 |
| លោកនាយករដ្ឋមន្ត្រី ហ៊ុន សែន ថ្លែងក្នុងពិធីសម្ពោធដាក់អោយប្រើប្រាស់អគាររដ្ឋបាលថ្មី របស់សាលារាជធានីភ្នំពេញ នៅថ្ងៃទី៥ ខែមេសា ឆ្នាំ២០១៦។ RFA/Brach Chev |
លោក ហ៊ុន សែន ព្រមាន ជាថ្មី អំពី ការផ្លាស់ប្ដូរ របបដឹកនាំ របស់លោក នឹងមានសង្គ្រាម
RFA |
លោក នាយករដ្ឋមន្ត្រី ហ៊ុន សែន ព្រមាន ជាថ្មី ថា, ប្រសិនបើ ហ៊ានផ្លាស់ប្ដូរ របបដឹកនាំ របស់លោក សព្វថ្ងៃនោះ ប្រទេស នឹងមាន សង្គ្រាម។ លោក ក៏បាន ជំរុញ ឱ្យកម្លាំង ប្រដាប់អាវុធ ការពារ របប របស់លោក ទោះជាត្រូវ ប្ដូរ ក្នុងតម្លៃណា ក៏ដោយ។
ការថ្លែង របស់លោក ហ៊ុន សែន ធ្វើឡើង នៅក្នុង ពិធី សម្ពោធអគារ សិក្សា វិទ្យាល័យ ហ៊ុន សែន បឹងកុក ក្នុងក្រុង កំពង់ចាម ខេត្តកំពង់ចាម កាលពីថ្ងៃទី២៨ ខែកុម្ភៈ។
នាយឧត្ដម សេនីយ៍ ប៉ុល សារឿន អគ្គមេបញ្ជាការ នៃកងយោធពល ខេមរភូមិន្ទ បានប្រាប់ សារ ព័ត៌មា ក្នុងស្រុក ថា, យោធា ត្រូវតែ ការពារ សន្តិភាព របស់ ប្រទេស, ហើយ ប្រឆាំង ដាច់ខាត នូវបដិវត្តន៍ ពណ៌ ទោះបី ស្ថិតក្នុងរូបភាព ណាក៏ដោយ។
នេះមិនមែនជាលើកទីមួយដែលលោក ហ៊ុន សែន តែងគំរាមអំពីអស្ថិរភាពសង្គម ប្រសិនបើលោកអស់ពីអំណាច។ ជារឿយៗ លោក ហ៊ុន សែន តែងប្រកាសបែបនេះនៅមុនការបោះឆ្នោតឃុំ-សង្កាត់ និងការបោះឆ្នោតជាតិម្ដងៗ។
កាលពីថ្ងៃច័ន្ទ ទី២៧ ខែកុម្ភៈ លោក ហ៊ុន សែន បានព្រមានកម្ទេចអ្នកណាដែលហ៊ានធ្វើបដិវត្តពណ៌ ឬចង់បំផ្លាញសន្តិភាពនៅកម្ពុជា ហើយថា មិនត្រូវយកបញ្ហាសិទ្ធិមនុស្សមកបង្កជាអសន្តិសុខនៅក្នុងប្រទេសនោះឡើយ។
អ្នកជំនាញផ្នែកវិទ្យាសាស្ត្រនយោបាយ លោក សូ ចន្ថា បានប្រាប់អាស៊ីសេរី កាលពីថ្ងៃច័ន្ទថា លោកមិនឃើញថា មានចលនាណាមួយដែលនាំឲ្យកើតមានសង្គ្រាម ឬអស្ថិរភាពនៅក្នុងសង្គមនោះទេ។ ចំពោះការប្រកាសរបស់លោក ហ៊ុន សែន ពេលនេះ លោកយល់ថា អាចជាការគំរាមកំហែងច្រើន ជាង៕
When Warlord Hun Sen loses the 2018 election and refuses to give up power, the Khmer people will have no choice but to claim the leadership
ReplyDeleteof the country back at ALL costs !!! ⚔️⚔️⚔️
If the Khmer people don't do it now, then when ?