ប្រធានាធិបតីចិន លោក ស៊ី ជីនពីង (Xi Jinping) (ឆ្វេង) ជួបលោកនាយករដ្ឋមន្ត្រី ហ៊ុន សែន នៅថ្ងៃទី១៣ ខែតុលា ឆ្នាំ២០១៦។ RFA/Brach Chev |
លោក ហ៊ុន សែន រំពឹង ថា នឹងបាន ជំនួយ បន្ថែម ពេលចូលរួម សន្និសីទ វិថីសូត្រ នៅចិន
RFA / វិទ្យុ អាស៊ី សេរី | ១៨ មេសា ២០១៧
លោក នាយករដ្ឋមន្ត្រី ហ៊ុន សែន នឹងចូលរួម សន្និសីទ កំពូល «ខ្សែក្រវាត់មួយ, វិថីមួយ» ឬហៅ ថា «វិថី សូត្រ» ដែលនឹងរៀបចំ ដោយប្រទេស ចិន នាពាក់កណ្ដាល ខែ ឧសភា ឆ្នាំ២០១៧ នេះ នៅទីក្រុង ប៉េកាំង។
លោក ហ៊ុន សែន ធ្លាប់លើកឡើងថា
តាមរយៈដំណើរទស្សនកិច្ចផ្លូវការរបស់លោក កម្ពុជា
នឹងទទួលបានគម្រោងសាងសង់ហេដ្ឋារចនាសម្ព័ន្ធជាច្រើនបន្ថែមទៀតពីប្រទេសចិន។
គម្រោងសាងសង់ហេដ្ឋារចនាសម្ព័ន្ធទាំងនេះរួមមាន
ការសាងសង់ស្ពានចំនួនពីរឆ្លងកាត់ទន្លេមេគង្គ។
ស្ពានទីមួយតភ្ជាប់ពីតំបន់អរិយក្សត្រ ទៅតំបន់ក្តីតាកុយ
និងស្ពានមួយទៀត តភ្ជាប់ពីតំបន់ជ្រោយចង្វារ ទៅកាន់តំបន់ស្វាយជ្រុំ។
កាលពីខែតុលា ឆ្នាំ២០១៥ កន្លងទៅ ប្រទេសចិន
បានធ្វើការសិក្សាលទ្ធភាពអំពីគម្រោងសាងសង់ស្ពានទាំងពីរនេះរួចរាល់ហើយ។
ភ្នាក់ងារសារព័ត៌មានអន្តរជាតិ រ៉យទ័រ (Reuters) ឲ្យដឹងកាលពីថ្ងៃទី១៨
ខែមេសា ថា ប្រទេសចិន
នឹងរៀបចំព្រឹត្តិការណ៍ការទូតដ៏ធំបំផុតមួយស្ដីពីគម្រោងវិថីសូត្រថ្មីនេះ
ដែលជាការជួបប្រជុំជាមួយបណ្ដាប្រទេសជាមិត្ត
និងសម្ព័ន្ធមិត្តរបស់ខ្លួន។
ប្រធានាធិបតីចិន លោក ស៊ី ជីនពីង (Xi Jing Ping) បានផ្ចុងផ្ដើមឲ្យមានឡើងគំនិតផ្ដួចផ្ដើមស្ដីពីកម្មវិធី «ខ្សែក្រវាត់មួយ វិថីមួយ» នេះឡើង
ដើម្បីកសាងវិថីសូត្រថ្មីមួយតភ្ជាប់តំបន់អាស៊ី អាហ្វ្រិក
និងអឺរ៉ុប
ដោយមានទឹកប្រាក់វិនិយោគរាប់ពាន់លានដុល្លារអាមេរិកលើគម្រោងហេដ្ឋារចនាសម្ព័ន្ធរូបវន្តនានា
រួមមាន ផ្លូវរថភ្លើង កំពង់ផែ និងបណ្ដាញអគ្គិសនី។
ប្រទេសចិន បានចំណាយទឹកប្រាក់ចំនួន
៤០ប៊ីលានដុល្លារអាមេរិក ដល់មូលនិធិវិថីសូត្រនេះ។
កម្មវិធីផ្ដួចផ្ដើមនេះ
គឺជាកម្លាំងចលករមួយនៅពីក្រោយការបង្កើតធនាគារវិនិយោគហេដ្ឋារចនាសម្ព័ន្ធអាស៊ី
(AIIB) ដែលគាំទ្រដោយប្រទេសចិន
ក្រោមទឹកប្រាក់វិនិយោគចំនួន ៥០ប៊ីលានដុល្លារអាមេរិក ហើយដែលកម្ពុជា
ក៏ជាសមាជិកស្ថាបនិកមួយផងដែរ៕
ខ្ញុំអាក់អន់ខកចិត្ត នឹង វិទ្យុ អាស៊ី សេរី មាំណាស់ ក្នុងការបកប្រែ ពាក្យ "វិថី សូត្រ" នេះពីព្រោះវាគ្មានន័យអីទាល់តែសោះ។ បើសឹនជា "ផ្លូវជំនួញ សូត្រ" ប្រហែលជាស្រួលយល់នឹងស្ដាប់ជាង???
ReplyDeleteខ្មែរអាច សរសេរអក្សរខ្មែរបាន ដោយមិនខ្លាចគេលុបចោល?
ReplyDelete