មន្ត្រី បក្សប្រឆាំង ថា មិន បានទទួល លិខិត ស្នើ តែងតាំង ភរិយា លោក សម រង្ស៊ី ជាអនុប្រធានបក្ស
RFA / វិទ្យុ អាស៊ី សេរី | ២៥ កុម្ភៈ ២០១៧
ការថ្លែង បែបនេះ បន្ទាប់ ពីសារព័ត៌មាន ក្នុងស្រុក មួយ ដែលស្និទ្ធ ជាមួយ លោក នាយករដ្ឋមន្ត្រី ហ៊ុន សែន ឈ្មោះ Fresh News នៅព្រឹកថ្ងៃ ទី២៥ ខែកុម្ភៈ បង្ហោះ លិខិត មួយច្បាប់ ដោយអះអាងថា ជាការបែកធ្លាយ។
ប្រធាន គណៈកម្មាធិការ នាយក គណបក្ស សង្គ្រោះជាតិ លោក ប៉ុល ហំម ឲ្យអាស៊ីសេរី ដឹងថា, នៅពេល ឃើញមាន ការចុះផ្សាយ ដូចនេះ លោក បានសុំ ការបំភ្លឺ ពីលោក កឹម សុខា, ហើយ លោក កឹម សុខា ប្រាប់ថា លោក មិនដែល បានទទួល លិខិត ដូចនេះ ពីលោក សម រង្ស៊ី ទេ។ លោក ថា, តាមលោក ធ្លាប់ស្គាល់ លោក សម រង្ស៊ី កន្លងមក ទម្រង់ លិខិត បែបនេះ មិនមែន ជារបស់លោក សម រង្ស៊ី ទេ។
ស្របពេល ដែលគណបក្ស សង្គ្រោះជាតិ ប្រកាស ថា, សម្រេច កំណត់ ថ្ងៃ២ ខែមីនា ខាងមុខ ដើម្បី ធ្វើសមាជវិសាមញ្ញ រៀបចំ រចនាសម្ពន្ធ ក្បាលម៉ាស៊ីន បក្ស ជាថ្មី ក៏មាន ការបង្ហោះ ព័ត៌មាន ពីក្រុម សារព័ត៌មាន ក្នុងស្រុក និងបណ្ដាញ សង្គម ហ្វេសប៊ុក (Facebook) ថា, គណបក្ស សង្គ្រោះជាតិ រៀបចំ រចនាសម្ព័ន្ធ ក្បាលម៉ាស៊ីន ថ្មី ដោយមាន លោក កឹម សុខា ជាប្រធាន គណបក្ស និងមាន អនុប្រធាន គណបក្ស ៣រូប គឺ លោក យឹម សុវណ្ណ, លោក ប៉ុល ហំម និងអ្នកស្រី មូរ សុខហួរ។ ប៉ុន្តែ ព័ត៌មាននេះ ត្រូវ បានច្រានចោល ពីសំណាក់ អ្នកនាំពាក្យ គណបក្ស សង្គ្រោះជាតិ លោក យឹម សុវណ្ណ និងលោក ប៉ុល ហំម៕
Just wait and see, soon, Kem Sokha's faction will have an open fight with Sam Rainsy's faction in CNRP. Sam Rainsy is very much wanting his crony to be the next president while Kem Sokha wants to be the next president.
ReplyDeleteAnd then Kem Sokha will demand Sam Rainsy to relinquish all the funds back to CNRP while Sam Rainsy would refuse categorically.