 |
| លោក គឹម សុខ អ្នកវិភាគនយោបាយនិងសង្គមដែលត្រូវបានលោកនាយករដ្ឋមន្រ្តី ហ៊ុន សែន ប្តឹងពីបទបរិហាកេរ្តិ៍។ |
លោក គឹម សុខ ត្រូវ តុលាការ ចាប់ខ្លួន ក្រោមសំឡេង តវ៉ា
RFI / វិទ្យុ បារាំង អន្តរជាតិ | ១៧ កុម្ភៈ ២០១៧
តុលាការ ក្រុងភ្នំពេញ នៅរសៀល ថ្ងៃទី១៧ កុម្ភៈនេះ
សម្រេច ឃុំខ្លួន លោក គឹម សុខ
អ្នកវិភាគ សម្តីឆៅ ដាក់ពន្ធនាគារ ក្រោមបទចោទ ញុះញង់ ឱ្យប្រព្រឹត្ត បទឧក្រិដ្ឋ ជាអាទិ៍
និងបរិហារកេរ្តិ៍ ជាសាធារណៈ។
បណ្តឹងនេះ គឺ ធ្វើឡើង តាមបញ្ជា ពីលោក នាយករដ្ឋមន្ត្រី ហ៊ុន
សែន ដែលប្តឹង អ្នកវិភាគ រូបនេះ ថា ពីរឿង បរិហារកេរ្តិ៍ បក្សកាន់អំណាច ថា ជាអ្នក នៅពីក្រោយ ការសម្លាប់ លោកបណ្ឌិត កែម ឡី។
ទន្ទឹម នឹងនេះ ក្រុម ប្រជាពលរដ្ឋ ដែលរួមមាន ទាំងព្រះសង្ឃផង
បានរិះគន់ តុលាការ កម្ពុជា ថា អយុត្តិធម៌។
នៅម៉ោងប្រមាណជាង៣រសៀលនេះ
លោកគឹម សុខ
ត្រូវបានប៉ូលិសចាប់ដាក់រថយន្តចេញពីតុលាការក្រុងភ្នំពេញទៅកាន់មន្ទីរឃុំឃាំងព្រៃស
ខណៈដែលប្រជាពលដែលឈរនៅក្រៅរបងតុលាការមួយក្រុមស្រែកថាអយុត្តិធម៌
និងរិះគន់តុលាការកម្ពុជាជាខ្លាំង។ លោកគឹម
សុខ ត្រូវបានតុលាការចោទប្រកាន់ពីបទ «ញុះញង់ឱ្យប្រព្រឹត្តបទឧក្រិដ្ឋជាអាទិ៍
និងបរិហារកេរ្តិ៍ជាសាធារណៈ»
តាមពាក្យបណ្តឹងពីលោកនាយករដ្ឋមន្ត្រីហ៊ុន សែន។
លោកនាយករដ្ឋមន្ត្រីដែលបានប្តឹងអ្នកវិភាគរូបនេះទាមទារសំណងជំងឺចិត្ត៥០ម៉ឺនដុល្លារ
ក្រោយការអត្ថាធិប្បាយក្នុងស្ថានីយ៍វិទ្យុអន្តរជាតិមួយជុំវិញការសម្លាប់លោកបណ្ឌិតកែម
ឡី។ តុលាការបានបញ្ជាក់ថា ការអត្ថាធិប្បាយរបស់លោកគឹម
សុខគឺគ្មានមូលដ្ឋានច្បាប់នោះទេ។
សូមរំលឹកថារឿងរាវនេះ បានកើតឡើងកាលពីថ្ងៃទី១៣ កុម្ភៈ។ ឆ្លើយនឹងសំណួររបស់វិទ្យុអាស៊ីសេរី លោកគឹម សុខ អ្នកវិភាគសង្គម បាននិយាយថា៖ «គណបក្សប្រជាជនកម្ពុជាបច្ចុប្បន្ន ...មិនឃើញថា គាត់ធ្វើដើម្បីចង់បានបង្កើនប្រជាប្រិយភាពអីទេ... និយាយឱ្យចំតែម្តងទៅ បន្តប្លន់អំណាច។»
លោក គឹម សុខ បន្តប្រាប់ អាស៊ី សេរី ទៀត ថា៖ «ធ្វើអស់ ហ្នឹងហើយ សម្លាប់ហើយអីហើយហ្នឹង ទាំងចុងក្រោយសម្លាប់ លោក កែម ឡីទៀត សម្លាប់ហើយអីហើយប៉ុន្តែពលរដ្ឋនៅតែងើប។ ចឹងហើយមានតែវិធីមួយចុងក្រោយទេ គឺប្រើច្បាប់។»
ពាក្យទាំងនេះហើយដែលជំរុញឱ្យលោកនាយករដ្ឋមន្ត្រីហ៊ុន សែន ដែលជាប្រធានគណបក្សប្រជាជនកម្ពុជា ចេញបញ្ជាឱ្យមេធាវីប្តឹងលោក គឹម សុខ ទៅកាន់តុលាការ។
ក្រៅពីបណ្តឹងខាងលើ លោកនាយករដ្ឋមន្ត្រីហ៊ុន សែន បានប្តឹងលោក គឹម សុខ មួយបណ្តឹងបន្ថែមទៀតពីបទ «ចោទរដ្ឋាភិបាលបច្ចុប្បន្នបានបង្កើតឲ្យមានប្រព័ន្ធមួយ ដែលមានការសម្លាប់មនុស្សហើយ រកមុខឃាតកមិនឃើញ» ដោយទាមទារសំណងជំងឺចិត្ត១០លានរៀល ដែលស្មើនឹង២ពាន់៥រយដុល្លារ។ សរុបលោកគឹម សុខមានបណ្តឹងជាប់ខ្លួនចំនួនពីរដែលលោកនាយករដ្ឋមន្ត្រីប្តឹងក្រោយការអត្ថាធិប្បាយកាលពីពេលថ្មីៗនេះ។
សូមកត់សំគាល់ថា លោកគឹមសុខ គ្មានមេធាវីការពារក្តីទេក្នុងសំណុំរឿងនេះ។ មុនពេលចូលសវនាការបំភ្លឺ លោកគឹម សុខ បានធ្វើដំណើរដោយថ្មើរជើងចេញពីវត្តចាស់ក្នុងសង្កាត់ជ្រោយចង្វា រហូតដល់តុលាការ ដោយមានអ្នកគាំទ្រអមដំណើរជាច្រើននាក់ដែលនៅក្នុងនោះមានព្រះសង្ឃផងដែរ។
ព្រះតេជគុណ ប៊ុត ប៊ុនទិញ ស្ថាបនិកបណ្តាញព្រះសង្ឃឯករាជ្យ ដើម្បីយុត្តិធម៌សង្គម និងជាអ្នករិះគន់រដ្ឋាភិបាលផង បានតាមដានព្រឹត្តការណ៍ពេញមួយថ្ងៃ បានមានសង្ឃដីការិះគន់ថាការសម្រេចឃុំខ្លួននេះ គឺជារឿងអយុត្តិធម៌ ហើយមានសង្ឃដីកាបន្តថា ការរិះគន់ប៉ុណ្ណេះ មិនគួរចាប់ដាក់ពន្ធនាគារនោះទេ។ ប៉ុន្តែទាំងលោកនាយករដ្ឋមន្ត្រី និងគណបក្សប្រជាជនកម្ពុជាបានអះអាងថា ការអត្ថាធិប្បាយរបស់លោកគឹម សុខ គឺជាការចោទគណបក្សកាន់អំណាចទាំងងងឹតងងុល។
ចំពោះការចាប់ខ្លួនលោកគឹម សុខ ក្រុមអ្នកវិភាគនៅកម្ពុជាបានអះអាងថា វាជាបំបិទសិទ្ធិសេរីភាពក្នុងការបញ្ចេញមតិ ដែលគ្មានអ្នកណាហ៊ានអត្ថាធិប្បាយទៀតឡើយ៕
សូមរំលឹកថារឿងរាវនេះ បានកើតឡើងកាលពីថ្ងៃទី១៣ កុម្ភៈ។ ឆ្លើយនឹងសំណួររបស់វិទ្យុអាស៊ីសេរី លោកគឹម សុខ អ្នកវិភាគសង្គម បាននិយាយថា៖ «គណបក្សប្រជាជនកម្ពុជាបច្ចុប្បន្ន ...មិនឃើញថា គាត់ធ្វើដើម្បីចង់បានបង្កើនប្រជាប្រិយភាពអីទេ... និយាយឱ្យចំតែម្តងទៅ បន្តប្លន់អំណាច។»
លោក គឹម សុខ បន្តប្រាប់ អាស៊ី សេរី ទៀត ថា៖ «ធ្វើអស់ ហ្នឹងហើយ សម្លាប់ហើយអីហើយហ្នឹង ទាំងចុងក្រោយសម្លាប់ លោក កែម ឡីទៀត សម្លាប់ហើយអីហើយប៉ុន្តែពលរដ្ឋនៅតែងើប។ ចឹងហើយមានតែវិធីមួយចុងក្រោយទេ គឺប្រើច្បាប់។»
ពាក្យទាំងនេះហើយដែលជំរុញឱ្យលោកនាយករដ្ឋមន្ត្រីហ៊ុន សែន ដែលជាប្រធានគណបក្សប្រជាជនកម្ពុជា ចេញបញ្ជាឱ្យមេធាវីប្តឹងលោក គឹម សុខ ទៅកាន់តុលាការ។
ក្រៅពីបណ្តឹងខាងលើ លោកនាយករដ្ឋមន្ត្រីហ៊ុន សែន បានប្តឹងលោក គឹម សុខ មួយបណ្តឹងបន្ថែមទៀតពីបទ «ចោទរដ្ឋាភិបាលបច្ចុប្បន្នបានបង្កើតឲ្យមានប្រព័ន្ធមួយ ដែលមានការសម្លាប់មនុស្សហើយ រកមុខឃាតកមិនឃើញ» ដោយទាមទារសំណងជំងឺចិត្ត១០លានរៀល ដែលស្មើនឹង២ពាន់៥រយដុល្លារ។ សរុបលោកគឹម សុខមានបណ្តឹងជាប់ខ្លួនចំនួនពីរដែលលោកនាយករដ្ឋមន្ត្រីប្តឹងក្រោយការអត្ថាធិប្បាយកាលពីពេលថ្មីៗនេះ។
សូមកត់សំគាល់ថា លោកគឹមសុខ គ្មានមេធាវីការពារក្តីទេក្នុងសំណុំរឿងនេះ។ មុនពេលចូលសវនាការបំភ្លឺ លោកគឹម សុខ បានធ្វើដំណើរដោយថ្មើរជើងចេញពីវត្តចាស់ក្នុងសង្កាត់ជ្រោយចង្វា រហូតដល់តុលាការ ដោយមានអ្នកគាំទ្រអមដំណើរជាច្រើននាក់ដែលនៅក្នុងនោះមានព្រះសង្ឃផងដែរ។
ព្រះតេជគុណ ប៊ុត ប៊ុនទិញ ស្ថាបនិកបណ្តាញព្រះសង្ឃឯករាជ្យ ដើម្បីយុត្តិធម៌សង្គម និងជាអ្នករិះគន់រដ្ឋាភិបាលផង បានតាមដានព្រឹត្តការណ៍ពេញមួយថ្ងៃ បានមានសង្ឃដីការិះគន់ថាការសម្រេចឃុំខ្លួននេះ គឺជារឿងអយុត្តិធម៌ ហើយមានសង្ឃដីកាបន្តថា ការរិះគន់ប៉ុណ្ណេះ មិនគួរចាប់ដាក់ពន្ធនាគារនោះទេ។ ប៉ុន្តែទាំងលោកនាយករដ្ឋមន្ត្រី និងគណបក្សប្រជាជនកម្ពុជាបានអះអាងថា ការអត្ថាធិប្បាយរបស់លោកគឹម សុខ គឺជាការចោទគណបក្សកាន់អំណាចទាំងងងឹតងងុល។
ចំពោះការចាប់ខ្លួនលោកគឹម សុខ ក្រុមអ្នកវិភាគនៅកម្ពុជាបានអះអាងថា វាជាបំបិទសិទ្ធិសេរីភាពក្នុងការបញ្ចេញមតិ ដែលគ្មានអ្នកណាហ៊ានអត្ថាធិប្បាយទៀតឡើយ៕
No comments:
Post a Comment