 |
| លោក ហ៊ុន ម៉ាណែត (កណ្ដាល) មេបញ្ជាការរងកងទ័ពជើងគោក និងជានាយរងសេនាធិការចម្រុះនៃកងយោធពលខេមរភូមិន្ទ ក្នុងពិធីរៀបចំការចូលប្រឡងជ្រើសរើសនាយទាហាន កាលពីថ្ងៃទី២០ ខែធ្នូ ឆ្នាំ២០១៥។ RFA/Brach Chev |
តុលាការ អាមេរិក បើកសវនាការ សំណុំរឿង ពាក់ព័ន្ធលោក ហ៊ុន ម៉ាណែត
RFA / វិទ្យុ អាស៊ី សេរី | ១៣ មេសា ២០១៧
តុលាការ សហព័ន្ធ របស់ សហរដ្ឋ អាមេរិក ក្នុងទីក្រុង ឡុងប៊ិច (Long Beach) បើកសវនាការ បង្ហាញ អង្គហេតុ និងភស្តុតាង ករណី បង្ករបួសស្នាម លើស្មៀន រត់ការ ឯកសារ របស់ តុលាការ ឈ្មោះ ផល ហេយស៍ (Paul Hayes) ដោយក្រុម អង្គរក្ស លោក ហ៊ុន ម៉ាណែត នៅថ្ងៃ ទី១៣ មេសានេះ វេលា ម៉ោង ៨ និង៣០ នាទី ព្រឹក ម៉ោងនៅរដ្ឋ កាលីហ្វ័រញ៉ា (California) សហរដ្ឋ អាមេរិក។
តុលាការ ក៏នឹងពិនិត្យ លើករណី បណ្ដឹង របស់ ភរិយាលោក មាជ សុវណ្ណារ៉ា និងលោក ញ៉យ ចំរើន ដែលប្ដឹង រដ្ឋាភិបាល កម្ពុជា និងលោក ហ៊ុន ម៉ាណែត ពីបទធ្វើ ទារុណកម្ម ការធ្វើ ទុក្ខបុកម្នេញ គណបក្ស ប្រឆាំង និងអំពើ ភេរវកម្ម អន្តរជាតិ នៅថ្ងៃនេះ ដែរ។
កាលពីថ្ងៃទី៩ ខែមេសា កន្លងទៅ អង្គរក្សលោក ហ៊ុន ម៉ាណែត មួយហ្វូងបានចាប់បោក លោកផល ហេយស៍ ជាស្មៀនមេធាវីអាមេរិកាំង ទៅលើថ្ម ក្នុងបរិវេណភោជនីយដ្ឋាន ឋានព្រះចន្ទ ឲ្យរបួសធ្ងន់ ក្នុងទីក្រុងឡុងប៊ិច ខណៈ លោក ផល ឈោងជូនដីការបស់តុលាការសហព័ន្ធអាមេរិក នៅក្រុងឡូសអែនជឺឡេស (Los Angeles) ដែលកោះហៅ លោក ហ៊ុន ម៉ាណែត ឲ្យចូលបំភ្លឺករណីចោទប្រកាន់របស់បណ្ដឹងភរិយាលោក មាជ សុវណ្ណារ៉ា។
សវនាការនៅថ្ងៃនេះ ចៅក្រមនឹងសាកសួរអំពីព័ត៌មាន ជនសង្ស័យពីររូប និងអ្នកពាក់ព័ន្ធដទៃទៀតក្នុងករណីបង្ករបួសស្នាម លើលោក ផល ដែលក្រុមសមត្ថកិច្ច ប៉ូលិសអាមេរិកបានរកឃើញ៕
No comments:
Post a Comment