គោរមងារ «ឧកញ៉ា» ឡើងថ្លៃ
RFI / វិទ្យុ បារាំង អន្តរជាតិ | ១ មេសា ២០១៧
កាលពីមុន គេ ត្រូវ បរិច្ចាគ ធនធាន ជូនរដ្ឋ លើសពី ១០ម៉ឺន ដុល្លារ ឡើងទៅ ទើប ត្រូវ បានប្រគល់ គោរមងារ ជា «ឧកញ៉ា»។ ប៉ុន្តែ ចាប់ពីពេលនេះ តទៅ ដើម្បី ទទួលបាន គោរមងារ ជា «ឧកញ៉ា» សប្បុរសជន ត្រូវ ធ្វើអំណោយ ជូនរដ្ឋ ដែលមាន តម្លៃ លើសពី ៥០ម៉ឺន ដុល្លារ អាមេរិក ឡើងទៅ។ ការសម្រេចនេះ ធ្វើឡើង តាមរយៈ អនុក្រឹត្យ មួយ ចុះថ្ងៃ ទី២០ មីនា ដែលត្រូវ បានផ្សព្វផ្សាយ ជាសាធារណៈ នៅថ្ងៃ សៅរ៍នេះ។
គួរកត់សម្គាល់ថា តាំងពីជាង២០ឆ្នាំមុន ពោលគឺចាប់តាំងពីឆ្នាំ១៩៩៤មក ដើម្បីបានទទួលគោរមងារជា ឧកញ៉ា សប្បុរសជនតម្រូវឲ្យធ្វើអំណោយជូនរដ្ឋត្រឹមតែ១០ម៉ឺនដុល្លារឡើងទៅតែប៉ុណ្ណោះ។
ការតម្លើងថ្លៃនៃគោរមងារជាឧកញ៉ានាពេលនេះ ត្រូវបានអ្នកតាមដានស្ថានការណ៍សង្គមនិងនយោបាយមើលឃើញថា មិនបានបង្កជាផលរមាស់អ្វីដល់សង្គមជាតិទេ។ លោក មាស នី អ្នកស្រាវជ្រាវដើម្បីការអភិវឌ្ឍសង្គម ចាត់ទុកការផ្ដល់គោរមងារឧកញ៉ា ថាជាការតបស្នងដល់ ជនដែលបរិច្ចាគធនធានផ្ទាល់ខ្លួនជូនរដ្ឋ។
ប៉ុន្តែទន្ទឹមគ្នានេះ លោក មាស នី ថា រដ្ឋគួរតែមានលក្ខន្តិកៈច្បាស់លាស់ក្នុងការផ្ដល់គោរមងារ មិនមែនកំណត់តែទៅលើទឹកប្រាក់បរិច្ចាគជូនរដ្ឋដូចសព្វថ្ងៃនេះទេ។ សម្រាប់អ្នកស្រាវជ្រាវដើម្បីការអភិវឌ្ឍសង្គមរូបនេះ ឧកញ៉ា គួរតែជាបុគ្គលដ៏គួរឲ្យគោរព មានគុណធម៌ រកស៊ីសុចរិត និងជួយកសាងជាតិ។ ចំណែកបុគ្គលដែលមានបានដោយរបររកស៊ីទុច្ចរិត ហើយបរិច្ចាគប្រាក់ជូនរដ្ឋដើម្បីក្លាយខ្លួនជាឧកញ៉ានោះ មិនគួររដ្ឋប្រគល់គោរមងារជូនឡើយ។ នេះបើតាមលោក មាស នី ដដែល។
សូមជម្រាបជូនថា បើតាមការស្រាវជ្រាវ ចាប់ពីឆ្នាំ១៩៩៤ ដល់ឆ្នាំ២០០៤ កម្ពុជាមានឧកញ៉ាយ៉ាងហោចណាស់២០០នាក់។ រហូតដល់ឆ្នាំ ២០០៩ ចំនួនឧកញ៉ាបានកើនឡើងដល់៤០០នាក់ និងបន្តកើនឡើងដល់ប្រមាណ៧០០នាក់ គិតត្រឹមដើមឆ្នាំ២០១៤៕
បើអញ្ចឹងម៉ែននោះ [ឧកញ៉ា]កំឡោះដាច់យ៉ៃខ្ញំុ មុខតែអស់សង្ឃឹមម៉ែនទែនហើយ ចាប់ពីពេលនេះតទៅ៕
ReplyDeleteRe: គោរមងារ «ឧកញ៉ា» ឡើងថ្លៃ | Price hike for tile of "Ohkna" [tycoon]
ReplyDeleteTrop marrant!!! It's more like price gouging to me...RFLMFAO!
It's bad marketing. They should introduce the upgrade title, Ohkna+ and once awhile, offer, Ohkna-Limited.
Deletelol...it's so sad, greed and corruption have destroyed any humanity left among the authority.
\o/ \o/
ReplyDeleteឧកញ៉ា លើ គុម្ព បន្លាច់ , អុក ញ៉ាច់ លើ គុម្ព បន្លា ។
ReplyDelete( គឺ រអិលជើង ហើយដួល អុក គូទ ប៉ះចំលើ បន្លា មែកក្រសាំង !!!)។
Re: ឧកញ៉ា លើ គុម្ព បន្លាច់ , អុក ញ៉ាច់ លើ គុម្ព បន្លា ។
Deleteលោកក្ដពីមុខ សរសេរខ្មែរបានល្អណាស់។ សូមសរសើរ៕