 |
| (ពីស្ដាំជួរមុខ) អ្នកស្រី លឹម មុន្នី លោក នី សុខា លោក យី សុខសាន្ត និងលោក ណៃ វ៉ង់ដា (រូបក្រោយ) ពេលនាំមកកាន់តុលាការកំពូល នៅថ្ងៃទី១៣ ខែមីនា ឆ្នាំ២០១៧។ RFA/Cheu Sideth |
តុលាការ កំពូល ច្រានចោល បណ្ដឹង សូម នៅក្រៅឃុំ របស់ មន្ត្រី ការពារ សិទ្ធិមនុស្ស អាដហុក
RFA | ១២ មិនា ២០១៧
តុលាការ កំពូល នៅព្រឹក ថ្ងៃទី១៣ មីនា សម្រេច ច្រានចោល បណ្ដឹង សូម នៅក្រៅឃុំ របស់ មន្ត្រី ការពារ សិទ្ធិមនុស្ស សមាគម អាដហុក (ADHOC) ៤រូប ដោយសំអាង ហេតុផល ថា, ខ្លាចមន្រ្តី ទាំងនោះ រត់គេចខ្លួន និងថា សំណុំរឿងនេះ កំពុង ស្ថិតក្នុង ដំណាក់កាល នៃការស៊ើបអង្កេត នៅឡើយ។
ការសម្រេចនេះ មានន័យថា ជាការតំកល់នូវការសម្រេចរបស់សាលាឧទ្ធរណ៍កាលពីថ្ងៃទី២៣ កុម្ភៈ ដែលបានសំអាងហេតុផលដូចគ្នា។
សកម្មជនសិទ្ធិមនុស្សអាដហុក ទាំង ៤រូប មានលោក នី សុខា លោក ណៃ វ៉ង់ដា លោក យី សុខសាន្ត និងអ្នកស្រី លឹម មុន្នី ត្រូវបានសាលាដំបូងរាជធានីភ្នំពេញ សម្រេចឃុំខ្លួនបណ្ដោះអាសន្ន ក្រោមបទចោទសូកប៉ាន់សាក្សីតាមមាត្រា៥៤៨ នៃក្រមព្រហ្មទណ្ឌ កាលពីដើមខែឧសភា ឆ្នាំ២០១៦។
អ្នកទាំង៤ ត្រូវបានអង្គភាពប្រឆាំងអំពើពុករលួយចោទប្រកាន់កាលពីខែមេសា ឆ្នាំ២០១៦ ពាក់ព័ន្ធរឿងក្ដីដ៏ចម្រូងចម្រាសជាមួយអ្នកនាង ខុម ចាន់តារាទី ហៅស្រីមុំ។
No comments:
Post a Comment