 |
| លោក William A. Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា |
អាមេរិក ចង់ឃើញ អ្នកនយោបាយ កម្ពុជា ផ្សះផ្សាជាតិ មុនការ បោះឆ្នោត
VOD / វីអូឌី |
កាល ពីសប្តាហ៍ មុន មជ្ឈដ្ឋាន ទូទៅ យល់ថា, នយោបាយ នៅកម្ពុជា បានឡើង កម្តៅខ្លាំង បន្ទាប់ ពីមាន ការគំរាមកំហែង សារជាថ្មី ដោយគណបក្ស កាន់អំណាច តាមរយៈ សំណើរ លោក នាយករដ្ឋមន្ត្រី ហ៊ុន សែន ដើម្បី ធ្វើវិសោធនកម្ម ច្បាប់ គណបក្ស នយោបាយ ដែលទំនង ជាអាច ឈានទៅដល់ រំលាយ តំណែងលោក សម រង្ស៊ី ចេញពីប្រធាន គណបក្ស ប្រឆាំង។
ថ្លែង ដោយឆ្លើយតប នឹងសំនួរ អ្នកសារព័ត៌មាន វីអូឌី នៅក្នុង ជំនួបជជែកពិភាក្សាតុមូលដ៏កម្រកាលពីព្រឹកថ្ងៃទី៣ខែមករាកន្លងទៅនេះ ឯកអគ្គរដ្ឋទូតសហរដ្ឋអាមេរិក William A. Heidt មានប្រសាសន៍ថា ក្នុងកាលៈទេសៈបច្ចុប្បន្ន អ្នកនយោបាយកម្ពុជា គួរតែវិលរកវប្បធម៍សន្ទនានិងរួបរួមគ្នា ដើម្បីអ្វីដែលលោក ថា គឺ តបតាមឆន្ទៈរបស់ប្រជាពលរដ្ឋដែលចង់បាន។
លោក ថា៖ «ខ្ញុំចង់ត្រឡប់ទៅប្រធានបទផ្សះផ្សាជាតិ។ ជាងចុងបញ្ចប់ ផ្សះផ្សារជាតិ មានន័យថា វាដូចជាកម្លាំងនយោបាយធ្វើប្រតិបត្តិការក្នុងប្រទេសកម្ពុជា អីញ្ចឹង! ហើយការបំបែកមនុស្សចេញពីការប្រកួត ការដកគណបក្ស ការចេញសេចក្តីថ្លែងការណ៍ប្រឆាំងឬជំទាស់ ជាជាងវិលមក រកការសន្ទនាគ្នា […] ការធ្វើបែបនេះ ខ្ញុំមិនគិតថាជាអ្វីដែលប្រជាជនកម្ពុជាចង់បាននោះទេ!»
លោក William A. Heidt មានប្រសាសន៍បន្តថា ការបន្តប្រើប្រាស់យន្តការបែបនេះ គឺមិនអាចជួយ អភិវឌ្ឍដំណើរការលទ្ធិប្រជាធិបតេយ្យនៅកម្ពុជាបានទេ។
ងាកមករកការបោះឆ្នោតនៅពេលខាងមុខ នៅពេលអ្នកសារព័ត៌មានសួរថា តើកម្ពុជាអាចនឹងមានបោះឆ្នោតដោយសេរីនិងត្រឹមត្រូវដែរ ឬទេ ឯកអគ្គរដ្ឋទូតសហរដ្ឋអាមេរិក បានបង្ហាញគំនិតសុទិដ្ឋិនិយមច្រើន ដោយយល់ថា ដំណើរការចុះឈ្មោះបោះឆ្នោតកាលពីពេលកន្លងទៅ បានប្រព្រឹត្តិទៅយ៉ាងរលូន៕
No comments:
Post a Comment