 |
| លោក សម រង្ស៊ី ប្រធានគណបក្សសង្គ្រោះជាតិ និងអ្នកស្រី ជូឡុង សូម៉ារ៉ា បេក្ខជនតំណាងរាស្ត្រមណ្ឌលរាជធានីភ្នំពេញ ដឹកនាំក្បួនរថយន្តចូលស្បថក្នុងព្រះបរមរាជវាំង នៅថ្ងៃទី៥ ខែសីហា ឆ្នាំ២០១៤។ |
លោក សម រង្ស៊ី អះអាង ថា មិនដាក់ ប្រពន្ធ, កូន មកដឹកនាំ គណបក្ស សង្គ្រោះជាតិ ទេ
RFA / វិទ្យុ អាស៊ី សេរី | ១៤ កុម្ភៈ ២០១៧
អតីត ប្រធាន គណបក្ស សង្គ្រោះជាតិ លោក សម រង្ស៊ី ដែលទើប ប្រកាស លាលែង ពីតំណែង អះអាង ថា, លោក អត់មាន រៀបចំ ប្រពន្ធ ឬកូន របស់លោក មកដឹកនាំ គណបក្ស សង្គ្រោះជាតិ ជំនួសលោក ទេ។
លោក សម រង្ស៊ី អះអាង ដូច្នេះ នៅក្នុង ហ្វេសប៊ុក របស់លោក នៅថ្ងៃ ទី១៤ កុម្ភៈ ក្រោយ ពីមាន លិខិត ក្លែងក្លាយ មួយច្បាប់ បានផ្សព្វផ្សាយ ថា, លោក សម រង្ស៊ី បានសរសេរ ទៅប្រធាន ស្ដីទី គណបក្ស គឺ លោក កឹម សុខា ដើម្បី ស្នើដាក់ ប្រពន្ធ របស់លោក គឺ អ្នកស្រី ជូឡុង សូម៉ូរ៉ា ជាប្រធាន គណបក្សនេះ ជំនួសលោក។
យ៉ាងណាក៏ដោយ គណបក្សសង្គ្រោះជាតិ ធ្លាប់បានបញ្ជាក់ថា គណបក្សនេះនឹងរក្សាតួនាទីប្រធានគណបក្សនៅទំនេររហូតដល់សមាជគណបក្សឆ្នាំ២០១៨ ដោយប្រគល់តួនាទីប្រធានស្ដីទីគណបក្ស ជូនលោក កឹម សុខា។
លោក សម រង្ស៊ី គឺជាមេដឹកនាំគណបក្សប្រឆាំង ដែលជាដៃគូប្រកួតប្រជែងដ៏សំខាន់មួយរូប ជាមួយមេដឹកនាំគណបក្សកាន់អំណាច គឺលោកនាយករដ្ឋមន្ត្រី ហ៊ុន សែន ក្នុងការបោះឆ្នោតជាច្រើនអាណត្តិកន្លងទៅនេះ៕
No comments:
Post a Comment