អ្នកនាំពាក្យ បក្សកាន់អំណាច មិន ចាប់អារម្មណ៍ នឹងបទវិភាគ របស់ អ.ស.ប. ស្ដីពី វិសោធនកម្ម ច្បាប់
RFA / វិទ្យុ អាស៊ី សេរី | ៣០ មិនា ២០១៧
ស្ដាប់ ឬ ទាញយកសំឡេង
ការិយាល័យ ឧត្ដមស្នងការ អង្គការ សហប្រជាជាតិ ទទួលបន្ទុក សិទ្ធិមនុស្ស ប្រចាំ កម្ពុជា (អ.ស.ប.)
បានចេញ បទវិភាគ របស់ខ្លួន មួយ
ទាក់ទង នឹងភាព ស្រពិចស្រពិល នៃវិសោធនកម្ម ច្បាប់ ស្ដីពី គណបក្ស នយោបាយ
ដែលសភា អនុម័ត កាលពីពេល ថ្មីៗនេះ។
អ្នកនាំពាក្យ គណបក្ស ប្រជាជន កម្ពុជា
មិន ចាប់អារម្មណ៍ ការវិភាគ នោះទេ។
តំណាងរាស្ត្រ និងមន្ត្រីនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា សេចក្ដីវិភាគរបស់ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ដែលថា ច្បាប់គណបក្សនយោបាយមានភាពមិនច្បាស់លាស់នោះ គ្រាន់តែជាទស្សនៈយល់ឃើញរបស់ការិយាល័យអង្គការសហប្រជាជាតិ ប៉ុណ្ណោះ៖ «ការ ដែលគាត់ ចង់ចង្អុល បង្ហាញ ថា ឲ្យកែ ត្រង់នេះ ត្រង់នោះ, អាហ្នឹង ជារឿងគាត់ ទេ។ ច្បាប់ កាលណា អនុម័តហើយ, ចុះហត្ថលេខា លើព្រះរាជក្រម របស់ ព្រះមហាក្សត្រ ប្រកាស ឲ្យប្រើប្រាស់ហើយ, គឺ យើង អនុវត្ត ឲ្យប្រើប្រាស់ ក្នុងរយៈពេល ណាមួយ ជាកំណត់។ ១០ឆ្នាំ ឬ ២០ឆ្នាំ វា នឹងលេចឡើង បញ្ហា មួយចំនួន ថា តើ គួរកែ ឬមិនគួរ? អាហ្នឹង បានគេ ផ្ដើមគំនិត រៀបចំ ធ្វើវិសោធនកម្ម។»
សេចក្ដីវិភាគរបស់ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ដែលមានចំនួន ៣២ទំព័រ បានចង្អុលបង្ហាញនូវបទបញ្ញត្តិជាច្រើននៅក្នុងចំណុចធ្វើវិសោធនកម្មច្បាប់នេះ ថាមិនបានចែងច្បាស់លាស់។ មានជាអាទិ៍ បទបញ្ញត្តិនៅក្នុងមាត្រា៦ ទាក់ទងនឹងខ្លឹមសារនៃពាក្យបំបែកបំបាក់ឯកភាពជាតិ សន្តិសុខជាតិ និងកំហុសធ្ងន់ធ្ងរ ជាដើម ដែលមិនបានផ្ដល់និយមន័យច្បាស់លាស់។ លោក សុខ ឥសាន ថ្លែងបញ្ជាក់ថា មូលហេតុដែលមិនបញ្ជាក់នេះ ព្រោះយោងទៅក្រមព្រហ្មទណ្ឌរួចហើយ៖ «ចំពោះពាក្យមួយចំនួន ដូចជាពាក្យបែកបាក់ជាតិ ដូចជាបញ្ហាអីដូចមានចែងក្នុងមាត្រា៦ ហ្នឹង អាហ្នឹង គឺថាមានចែងនៅក្នុងក្រមព្រហ្មទណ្ឌរួចហើយ។ អ៊ីចឹងបានជាច្បាប់ហ្នឹងគេមិនឲ្យនិយមន័យនៅក្នុងច្បាប់ហ្នឹងតែម្ដងទេ នាំតែវែង ពីព្រោះបញ្ហាអបគមន៍ បញ្ហាបែងចែកទឹកដី បញ្ហាដែលធ្វើឲ្យបែកបាក់ជាតិនោះ វាមានន័យគ្រប់គ្រាន់នៅក្នុងក្រមព្រហ្មទណ្ឌរួចហើយ។»
ទោះជាយ៉ាងនេះក្ដី លោកមានប្រសាសន៍បន្តថា ច្បាប់ដែលបានអនុម័តហើយ គឺត្រូវតែអនុវត្ត ហើយនៅពេលបានអនុវត្តក្នុងរយៈពេលណាមួយ ដែលមើលឃើញថាមានការចាំបាច់ ទើបគេអាចធ្វើវិសោធនកម្មដូចជាពេលនេះ។
ដូចគ្នានេះដែរ នៅក្នុងសេចក្ដីវិភាគ ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា បានសរសេរថា សេចក្ដីវិភាគ ៣២ទំព័រនេះមានគោលបំណងចូលរួមចំណែកជាមួយស្ថាប័នពាក់ព័ន្ធ ដូចជារដ្ឋសភា ព្រឹទ្ធសភា និងក្រុមប្រឹក្សាធម្មនុញ្ញ សម្រាប់ពិចារណាត្រង់ចំណុចដែលត្រូវបានស្នើសុំធ្វើវិសោធនកម្ម។ ប៉ុន្តែដោយសារតែច្បាប់ធ្វើវិសោធនកម្មនេះ ត្រូវបានអនុម័ត និងប្រកាសឲ្យប្រើប្រាស់ជាការប្រញាប់មុនបទវិភាគនេះបញ្ចប់ ទើបបទវិភាគនេះមិនអាចចូលរួមចំណែកសម្រាប់ពិចារណាត្រង់ចំណុចដែលត្រូវបានស្នើសុំធ្វើវិសោធនកម្មនោះទេ។
លោក សុខ ឥសាន ថ្លែងថា ការអនុម័តច្បាប់នេះមិនប្រញាប់ទេ។
ការវិភាគរបស់ការិយាល័យនេះ គឺទាញយកពីបទបញ្ញត្តិនានានៃរដ្ឋធម្មនុញ្ញ និងកតិកាសញ្ញាអន្តរជាតិស្ដីពីសិទ្ធិពលរដ្ឋ និងនយោបាយ ដែលចែងឲ្យពលរដ្ឋមានសិទ្ធិចូលរួមកិច្ចការសង្គម សេរីភាពបញ្ចេញមតិ សេរីភាពប្រមូលផ្ដុំ និងសមាគម។
ទោះជាយ៉ាងណាក្ដី ការចេញបទវិភាគនៅពេលនេះ ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា សង្ឃឹមថា អាចទុកសម្រាប់ឱកាសលើកក្រោយ ដើម្បីធ្វើច្បាប់ឲ្យអនុលោមតាមបទដ្ឋានសិទ្ធិមនុស្សអន្តរជាតិ៕
តំណាងរាស្ត្រ និងមន្ត្រីនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា សេចក្ដីវិភាគរបស់ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ដែលថា ច្បាប់គណបក្សនយោបាយមានភាពមិនច្បាស់លាស់នោះ គ្រាន់តែជាទស្សនៈយល់ឃើញរបស់ការិយាល័យអង្គការសហប្រជាជាតិ ប៉ុណ្ណោះ៖ «ការ ដែលគាត់ ចង់ចង្អុល បង្ហាញ ថា ឲ្យកែ ត្រង់នេះ ត្រង់នោះ, អាហ្នឹង ជារឿងគាត់ ទេ។ ច្បាប់ កាលណា អនុម័តហើយ, ចុះហត្ថលេខា លើព្រះរាជក្រម របស់ ព្រះមហាក្សត្រ ប្រកាស ឲ្យប្រើប្រាស់ហើយ, គឺ យើង អនុវត្ត ឲ្យប្រើប្រាស់ ក្នុងរយៈពេល ណាមួយ ជាកំណត់។ ១០ឆ្នាំ ឬ ២០ឆ្នាំ វា នឹងលេចឡើង បញ្ហា មួយចំនួន ថា តើ គួរកែ ឬមិនគួរ? អាហ្នឹង បានគេ ផ្ដើមគំនិត រៀបចំ ធ្វើវិសោធនកម្ម។»
សេចក្ដីវិភាគរបស់ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា ដែលមានចំនួន ៣២ទំព័រ បានចង្អុលបង្ហាញនូវបទបញ្ញត្តិជាច្រើននៅក្នុងចំណុចធ្វើវិសោធនកម្មច្បាប់នេះ ថាមិនបានចែងច្បាស់លាស់។ មានជាអាទិ៍ បទបញ្ញត្តិនៅក្នុងមាត្រា៦ ទាក់ទងនឹងខ្លឹមសារនៃពាក្យបំបែកបំបាក់ឯកភាពជាតិ សន្តិសុខជាតិ និងកំហុសធ្ងន់ធ្ងរ ជាដើម ដែលមិនបានផ្ដល់និយមន័យច្បាស់លាស់។ លោក សុខ ឥសាន ថ្លែងបញ្ជាក់ថា មូលហេតុដែលមិនបញ្ជាក់នេះ ព្រោះយោងទៅក្រមព្រហ្មទណ្ឌរួចហើយ៖ «ចំពោះពាក្យមួយចំនួន ដូចជាពាក្យបែកបាក់ជាតិ ដូចជាបញ្ហាអីដូចមានចែងក្នុងមាត្រា៦ ហ្នឹង អាហ្នឹង គឺថាមានចែងនៅក្នុងក្រមព្រហ្មទណ្ឌរួចហើយ។ អ៊ីចឹងបានជាច្បាប់ហ្នឹងគេមិនឲ្យនិយមន័យនៅក្នុងច្បាប់ហ្នឹងតែម្ដងទេ នាំតែវែង ពីព្រោះបញ្ហាអបគមន៍ បញ្ហាបែងចែកទឹកដី បញ្ហាដែលធ្វើឲ្យបែកបាក់ជាតិនោះ វាមានន័យគ្រប់គ្រាន់នៅក្នុងក្រមព្រហ្មទណ្ឌរួចហើយ។»
ទោះជាយ៉ាងនេះក្ដី លោកមានប្រសាសន៍បន្តថា ច្បាប់ដែលបានអនុម័តហើយ គឺត្រូវតែអនុវត្ត ហើយនៅពេលបានអនុវត្តក្នុងរយៈពេលណាមួយ ដែលមើលឃើញថាមានការចាំបាច់ ទើបគេអាចធ្វើវិសោធនកម្មដូចជាពេលនេះ។
ដូចគ្នានេះដែរ នៅក្នុងសេចក្ដីវិភាគ ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា បានសរសេរថា សេចក្ដីវិភាគ ៣២ទំព័រនេះមានគោលបំណងចូលរួមចំណែកជាមួយស្ថាប័នពាក់ព័ន្ធ ដូចជារដ្ឋសភា ព្រឹទ្ធសភា និងក្រុមប្រឹក្សាធម្មនុញ្ញ សម្រាប់ពិចារណាត្រង់ចំណុចដែលត្រូវបានស្នើសុំធ្វើវិសោធនកម្ម។ ប៉ុន្តែដោយសារតែច្បាប់ធ្វើវិសោធនកម្មនេះ ត្រូវបានអនុម័ត និងប្រកាសឲ្យប្រើប្រាស់ជាការប្រញាប់មុនបទវិភាគនេះបញ្ចប់ ទើបបទវិភាគនេះមិនអាចចូលរួមចំណែកសម្រាប់ពិចារណាត្រង់ចំណុចដែលត្រូវបានស្នើសុំធ្វើវិសោធនកម្មនោះទេ។
លោក សុខ ឥសាន ថ្លែងថា ការអនុម័តច្បាប់នេះមិនប្រញាប់ទេ។
ការវិភាគរបស់ការិយាល័យនេះ គឺទាញយកពីបទបញ្ញត្តិនានានៃរដ្ឋធម្មនុញ្ញ និងកតិកាសញ្ញាអន្តរជាតិស្ដីពីសិទ្ធិពលរដ្ឋ និងនយោបាយ ដែលចែងឲ្យពលរដ្ឋមានសិទ្ធិចូលរួមកិច្ចការសង្គម សេរីភាពបញ្ចេញមតិ សេរីភាពប្រមូលផ្ដុំ និងសមាគម។
ទោះជាយ៉ាងណាក្ដី ការចេញបទវិភាគនៅពេលនេះ ការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា សង្ឃឹមថា អាចទុកសម្រាប់ឱកាសលើកក្រោយ ដើម្បីធ្វើច្បាប់ឲ្យអនុលោមតាមបទដ្ឋានសិទ្ធិមនុស្សអន្តរជាតិ៕
No comments:
Post a Comment