 |
| ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក វីល្លៀម ហៃដ្ដ៍ (William Heidt) បើកកិច្ចពិភាក្សាជាមួយអ្នកកាសែត នៅថ្ងៃទី២០ ខែកញ្ញា ឆ្នាំ២០១៦ ដើម្បីចែករំលែកបទពិសោធន៍ទាក់ទងនឹងដំណើរទស្សនកិច្ចរបស់លោកទៅទីក្រុងហុងកុង ប្រទេសចិន។ RFA/Ou Banung |
សហរដ្ឋ អាមេរិក ផ្តល់លុយ ជិត ២លាន ដុល្លារ សម្រាប់ ការបោះឆ្នោត នៅកម្ពុជា
RFA / វិទ្យុ អាស៊ី សេរី | ៦ មេសា ២០១៧
ទីភ្នាក់ងារ សហរដ្ឋ អាមេរិក សម្រាប់ អភិវឌ្ឍន៍ អន្តរជាតិ ហៅកាត់ ថា យូអេស អេអាយឌី (USAID) ផ្តល់ថវិកា ជិត ២លាន ដុល្លារ សម្រាប់ ការបោះឆ្នោត នៅកម្ពុជា ទាំងការ បោះឆ្នោត ជ្រើសរើស ក្រុមប្រឹក្សា ឃុំ-សង្កាត់ ឆ្នាំ២០១៧ និងការ បោះឆ្នោត ជាតិ នៅឆ្នាំ ២០១៨។
ជំនួយរយៈពេលពីរឆ្នាំនេះ គឺផ្តល់ទៅឲ្យមូលនិធិអន្តរជាតិសម្រាប់ប្រព័ន្ធបោះឆ្នោត (International Foundation for Electoral System) ដើម្បីជួយគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប ប្រើប្រាស់សម្រាប់ធ្វើយុទ្ធនាការអប់រំអ្នកបោះឆ្នោត ដោះស្រាយវិវាទក្នុងការបោះឆ្នោត និងលើកកម្ពស់សមត្ថភាពរបស់ គ.ជ.ប កាត់បន្ថយចំណុចខ្សោយក្នុងប្រព័ន្ធបោះឆ្នោតនៅកម្ពុជា។
ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក វីល្លៀម ហៃដ្ត (William Heidt) ចាត់ទុកថា ការចូលរួមក្នុងការបោះឆ្នោត គឺជាគ្រឹះនៃលទ្ធិប្រជាធិបតេយ្យដ៏ល្អមួយ។ សហរដ្ឋអាមេរិករំពឹងថា ជំនួយជិត ២លានដុល្លារនេះ នឹងជួយឲ្យ គ.ជ.ប ប្ដេជ្ញាចិត្តរៀបចំការបោះឆ្នោតឲ្យមានប្រសិទ្ធភាព និងកែទម្រង់ប្រព័ន្ធបោះឆ្នោតនៅកម្ពុជា។
កន្លងទៅ អ្នកនាំពាក្យរបស់ គ.ជ.ប. លោក ហង្ស ពុទ្ធា ធ្លាប់ឲ្យដឹងថា ដើម្បីដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់បាន គ.ជ.ប ត្រូវការថវិកាប្រមាណ ៥២លានដុល្លារសហរដ្ឋអាមេរិក៕
No comments:
Post a Comment