 |
| លោកនាយករដ្ឋមន្ត្រី ហ៊ុន សែន ថ្លែងក្នុងពិធីរំឭកខួបលើកទី៣៨ នៃថ្ងៃ៧ មករា នាទីស្នាក់ការគណបក្សប្រជាជនកម្ពុជា ថ្ងៃទី៧ ខែមករា ឆ្នាំ២០១៧។ RFA/Brach Chev |
លោក ហ៊ុន សែន ព្រមាន ជាថ្មី ពីការ ជ្រៀតជ្រែក របស់ បរទេស ក្រោមលេស ប្រជាធិបតេយ្យ
RFA / វិទ្យុ អាស៊ី សេរី |៧ មករា ២០១៧
លោក នាយករដ្ឋមន្ត្រី ហ៊ុន សែន ព្រមាន ជាថ្មី ម្ដងទៀត ទៅដល់ បណ្ដា សហគមន៍ អន្តរជាតិ និងបរទេសនានា ថា មិនឲ្យ យកលេស ប្រជាធិបតេយ្យ និងសិទ្ធិមនុស្ស មកធ្វើ ជាឈ្នាន់ ដើម្បី ជ្រៀតជ្រែក កិច្ចការ ផ្ទៃក្នុង កម្ពុជា។
លោក ថ្លែងបែបនេះ នៅក្នុង ពិធី រំឭកខួប លើកទី៣៨ នៃថ្ងៃ៧ មករា នៅទីស្នាក់ការ កណ្ដាល គណបក្ស ប្រជាជន កម្ពុជា ក្នុងខណ្ឌ ចំការមន។ លោក នាយករដ្ឋមន្ត្រី អះអាង ថា, រដ្ឋាភិបាល មិនអាច បណ្ដោយ ឲ្យមាន ការជ្រៀតជ្រែក ណាមួយ នាំឲ្យ កើតមាន បញ្ហា ដែលជាបំណង មិនល្អ របស់ បរទេស បានឡើយ។
ទាក់ទិន នឹងការ ចោទប្រកាន់ របស់ រដ្ឋាភិបាល ពីការ ជ្រៀតជ្រែក កិច្ចការផ្ទៃ ក្នុងនេះ, រដ្ឋាភិបាល បានព្រមាន បិទ មិន ឲ្យមាន ការិយាល័យ ឧត្ដមស្នងការ អង្គការ សហប្រជាជាតិ ទទួលបន្ទុក សិទ្ធិមនុស្ នៅកម្ពុជា។ ប៉ុន្តែ ភាគី ទាំងពីរ--គឺ រដ្ឋាភិបាល និងមន្ត្រី ឧត្ដមស្នងការ អង្គការ សហប្រជាជាតិ ទទួលបន្ទុក សិទ្ធិមនុស្ស--កាលពីថ្ងៃ ទី១៩ ធ្នូ បានចុះ អនុស្សរណៈ នៃការ យោគយល់ ថ្មីមួយ សម្រាប់ វិស័យ សិទ្ធិមនុស្ស ក្នុងរយៈពេល ២ឆ្នាំ ទៀត។
ក្រសួង ការបរទេស អះអាង ថា, វា ជាការ ប្រកាស ពីបំណង របស់ ភាគី ទាំងពីរ ក្នុងកិច្ច សហប្រតិបត្តិការ អនុវត្តកម្មវិធី សហប្រតិបត្តិការ បច្ចេកទេស លើវិស័យ សិទ្ធិមនុស្ស និងដើម្បី បង្កើត ក្របខ័ណ្ឌ សហប្រតិបត្តិការ ដោយឈរលើ គោលការណ៍ ដែលមាន ចែង ក្នុងធម្មនុញ្ញ នៃអង្គការ សហប្រជាជាតិ ដែលពុំមាន បទបញ្ញត្តិ ណាមួយ នៅក្នុង ធម្មនុញ្ញ អង្គការ សហប្រជាជាតិ អនុញ្ញាត ឲ្យអង្គការ សហប្រជាជាតិ ចូលជ្រៀតជ្រែក កិច្ចការ ដែលឋិតក្រោម យុត្តាធិការ របស់ ប្រទេស សមាជិក នីមួយៗ ឡើយ៕
No comments:
Post a Comment