 |
| ពលរដ្ឋប្រើហ្វេសប៊ុក (Facebook) ដើម្បីទទួលបានដំណឹង និងព័ត៌មាន។ RFA/San Sel |
Freedom House ថា, ចំណាត់ថ្នាក់ កម្ពុជា សម្រាប់ សេរីភាព ប្រព័ន្ធ អ៊ីនធឺណិត កាន់តែ ធ្លាក់ចុះ
RFA / វិទ្យុ អាស៊ី សេរី | ១៤ វិច្ឆិកា ២០១៦
អង្គការ ហ្វ្រីដឹម ហៅស៍ (Freedom House) រកឃើញ ថា, ចំណាត់ថ្នាក់ ប្រទេស កម្ពុជា សម្រាប់ សេរីភាព ប្រើប្រាស់ ប្រព័ន្ធ អ៊ីនធឺណិត (Internet) ឆ្នាំ២០១៦ កាន់តែ ធ្លាក់ចុះ ដោយធ្លាក់ ពីលេខ ៤៨ កាលពីឆ្នាំ ២០១៥ មកដល់លេខ ៥២ សម្រាប់ ឆ្នាំនេះ។ ប៉ុន្តែ មន្ត្រី រដ្ឋាភិបាល ថា, ខ្លួន មិនចាប់អារម្មណ៍ នឹងរបាយការណ៍ នេះឡើយ, ហើយ ថា, របាយការណ៍នេះ ជាការ បោកប្រាស់។
ការរកឃើញថា សេរីភាពប្រើប្រាស់ប្រព័ន្ធអ៊ីនធឺណិតនៅកម្ពុជា កាន់តែធ្លាក់ចុះ របស់អង្គការ ហ្វ្រីដឹម ហៅស៍ ដោយកត់សម្គាល់ថា ការវិវឌ្ឍជាគន្លឹះសំខាន់ មួយចំនួនដែលអាចជាកត្តាគំរាមកំហែងដល់សេរីភាពប្រើប្រាស់ប្រព័ន្ធអ៊ីនធឺណិត ចន្លោះឆ្នាំ២០១៥ ដល់ឆ្នាំ២០១៦។ កត្តាសំខាន់ទាំងនោះ ដូចជាច្បាប់ស្ដីពីទូរគមនាគមន៍ រួមនឹងការដាក់ទោសទណ្ឌដល់អ្នករិះគន់ លើបណ្ដាញសង្គមហ្វ៊េសប៊ុក (Facebook) ជាដើម។
ឆ្លើយតបរបាយការណ៍ និងចំណាត់ថ្នាក់របស់អង្គការ ហ្វ្រីដឹម ហៅស៍ មន្ត្រីនាំពាក្យរាជរដ្ឋាភិបាល លោក ផៃ ស៊ីផាន មានប្រសាសន៍ថា លោកមិនចាប់អារម្មណ៍នឹងរបាយការណ៍នេះឡើយ ហើយលោកហៅរបាយការណ៍របស់អង្គការនេះថា ជាការបោកប្រាស់៖ «អង្គការ ហ្វ្រីដឹម ហៅស៍ ជាក្រុមរៀបចំឲ្យមានបដិវត្តពណ៌ ដែលយករបាយការណ៍ហ្នឹងជាអំណះអំណាង ក្នុងការវាយប្រហាររាជរដ្ឋាភិបាលនានាក្នុងពិភពលោក ដែលគេ(អង្គការ ហ្វ្រីដឹម ហៅស៍) យល់ឃើញថារដ្ឋាភិបាលហ្នឹងមិនមែនជារណបរបស់សហរដ្ឋអាមេរិក។»
ចាប់តាំងពីចុងឆ្នាំ២០១៥ ដល់ចុងឆ្នាំ២០១៦នេះ មនុស្សជាង១០នាក់ហើយ ត្រូវបានចាប់ខ្លួន និងចោទប្រកាន់ ឬផ្ដន្ទាទោស ពាក់ព័ន្ធនឹងការប្រើប្រាស់បណ្ដាញសង្គមហ្វ៊េសប៊ុក ក្នុងនោះយុវជនមួយរូបឈ្មោះ គង់ រ៉ៃយ៉ា ត្រូវបានសាលាដំបូងរាជធានីភ្នំពេញ កាត់ទោសដាក់ពន្ធនាគារ ១ឆ្នាំ ៦ខែ ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ក្រោយយុវជនរូបនេះលើកឡើងអំពីបដិវត្តន៍ពណ៌នៅក្នុងហ្វេសប៊ុក របស់ខ្លួន។
ចំណែកបុរសជាកម្មករខ្មែរនៅថៃម្នាក់ឈ្មោះ ផង់ សីហា ត្រូវតុលាការផ្ដន្ទាទោស ១៨ខែ តែត្រូវអនុវត្តទោសចំនួន ៦ខែ និងពិន័យប្រាក់ ១លានរៀល ពីបទចោទគំរាមសម្លាប់លោកបណ្ឌិត សុខ ទូច ប្រធានក្រុមការងារស្រាវជ្រាវកិច្ចការព្រំដែននៃរាជបណ្ឌិត្យសភាកម្ពុជា តាមបណ្ដាញសង្គមហ្វេសប៊ុក។
ករណីស្រដៀងនេះដែរ យុវជនម្នាក់ទៀតនៅខេត្តសៀមរាប ឈ្មោះ តៅ សាវឿន ត្រូវបានសមត្ថកិច្ចចាប់ខ្លួន ពាក់ព័ន្ធសំណុំរឿងគំរាមបោកគ្រាប់បែកសម្លាប់រដ្ឋមន្ត្រីក្រសួងមហាផ្ទៃ លោក ស ខេង តាមបណ្ដាញសង្គមហ្វេសប៊ុក ក្រោយពីយុវជនរូបនេះបានបញ្ចេញមតិ ឬខមមិន (Comment) នៅក្នុងហ្វេសប៊ុករបស់ខ្លួន។ ប៉ុន្តែយុវជនរូបនេះ ត្រូវបានដោះលែងវិញនៅ១ខែក្រោយមក ដោយសារបានធ្វើលិខិតសុំទោស។
ចំណែកសមាជិកព្រឹទ្ធសភាបក្សប្រឆាំងមួយរូបទៀតគឺលោក ហុង សុខហួរ ក៏ត្រូវតុលាការក្រុងភ្នំពេញចេញដីកាចាប់ខ្លួនទាំងមានអភ័យឯកសិទ្ធិសភា និងផ្ដន្ទាទោសដាក់ពន្ធនាគារចំនួន ៧ឆ្នាំ ជុំវិញការបកស្រាយរបស់ខ្លួន នៅលើទំព័រហ្វេសប៊ុករបស់ប្រធានគណបក្សសង្គ្រោះជាតិ លោក សម រង្ស៊ី អំពីសន្ធិសញ្ញាព្រំដែន កម្ពុជា-វៀតណាម ឆ្នាំ១៩៧៩ ដែលប្រមុខរាជរដ្ឋាភិបាលចោទពីបទក្បត់ជាតិ។ មិនតែប៉ុណ្ណោះ យុវជនទាំងពីរនាក់ ដែលកាន់ទំព័រហ្វេសប៊ុករបស់លោក សម រង្ស៊ី ក៏ត្រូវបាន តុលាការចេញដីកាចាប់ខ្លួនជុំវិញករណីដូចគ្នានេះ។ រីឯលោក សម រង្ស៊ី វិញ ក៏ត្រូវបានតុលាការចោទពីបទសមគំនិត និងកោះហៅមកបំភ្លឺដែរ។
ដោយឡែកកាលពីខែវិច្ឆិកា ២០១៥ មន្ត្រី និងសកម្មជនបក្សប្រឆាំងពីររូបនៅខេត្តស្វាយរៀង ត្រូវបានសមត្ថកិច្ចចាប់ខ្លួន ពាក់ព័ន្ធនឹងការបង្ហោះសំបុត្របញ្ជាក់កំណើតក្លែងក្លាយតាមរយៈហ្វេសប៊ុក ដែលដាក់ថាខេត្តស្វាយរៀង ស្ថិតក្នុងប្រទេសវៀតណាម។ បន្ថែមពីនេះទៀត នាពេលថ្មីៗ បុរស២នាក់ទៀត ត្រូវបានសមត្ថកិច្ចចាប់ខ្លួន ពីបទក្លែងហ្វេសប៊ុកលោក ហ៊ុន សែន។
អង្គការ ហ្វ្រីដឹម ហៅស៍ ចាត់ថ្នាក់សម្រាប់សេរីភាពអ៊ីនធឺណិត ចាប់ពីចំណាត់ថ្នាក់លេខ ០ មានន័យថា ប្រទេសនោះមានសេរីភាពបំផុត និងលេខ ១០០ មានសេរីភាពតិចបំផុត ឬការរឹតត្បិតខ្លាំង។ សេរីភាពអ៊ីនធឺណែតនៅកម្ពុជាកាលពីឆ្នាំ២០១៥ កម្ពុជាទទួលចំណាត់៤៨ ហើយឆ្នាំ២០១៤ និង២០១៣ កម្ពុជាទទួលចំណាត់៤៧ ដែលមានន័យថា ប្រទេសកម្ពុជា មានសេរីភាពខ្លះ៕
Vietnam has a software company named FPT which currently revenues 100 million US dollar a year with contracts from Japan. Vietnam also have 3 software high-tech parks in North, Central, and South Vietnam (Khmer Krom).
ReplyDeleteCambodia has no software industry. In fact Khmer students could not understand software. It's so sad.
Hey Vietnamese dog eating poster @Anonymous10:46 AM - You are bullshitting. There are some Vietnamese/Yuon students dropped out of the Computer Science courses (Programming, Database and Electronics I) and they (Yuon/Viet) failed dramatically. Don't brag too much. There are Khmer/Cambodian students who are very smart in the same classroom with your evil Yuon/Vietnamese students in NY. So, you need to stop bragging, Drugzy!!!
ReplyDelete5:00 PM
DeleteThis same drunkFu*k-it ran away with his tail
between his legs, when being challenged by a Khmer fellow
on live TV before a panel of independent academic experts.
So just ignore this old dog !!!