រថយន្តដឹកកម្មករដែលរងគ្រោះថ្នាក់នៅខេត្តស្វាយរៀង កាលពីព្រឹកថ្ងៃទី១៩ ខែឧសភា ឆ្នាំ២០១៥។ |
ស្លាប់ ២៩នាក់ និងរបួស ធ្ងន់ ៨១នាក់ ដោយសារ គ្រោះថ្នាក់ ចរាចរណ៍ បីថ្ងៃ នៃបុណ្យ ចូលឆ្នាំ
RFA / វិទ្យុ អាស៊ី សេរី | ១៦ មេសា ២០១៧
គ្រោះថ្នាក់ ចរាចរណ៍ នៅទូទាំង ប្រទេស ក្នុងរយៈពេល បីថ្ងៃ នៃពិធីបុណ្យ ចូលឆ្នាំថ្មី គិតចាប់ ពីថ្ងៃ ទី១៤ ដល់ថ្ងៃ ទី១៦ ខែមេសា មានចំនួន ៧៤ ករណី, ក្នុងនោះ មានអ្នកស្លាប់ ចំនួន ២៩នាក់, របួសធ្ងន់ ចំនួន ៨១នាក់ និងរបួស ស្រាល ចំនួន ៥៧នាក់។
គេហទំព័រ អគ្គស្នងការដ្ឋាន នគរបាល ជាតិ ឲ្យដឹង ថា, ចំនួន អ្នកស្លាប់ ដោយសារ ករណី គ្រោះថ្នាក់ ចរាចរណ៍នេះ បានថយចុះ ១៩% ស្មើនឹង ៧នាក់ បើ ប្រៀបធៀប ទៅនឹង រយៈពេល ដូចគ្នានេះ កាលពីឆ្នាំ ២០១៦ កន្លងទៅ។ ដូចគ្នា នេះដែរ ចំនួន អ្នករបួស ធ្ងន់ ក៏មាន ការថយ ចុះពី ១០០នាក់ កាលពីឆ្នាំ ២០១៦ មកនៅត្រឹម ៨១នាក់ ក្នុងឆ្នាំ ២០១៧ នេះ។ ប៉ុន្តែ ចំនួន ករណី គ្រោះថ្នាក់ ចរាចរណ៍កើតឡើង ក្នុងរយៈពេល បីថ្ងៃ នៃពិធីបុណ្យ ចូលឆ្នាំថ្មី សម្រាប់ ឆ្នាំ២០១៦ និងឆ្នាំ ២០១៧ នេះ ស្ទើរតែ ប្រហាក់ប្រហែលគ្នា គឺ ៧៤ លើកក្នុងឆ្នាំ ២០១៧ និង ៧៥ លើកក្នុងឆ្នាំ ២០១៦។
គេហទំព័រ អគ្គស្នងការដ្ឋាន នគរបាល ជាតិ ដដែល ឲ្យដឹងទៀត ថា ក្រៅពីករណី ស្លាប់ និងរងបួស ធ្ងន់ ស្រាលនេះ ក្នុងរយៈពេល បីថ្ងៃ នៃពិធីបុណ្យ ចូលឆ្នាំថ្មីនេះ ចំនួន យានជំនិះ ខូចខាត សរុបរួម មាន ម៉ូតូ ៨៥គ្រឿង, រថយន្តតូច ៣២គ្រឿង រថយន្តធំ ២គ្រឿង យានជំនិះផ្សេងៗ ៣គ្រឿង អ្នកថ្មើរជើងរងគ្រោះថ្នាក់ ៥នាក់ និងករណីមិនពាក់មួកពេលមានគ្រោះថ្នាក់ ១១៣នាក់៕
No comments:
Post a Comment