច លើកពេល សវនាការ ជំនុំជម្រះ ករណី ប្រធាន គណបក្សប្រឆាំង លោក សម រង្ស៊ី និងអ្នក កាន់ទំព័រ ហ្វេសប៊ុក (Facebook) របស់លោក ពីរនាក់ទៀត ទៅថ្ងៃ ទី៩ ខែធ្នូ ឆ្នាំ២០១៦។លោក សម រង្ស៊ី និងអ្នកទាំងពីរនោះត្រូវបានតុលាការចោទប្រកាន់ពីបទ «សមគំនិត ក្នុងអំពើ ក្លែងបន្លំ ឯកសារ សាធារណៈ, បទប្រើប្រាស់ ឯកសារ សាធារណៈក្លែង, និងបទញុះញង់ បង្ក ឲ្យមាន ភាពវឹកវរ ធ្ងន់ធ្ងរ ដល់សន្តិសុខ សង្គម តាមមាត្រា ៦២៩, ៦៣០ និង៤៩៥ នៃក្រមព្រហ្មទណ្ឌ។»
បច្ចុប្បន្ន ទាំងលោក សម រង្ស៊ី និងអ្នក ទាំងពីរនោះ កំពុង និរទេសខ្លួន នៅក្រៅប្រទេស។ សំណុំរឿងនេះ វា ពាក់ព័ន្ធ នឹងរឿងក្ដី របស់ សមាជិក ព្រឹទ្ធសភា បក្សប្រឆាំង, គឺ លោក ហុង សុខហួរ ដែលត្រូវ តុលាការ ក្រុងភ្នំពេញ ចេញដីកា ចាប់ខ្លួន ទាំងមាន អភ័យឯកសិទ្ធិ សភា និងផ្ដន្ទាទោស ដាក់ពន្ធនាគារ ចំនួន ៧ឆ្នាំ ជុំវិញ ការបកស្រាយ របស់លោក នៅលើទំព័រ ហ្វេសប៊ុក របស់លោក សម រង្ស៊ី អំពី សន្ធិសញ្ញា ព្រំដែន កម្ពុជា-វៀតណាម ឆ្នាំ១៩៧៩ ដែលប្រមុខ រាជរដ្ឋាភិបាល ចោទ ពីបទក្បត់ជាតិ។
No comments:
Post a Comment