 |
| លោក សុខ អាន កាលពីពេលកន្លងទៅ |
លោក សុខ អាន ទទួល មរណភាព ក្នុងជន្មាយុ ៦៦ឆ្នាំ ដោយរោគាពាធ
| មន្ត្រី ជាន់ខ្ពស់ គណបក្ស ប្រជាជន និងជារដ្ឋមន្ត្រី ទទួលបន្ទុក ទីស្តីការ គណៈរដ្ឋមន្ត្រី លោក សុខ អាន ដែលទើប ទទួលបាន គោរមងារ ជា «សម្តេច វិបុល បញ្ញា» បានទទួល មរណភាព ក្នុងជន្មាយុ ៦៦ឆ្នាំ ដោយរោគាពាធ។
នេះ បើ តាមលិខិត ជូនដំណឹង របស់ រាជរដ្ឋាភិបាល កម្ពុជា។
ក្នុងលិខិត របស់ រាជរដ្ឋាភិបាល កម្ពុជា ចុះថ្ងៃ ទី១៥ មីនា បានឲ្យដឹង ថា, លោក សុខ អាន បានទទួល មរណភាពហើយ នៅវេលា ម៉ោង៦ និង៣២ នាទី ល្ងាច ដោយរោគាពាធ នៅមន្ទីរពេទ្យ ក្រុងប៉េកាំង នៃប្រទេស ចិន។
បើ តាមលិខិត មួយទៀត ចុះថ្ងៃពុធ នេះដែរ, ទីស្តីការ គណៈរដ្ឋមន្ត្រី បានស្នើ ដល់រដ្ឋមន្ត្រី ក្រសួង សេដ្ឋកិច្ច និងហិរញ្ញវត្ថុ ឲ្យប្រទាន ថវិកា ចំនួន បីប៊ីលាន (៣.០០០.០០០.០០០) រៀល ឬស្មើ នឹង៧៥ម៉ឺន ដុល្លារ សម្រាប់ ចំណាយ រៀបចំ ពិធី បុណ្យសព លោក សុខ អាន ក្នុងពេល ខាងមុខ។
លោក សុខ អាន បានកើត នៅថ្ងៃ ទី១៦ ខែមេសា ឆ្នាំ១៩៥០ ក្នុងឃុំ ព្រះបាទ ជាន់ជុំ ស្រុក គីរីវង់ ខេត្ត តាកែវ និងបច្ចុប្បន្ន ជាសមាជិក រដ្ឋសភា, ឧបនាយក រដ្ឋមន្ត្រី, និងជារដ្ឋមន្ត្រី ទទួលបន្ទុក ទីស្តីការ គណៈរដ្ឋមន្ត្រី ផង។
គេហទំព័រ ទីស្ដីការ គណៈរដ្ឋមន្ដ្រី ឲ្យដឹង ថា, លោក សុខ អាន មានភរិយាឈ្មោះ អាយ អាន្នី និងមាន កូនប្រុស ៤នាក់ និងស្រីម្នាក់។ កូនស្រី មានឈ្មោះ សុខ សុម៉ា, ចំណែក កូនប្រុស ទី១ ឈ្មោះ សុខ ពុទ្ធីវុធ; កូនប្រុស ទី២, សុខ សូកាន; កូនប្រុស ទី៣, សុខ សូកេន; និងកូនប្រុស ទី៤, សុខ សង្វារ៕
No comments:
Post a Comment