![នាយករដ្ឋមន្ត្រីវៀតណាម លោក ង្វៀន ស៊ុងហ៊្វុក (Nguyen Xuan Phuc) [ឆ្វេង] និងលោកនាយករដ្ឋមន្ត្រី លោក ហ៊ុន សែន ថតរូបរួមគ្នានាខេត្តសៀមរាប កាលពីថ្ងៃទី២៣ ខែវិច្ឆិកា ឆ្នាំ២០១៦។ RFA/Hang Savyouth](http://www.rfa.org/khmer/news/politics/cam-vietnam-04252017050122.html/hun-vet855.jpg/@@images/6f2f140e-aa1f-4ca7-825a-e6191060fe82.jpeg "នាយករដ្ឋមន្ត្រីវៀតណាម លោក ង្វៀន ស៊ុងហ៊្វុក (Nguyen Xuan Phuc) [ឆ្វេង] និងលោកនាយករដ្ឋមន្ត្រី លោក ហ៊ុន សែន ថតរូបរួមគ្នានាខេត្តសៀមរាប កាលពីថ្ងៃទី២៣ ខែវិច្ឆិកា ឆ្នាំ២០១៦។ RFA/Hang Savyouth") |
| នាយករដ្ឋមន្ត្រីវៀតណាម លោក ង្វៀន ស៊ុងហ៊្វុក (Nguyen Xuan Phuc) [ឆ្វេង] និងលោកនាយករដ្ឋមន្ត្រី លោក ហ៊ុន សែន ថតរូបរួមគ្នានាខេត្តសៀមរាប កាលពីថ្ងៃទី២៣ ខែវិច្ឆិកា ឆ្នាំ២០១៦។ RFA/Hang Savyouth |
កម្ពុជា, វៀតណាម សម្រេច សិក្សា រួមគ្នា ដើម្បី សាងសង់ ផ្លូវ ល្បឿនលឿន តភ្ជាប់ ប្រទេស ទាំង២
RFA / វិទ្យុ អាស៊ី សេរី | ២៥ មេសា ២០១៧
លោក នាយករដ្ឋមន្ត្រី ហ៊ុន សែន បានឱ្យដឹង នៅក្នុង ហ្វេសប៊ុក (Facebook) របស់លោក នៅថ្ងៃ ទី២៥ ខែមេសា ថា, ការសិក្សា រួមគ្នា ដើម្បី សាងសង់ផ្លូវ ល្បឿនលឿននេះ ធ្វើឡើង នៅក្នុង ការចុះ អនុស្សរណៈ ចំនួន ៤ ស្របពេល នាយករដ្ឋមន្ត្រី វៀតណាម លោក ង្វៀន ស៊ុងហ៊្វុក (Nguyen Xuan Phuc) កំពុង បំពេញ ទស្សនកិច្ច នៅកម្ពុជា។
ក្នុងពិធី ចុះអនុស្សរណៈ ចំនួន៤ នៅវិមាន សន្តិភាព នៅថ្ងៃ ទី២៥ ខែមេសា មានដូចជា អនុស្សរណៈ យោគយល់ អំពី ការសិក្សា រួម ស្ដីពី ការសាងសង់ ផ្លូវ ល្បឿនលឿន ភ្នំពេញ-បាវិត និងផ្លូវ ល្បឿនលឿន ហូជីមិញ-ម៉ុកបាយ (Ho Chi Minh-Moc Bai), អនុស្សរណៈ យោគយល់គ្នា ស្ដីពី គម្រោង សាងសង់ មជ្ឈមណ្ឌល ផ្ដល់សេវា ស្ម័គ្រចិត្ត និងផ្នែក លើសហគមន៍ ដល់អ្នក ញៀន គ្រឿងញៀន ក្នុងខេត្ត ព្រះសីហនុ , អនុស្សរណៈ បន្ត សុពលភាព នៃអនុស្សរណៈ កិច្ចសហប្រតិបត្តិការ ទ្វេភាគី លើវិស័យ ជលផល, និងចុងក្រោយ អនុស្សរណៈ យោគយល់គ្នា ស្ដីពី ការគាំទ្រ សាងសង់ មហាវិថី មិត្តភាព ភ្នំពេញ-ហាណូយ។
នៅក្នុងដំណើរទស្សនកិច្ចរយៈពេល ៣ថ្ងៃនៅកម្ពុជា ក្រៅពីជួបពិភាក្សាជាមួយលោកនាយករដ្ឋមន្ត្រី ហ៊ុន សែន។ លោកនាយករដ្ឋមន្ត្រីវៀតណាម ង្វៀន ស៊ុងហ៊្វុក នឹងបន្តជួបប្រធានព្រឹទ្ធសភា លោក សាយ ឈុំ ប្រធានរដ្ឋសភា លោក ហេង សំរិន ចូលក្រាបបង្គំគាល់ព្រះមហាក្សត្រ ព្រះបាទ នរោត្តម សីហមុនី និងថ្វាយបង្គំព្រះសង្ឃរាជ ទេព វង្ស មុខនឹងបញ្ចប់ដំណើរទស្សនកិច្ចរបស់លោកនៅថ្ងៃទី២៦ ខែមេសា៕
No comments:
Post a Comment