ក្រុមហ៊ុនស ម្បទាន សេដ្ឋកិច្ច ដៅ ទូ សៃហ្គន ប៊ិនភឿក របស់ វៀតណាម វិនិយោគ ដំណាំ, ឧស្សាហកម្ម, កៅស៊ូ ទទួលសិទ្ ធិវិនិយោគ លើផ្ទៃដី ចំនួន ១ម៉ឺន ហិកតារ ឋិត នៅក្នុង ឃុំ ចំនួន ពីរ គឺ ឃុំថ្មី និងឃុំកន្ទួត ស្រុកចិត្របុរី ខេត្តក្រចេះ។
 |
| ផែនទីខេត្តក្រចេះ។ RFA |
សហគមន៍ ព្នង ខេត្ត ក្រចេះ បារម្ភ អំពី ការកាប់ ដីព្រៃ សហគន៍ ក្រោយក្រុមហ៊ុន ឈូសឆាយផ្លូវ
RFA / វិទ្យុ អាស៊ី សេរី | ២ វិច្ឆិកា ២០១៦
ជនជាតិដើម ភាគតិច ព្នង ជិត ២០០ គ្រួសារ រស់នៅ ឃុំថ្មី ស្រុកចិត្របុរី ខេត្តក្រចេះ សម្ដែងក្ដីបារម្ភ អំពី ការកាប់បំផ្លាញ ព្រៃសហគមន៍ ជាប្រព័ន្ធ ដោយពុំមាន ការទប់ស្កាត់។ អ្នកភូមិ ថា, ក្រោយ ពីក្រុមហ៊ុន សម្បទាន សេដ្ឋកិច្ច ឈ្មោះ ដៅ ទូ សៃហ្គន ប៊ិនភឿក (Dau Tu Saigon-Binh Phouc) ឈូសឆាយ ធ្វើផ្លូវ ក្រវាត់ ព្រំប្រទល់ ដី បង្កលក្ខណៈ ងាយស្រួល ដល់ការ ដឹកជញ្ជូន ឈើ ចេញ ពីតំបន់នោះ។
ជនជាតិដើម ភាគតិច ព្នង នៅថ្ងៃ ទី២ ខែវិច្ឆិកា អំពាវនាវ ឲ្យអាជ្ញាធរ ខេត្ត និងស្ថាប័ន ពាក់ព័ន្ធ ពន្លឿន ចុះបញ្ជីដី ជាកម្មសិទ្ធិ ប្រើប្រាស់ សមូហភាពស ហគមន៍ និងកំណត់ ព្រំប្រទល់ ដីព្រៃ សហគមន៍ ដើម្បី បង្កលក្ខណៈ ងាយស្រួល ឲ្យសហគមន៍ អភិរក្ស ធនធាន ធម្មជាតិ ទាញយក ផលប្រយោជន៍ ព្រៃឈើ នោះ ជាលក្ខណៈ ប្រពៃណី ជនជាតិដើម ភាគតិច។
ជនជាតិដើមភាគតិចរស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ លោក ឃិន ឌឿន តក់សម្គាល់ថា ស្ទើរជារៀងរាល់ថ្ងៃ ពលរដ្ឋជាច្រើនក្រុមរស់នៅឃុំចង្ក្រង់ ឃុំថ្មី និងពលរដ្ឋនៅតំបន់ផ្សេងទៀត បានឆ្មក់លួចកាប់ឈើប្រភេទជន្លង់ម្រេច និងឈើមានតម្លៃដោយប្រើប្រាស់គោយន្តជាង ១០គ្រឿង ដឹកជញ្ជូនឈើចេញពីតំបន់នោះ។
លោកបារម្ភថា ប្រសិនបើអាជ្ញាធរខេត្តមិនពន្លឿនកំណត់ព្រំប្រទល់ដីព្រៃសហគមន៍ និងចុះបញ្ជីដីកម្មសិទ្ធិប្រើប្រាស់ជាសមូហភាពសហគមន៍ទេ ចលនាបំផ្លាញព្រៃសហគមន៍នឹងកាន់តែរីកធំឡើង ដែលបញ្ហានេះបណ្ដាលឲ្យប៉ះពាល់កាន់តែធ្ងន់ធ្ងរដល់ការចិញ្ចឹមជីវិតរបស់ជនជាតិដើមភាគតិចព្នង មានមុខរបរតពីជីដូនជីតាជាលក្ខណៈប្រពៃណី លើការរកអនុផលព្រៃឈើ។ លើសពីនេះទៀត ប្រសិនបាត់បង់ព្រៃសហគមន៍នោះ ប្រពៃណីវប្បធម៌របស់ពួកគាត់ក៏បាត់បង់ដែរ។
អនុប្រធាន សហគមន៍ ភូមិប្អៀរ លោក ឈឿន ផន កត់សម្គាល់ ថា, កាលពីឆ្នាំ ២០១៤ ក្រុមហ៊ុន សម្បទាន សេដ្ឋកិច្ច ដៅ ទូ សៃហ្គន ប៊ិញ ភឿក បានឈូសឆាយ ព្រៃសហគមន៍ ជនជាតិដើម ភាគតិច ព្នង អាស្រ័យផល អស់ជាច្រើន ហិកតារ។ លើសពីនេះ ក្រោយពីរដ្ឋាភិបាលផ្ដល់សិទ្ធិឲ្យក្រុមហ៊ុនសម្បទានសេដ្ឋកិច្ចវៀតណាម កាលពីឆ្នាំ២០០៧ ធ្វើឲ្យពលរដ្ឋជនជាតិដើមភាគតិចព្នង ត្រូវរងគ្រោះដោយសារការបាត់បង់ដីធ្លីសម្រាប់ធ្វើស្រែចម្ការ និងប៉ះពាល់ដល់ដីព្រៃអភិរក្សអ្នកតា ព្រៃជំនឿ ព្រៃថ្នាំបុរាណ និងដីទួលសុវត្ថិភាព ដែលជាទំនៀមទម្លាប់ប្រពៃណីរបស់សហគមន៍ជនជាតិដើមភាគតិចតាំងពីដូនតា។
អាស៊ីសេរី មិនអាចទាក់ទងសុំការបំភ្លឺបញ្ហានេះ ពីតំណាងក្រុមហ៊ុនសម្បទានសេដ្ឋកិច្ច ដៅ ទូ សៃហ្គន ប៊ិញភឿក បានទេ នៅថ្ងៃទី២ ខែវិច្ឆិកា។
ក្រុមហ៊ុនស ម្បទាន សេដ្ឋកិច្ច ដៅ ទូ សៃហ្គន ប៊ិនភឿក របស់ វៀតណាម វិនិយោគ ដំណាំ, ឧស្សាហកម្ម, កៅស៊ូ ទទួលសិទ្ ធិវិនិយោគ លើផ្ទៃដី ចំនួន ១ម៉ឺន ហិកតារ ឋិត នៅក្នុង ឃុំ ចំនួន ពីរ គឺ ឃុំថ្មី និងឃុំកន្ទួត ស្រុកចិត្របុរី ខេត្តក្រចេះ។
មេឃុំថ្មី លោក មុំ ខាំ អះអាងថា រដ្ឋាភិបាលបានចេញលិខិតប្រកាសមួយស្តីពីការកំណត់ទំហំផ្ទៃដីសម្បទានឲ្យក្រុមហ៊ុនសម្បទានសេដ្ឋកិច្ច និងបានកាត់ឆ្វៀលដីឲ្យសហគមន៍ជូនពលរដ្ឋរួចហើយ ក៏ប៉ុន្តែគណៈកម្មការដីនៃមន្ទីរសុរិយោដីខេត្តមិនទាន់សម្រេចបោះបង្គោលដីឲ្យពលរដ្ឋទេ។ លោកថា ពលរដ្ឋបានទាមទារដីធ្លីប្រើប្រាស់លក្ខណៈសមូហភាពលើសពីអ្វីដែលអាជ្ញាធរបានកំណត់កន្លងមក។ លោកបន្ថែមថា សហគមន៍មានកាតព្វកិច្ចទប់ស្កាត់បទល្មើសព្រៃឈើ ក្នុងព្រៃសហគមន៍ដែលអាជ្ញាធរបានកំណត់ ក៏ប៉ុន្តែបើបទល្មើសព្រៃឈើនៅក្រៅព្រៃសហគមន៍ ពលរដ្ឋពុំសូវហានចេញមុខទប់ស្កាត់ទេ។
ព្រៃសហគមន៍ភូមិប្អៀរ ឃុំថ្មី ស្រុកចិត្របុរី ខេត្តក្រចេះ មានទំហំ ១.២៨៦ហិកតារ បែងចែកជាពីរផ្នែក គឺដីត្រៀមបម្រុងសម្រាប់សហគមន៍មានទំហំ ៨១៦ហិកតារ និងដីព្រៃសមូហភាពសហគមន៍ ៤៧០ហិកតារ។ សហគមន៍អះអាងថា កាលពីថ្ងៃទី២៥ ខែមករា ក្រុមហ៊ុនសម្បទានសេដ្ឋកិច្ចវៀតណាម ឈ្មោះ ដៅ ទូ សៃហ្គន ប៊ិញភឿក បានឆ្វៀលដីឲ្យពលរដ្ឋទំហំ ៨១៦ហិកតារ។ សហគមន៍ថា ការកាត់ឆ្វៀលនោះពុំមានការដឹងឮពីអាជ្ញាធរ ហើយសហគមន៍ក៏មិនទទួលស្គាល់ដែរ៕
No comments:
Post a Comment